ANGIMANGENG 1:10 - KITTA KAREBA MADECENG

¹⁰ Rékko iyaro riyakkasuwiyangengngé sikaju bimbala iyaré'ga bémbé, iyaro olokolo'é harusu'i iya laié sibawa dé'é gaga sala-salanna.

ANGIMANGENG 1:10 ပူးပေါင်းရင်းမြစ်များ

KAJAJIYANG 4:4

Nainappa Habél malai ana' bimbala iya macowaé polé ri sala séddinna bimbala'na, nagéréi, nainappa nakkasuwiyangeng bagiyang iya kaminang makessingngé lao ri Puwangnge. Masennangngi Puwangnge lao ri Habél sibawa pakkasuwiyanna,

KAJAJIYANG 8:20

Patettonni Nuh séuwa mézba untu' Puwangnge. Nalani sikaju polé ri tungke' rupanna manu'-manu'é sibawa olokolo laingngé iya hallala'é, nainappa nakkasuwiyangeng selaku akkarobangeng ritunu ri yasé'na mézbaéro.

ASSURENG 12:5

Weddikko pilé bimbala iyaré'ga bémbé, iyakiya harusu'i iya laié, umuru'na sitaung, sibawa dé'gaga sala-salanna.

YEHEZKIEL 43:22

Bajana harusu'ko makkasuwiyangeng sikaju bémbé lai iya dé'é gaga sala-salanna untu' akkarobangeng paddampengeng dosa. Paccingiwi iyaro mézbaé sibawa dara bémbé'éro, pada-pada iya mupogau'é sibawa saping lai loloéro.

ANGIMANGENG 14:10

Ri esso iya maaruwaé harusu'i iyaro tauwé tiwi duwa ana' bimbala' lai sibawa sikaju ana' bimbala' komba iya makkéumuru'é sitaung, iya dé'é gaga sala-salanna. Ri lainnaʻro telluto kilo labbu iya puraé ricampuru sibawa minnya zaitun nenniya tawatellubbang minnya zaitun.

ANGIMANGENG 16:3

Banna nasibawang cara makkasuwiyangeng saping lai lolo untu' akkarobangeng paddampengeng dosaé sibawa sikaju bimbala lai untu' akkarobangeng ritunu, nawedding Harun muttamakiwi Bili' Pommapaccingngé.”

ANGIMANGENG 16:5

Nainappa harusu'i mabbéréyang umma Israélié lao ri Harun duwakkaju bémbé lai untu' akkarobangeng paddampengeng dosa sibawa sikaju bimbala lai untu' akkarobangeng ritunu.

ANGIMANGENG 23:12

Ri esso muwakkasuwiyangenna iyaro gandongngé, harusu tokko makkasuwiyang untu' akkarobangeng ritunu sikaju ana' bimbala lai iya makkéumuru sitaungngé sibawa dé'é sala-salanna.

ANGIMANGENG 3:1

Rékko séddié tau makkasuwiyangeng sikaju saping untu' akkarobangeng pappasidamé, iyaro sapingngé wedding lai, wedding komba, iyakiya dé' nawedding engka sala-salanna.

ANGIMANGENG 4:23

namaingekinna muwa, harusu'na makkarobangeng sikaju bémbé lai iya dé'é gaga sala-salanna untu' paddampengeng dosa.

ANGIMANGENG 4:3

Rékko Imang Lompoé madosa, angkanna maccowé towi bangsa Israélié pasala, harusu'i makkasuwiyangeng sikaju saping lai malolo iya dé'é sala-salanna lao ri Puwangnge kuwammengngi nariyaddampengeng dosana.

ANGIMANGENG 5:15

Rékko séddié tau dé' nattungkaiwi pogau' dosa nasaba takkalupai ri laleng mabbéréyangngi sining pakkasuwiyanna iya riwajikengngé untu' Puwangnge, iyaro tauwé harusu'i tiwi akkarobangeng passullé aroging. Iyaro akkarobangngé harusu'i sikaju bimbala iyaré'ga bémbé lai iya dé'é gaga sala-salanna, sibawa riyangke situru ellinna iya ripatakkennaé ri Kémana Puwangnge.

ANGIMANGENG 9:2

Nakkeda Musa lao ri Harun, “Alano sikaju saping lai malolo sibawa sikaju bimbala lai, iya duwa dé'gaga sala-salanna. Akkasuwiyangengngi iya duwa olokolo'éro lao ri Puwangnge, saping laié untu' akkarobangeng paddampengeng dosa, sibawa bimbala laié untu' akkarobangeng ritunu.

MALEAKHI 1:14

Tattanroi topabbelléng iya makkasuwiyangengngé lao ri Iyya olokolo iya dé'é angke'na, rékko ri yelle'na olokolo'na engka olokolo makessing iya puraé najjanciyang lao ri Iyya! Saba' Iyya ritu Arung Maraja, sibawa ripakalebbi ri sininna bangsaé.”

ABBILANGENG 19:2

untu' mabbéréyangngi iyaé sining peraturangngé lao ri bangsa Israélié: Alano sikaju saping komba macella'é iya dé'é gaga sala-salanna sibawa iya dé'éppa naengka naripaké mappallaung.

ABBILANGENG 6:14

sibawa tiwi lao ri Puwangnge tellukkaju olokolo iya dé'é gaga sala-salanna: sikaju ana' bimbala lai makkéumuru' sitaung untu' akkarobangeng ritunu, sikaju ana' bimbala komba makkéumuru' sitaung untu' akkarobangeng paddampengeng dosa, sibawa sikaju bimbala lai untu' akkarobangeng pappasidamé.

YOHANES 1:29

Pappa bajanana, naitani Yohanés, Yésus lao ri aléna. Nakkeda Yohanés, “Itai, iyanaro Ana' Bimbala'na Allataala iya leddaéngngi dosana linoé.

1 PETRUS 1:19

sangadinna séuwai iya mangke'é; iyanaritu aléna muto Kristus, iya mancajiyé selaku bimbala' iya nakkarobangengngé lao ri Allataala iya dé'é ricéccéiyangngi iyaré'ga cellana.