AMOS 9:3 - KITTA KAREBA MADECENG

³ Rékko massubbui mennang ri coppo'na Bulu Karmél, Usappai matu sibawa Utikkengngi mennang. Rékko massubbui mennang ri borina tasi'é, Uparéntangngi matu naga tasi'é untu' pitto'i mennang.

AMOS 9:3 ပူးပေါင်းရင်းမြစ်များ

KAJAJIYANG 3:8

Iyaro arawéngngé naéngkalingani mennang Puwang Allataala joppa ri laleng tammengngé, nanassubbuna mennang iya duwa ri yelle'na aju-kajungngé kuwammengngi dé' nariita ri Puwangnge.

2 SAMUEL 22:46

Teddénni abaraningenna mennang; ténré mennang sibawa massu polé ri bénténna.

AYUB 22:13

Iyakiya makkutanako, ‘Aga naisseng Aléna? Engkai ri munrinna ellungngé na dé' naulléi madélékiki.’

AYUB 34:22

Dé'gaga apettangeng, muwi pékkugi kape'na, iya weddingngé subbui tau madosaé.

MAZMUR 68:23

Adanna Puwangnge, “Eh umma'-Ku, Utiwii balimmu polé ri Basan Utiwii mennang lisu polé ri borina tasi'é,

YESAYA 27:1

Ri wettuéro napakéi matu Puwangnge peddan-Na iya masse'é sibawa matareng untu' hukkungngi Léwiatan, ula iya kolli-kolli'é sibawa mabbampaluéro, sibawa untu' mpunoi naga tasi'é.

YEREMIA 16:16

Makkedai Puwangnge, “Maélo-Ka mobbi maéga pakkaja untu' tikkengngi sining tauwéwé. Nainappa maélo-Ka mobbi maéga paddengngeng untu' lellungngi mennang ri tungke bulu sibawa bulu-bulu sibawa ri gowa-gowa bulu-bulu batué.

AMOS 1:2

Iyanaé napowada Amos, “Mangngaungngi Puwangnge polé ri Bulu-bulu Sion, maddalenrungngi saddan-Na polé ri Yérusalém. Marakkoi sining padang wellaé, marakko senna'ni wellaé ri Bulu Karmél.”