AMOS 7:8 - KITTA KAREBA MADECENG

⁸ Makkutanai lao ri iyya, “Aga muwita, Amos?” Mappébalika, “Tulu becci tettong lempu, Puwang.” Nainappa makkeda Puwangnge, “Upakéi iyaé tulu becci'é untu' mappaitangngi makkedaé umma'-Ku pada-padai témbo' iya dé'é namalempu. Dé' Upinrai matu rancana-Kuna, pasti Uhukkungngi matu mennang.

AMOS 7:8 ပူးပေါင်းရင်းမြစ်များ

AMOS 8:2

Makkutanai Puwangnge, “Aga muwita, Amos?” Mappébalika, “Séddi baka iya mallise'é buwa-buwa iya matasa'é.” Makkedai Puwangnge, “Matasa'ni wettunna untu' umma'-Ku Israélié. Dé'na Upinrai rancana-Ku sibawa pasti uhukkungngi matu mennang.

AWATINGENG 2:8

Purani napettui Puwangnge makkedaé sining témbo'na Sion harusu'i riruttung. Iyaro sining témbo'é purani naukkuru, kuwammengngi naullé manengngi mancuru'i. Sining témbo'é sibawa sining manaraé, mancaji ruttungeng manenni makkekkuwangngé.

YEREMIA 15:6

Purani musampéyak-Ka sibawa salai-Ka, rimakkuwannanaro Uwakkai limak-Ku untu' mancuru'ko, saba' cauna tahangngi cai-Ku.

MIKHA 7:18

Dé'gaga Allataala pada-padam-Mu, oh Puwang, iya maddampengengngéngngi dosana umma Mupilé iya risésaé. Dé' na untu' mannennungeng macai-Ko; sibalé'na, masennak-Ko mappaitangngi pappojim-Mu iya dé'é gaga paggangkannaro.

YESAYA 28:17

Adélékengngé Upancaji tulu pangukkuru, sibawa alempurengngé Upancaji tulu becci'na.” Bosi batué seringngi matu gangka mapaccing sininna bellé iya muwattuwangngé. Lémpe'é malirengngi matu onrong assubbuwammu.

2 ARUNG-NGARUNG 21:13

Maélo-Ka hukkungngi Yérusalém pada-pada Uhukkunna Samaria sibawa Ahab arunna Israélié enrengngé wija-wijanna. Maélo-Ka pépaccingiwi Yérusalém pada-pada penné iya puraé ribissai sibawa ripaoppang.

ZAKHARIA 5:2

Iyaro malaéka'é nakkutangngi aga uwita. Pappébalikku, “Séddi kitta rilulung luttu ri yelle'é. Lampéna aséra météré sibawa sakkana eppa sitengnga météré.”

YESAYA 34:11

Unrengngé sibawa landa'é monroiwi matu, kacoci'é sibawa kao-kaoé monro matu kuwaro. Puwangnge pancajiwi iyaro tanaé kacau sibawa kullang pada-pada ri wettu dé'napa appancajingengngé.

AMOS 7:7

Lolongekka séuwa pakkitang laing polé ri Puwangnge. Uwitai tettong ri benrénna séddié témbo' iya ripatettongngé sibawa makkégunang tulu becci iya tettong lempué. Ri liman-Na Nakkatenningngi iyaro tulu becci'é untu' mitai malempuniga tettonna iyaro témbo'é iyaré'ga dé'.

HOSEA 1:6

Nainappa iyaro bainéku najajiyang ana'ta iya maduwaé, séddi ana' makkunrai. Makkedai Puwangnge lao ri iyya, “Hoséa, asengngi ana'muro ‘Iya Dé'é Nariyamaséi’, nasaba dé'na Uwamaséiwi matu bangsa Israélié, sibawa dé' sises-sisenna Uwaddampengengngi mennang.

ZAKHARIA 4:2

Makkutanani, “Aga muwita?” Mappébalika, “Séddi ajé lampu polé ri ulawengngé. Ri cappa yasé'na engka onrong minnya'na, sibawa ri mattulilinna engka pitu lampu, iya tungke'-tungke'é mappunnai pitu onrong sumbung.