AMOS 7:7 - KITTA KAREBA MADECENG

⁷ Lolongekka séuwa pakkitang laing polé ri Puwangnge. Uwitai tettong ri benrénna séddié témbo' iya ripatettongngé sibawa makkégunang tulu becci iya tettong lempué. Ri liman-Na Nakkatenningngi iyaro tulu becci'é untu' mitai malempuniga tettonna iyaro témbo'é iyaré'ga dé'.

AMOS 7:7 ပူးပေါင်းရင်းမြစ်များ

KAJAJIYANG 28:13

Na ri seddéna tettongngi Puwangnge sibawa makkeda, “Iyya'na Puwang, Allataala iya nasompaé Abraham sibawa Ishak. Maéloka mabbéréyangngi lao ri iko sibawa lao ri wija-wijammu tana onrommu léwué.

2 SAMUEL 8:2

Nacau towi Daud tau Moab-é. Nasuroi mennang léwu ri tanaé, nainappa nauno duwa tau ri yelle'na tellu tau. Jaji, tunru'ni tau Moab-é lao ri Daud sibawa makkamaja pakkasuwiyang lao ri aléna.

2 ARUNG-NGARUNG 21:13

Maélo-Ka hukkungngi Yérusalém pada-pada Uhukkunna Samaria sibawa Ahab arunna Israélié enrengngé wija-wijanna. Maélo-Ka pépaccingiwi Yérusalém pada-pada penné iya puraé ribissai sibawa ripaoppang.

YESAYA 28:17

Adélékengngé Upancaji tulu pangukkuru, sibawa alempurengngé Upancaji tulu becci'na.” Bosi batué seringngi matu gangka mapaccing sininna bellé iya muwattuwangngé. Lémpe'é malirengngi matu onrong assubbuwammu.

YESAYA 34:11

Unrengngé sibawa landa'é monroiwi matu, kacoci'é sibawa kao-kaoé monro matu kuwaro. Puwangnge pancajiwi iyaro tanaé kacau sibawa kullang pada-pada ri wettu dé'napa appancajingengngé.

AWATINGENG 2:8

Purani napettui Puwangnge makkedaé sining témbo'na Sion harusu'i riruttung. Iyaro sining témbo'é purani naukkuru, kuwammengngi naullé manengngi mancuru'i. Sining témbo'é sibawa sining manaraé, mancaji ruttungeng manenni makkekkuwangngé.

YEHEZKIEL 40:3

Natiwina kuwaro sibawa uwitai séddi tau worowané iya millak-killangngé pada-pada gessaé tettong ri seddéna pintu gerbangngé. Makkatenningngi tulu pangukkuru polé ri lénangngé enrengngé aju pangukkuru.

AMOS 7:6

Napinrasi rancanana Puwangnge sibawa makkeda, “Muwi iyaé dé'to nakajajiyang matu.”

AMOS 7:8

Makkutanai lao ri iyya, “Aga muwita, Amos?” Mappébalika, “Tulu becci tettong lempu, Puwang.” Nainappa makkeda Puwangnge, “Upakéi iyaé tulu becci'é untu' mappaitangngi makkedaé umma'-Ku pada-padai témbo' iya dé'é namalempu. Dé' Upinrai matu rancana-Kuna, pasti Uhukkungngi matu mennang.

WAHYU 11:1

Purairo riwérékka sipolo aju iya maéloé pada sipeppa tekkeng pangukkuru', nainappa riparéntang, “Laono muukkuru'i Bolana Allataala sibawa mézbana. Bilangngi siyaga tau iya massompaé ri lalenna.

WAHYU 21:15

Malaéka' iya mabbicaraé sibawa iyya'ro mappunnaiwi tekkeng pangukkuru' polé ri ulawengngé, untu' mukkuru'i iyaro kotaé, pintu-pintu gerbanna sibawa témbo'na.