AMOS 7:4 - KITTA KAREBA MADECENG

⁴ Lolongekka séuwa pakkitassi polé ri Puwang Iya Pommatanré. Uwitai mattengngang sadiya-sadiya untu' hukkungngi umma'-Na sibawa api. Iyaro apié nalépe'i gangka cappu dolangengngé ri yawana linoé sibawa mammula mangurengngi dare'é.

AMOS 7:4 ပူးပေါင်းရင်းမြစ်များ

YESAYA 27:4

Dé'na Umarasa macaina. Ebara'na engka wella iyaré'ga alekale maddori, maélo-Ka paccappui, sibawa tunu manengngi.

YEREMIA 4:4

Akkatenningngi jancimmu sibawa Iyya, Puwang-mu, sibawa pallaingngi alému untu' Iyya, éh pabbanuwana Yéhuda sibawa Yérusalém. Rékko dé', mallumpai matu cai-Ku sibawa patunui pada-pada api iya dé'é nariyullé peddéi muwi niga. Iya manennaro nakennai matu alému nasaba sining pangkaukemmu iya majaé.”

YEHEZKIEL 21:3

makkedaé Iyya, Puwang, makkeda makkuwaé, ‘Iyya'é balimmu. Urampui matu peddak-Ku sibawa mpuno manekko, iya majaé iyaré'ga makessingngé.

YOEL 1:19

Méllau tulukka ri Iko, oh Puwang saba' manguni sining padang wellaé marakko toni sibawa maté ajukajungngé samanna nanré api.

YOEL 2:30

Upogau'i matu maéga anu makalallaing ri langié sibawa ri linoé. Engka matu assiyunong, luwa' api sibawa rumpu mattéké.

ANGIMANGENG 10:2

Napapoléna Puwangnge api iya tunuéngngi mennang angkanna maté ri Kémana Puwangnge.

AMOS 1:4

rimakkuwannanaro kirik-Ka matu api lao ri saorajana Arung Hazaél, sibawa tunui gangka cappu sining bénténna Arung Bénhadad.

AMOS 1:7

Rimakkuwannanaro kirik-Ka matu api lao ri témbo'-témbo'na Gaza, sibawa tunui gangka cappu sining bénténna.

AMOS 2:5

Rimakkuwannanaro, kirik-Ka matu api lao ri Yéhuda sibawa tunui gangka cappu sining bénténna Yérusalém.”

AMOS 4:11

Sibagiyang polé ri iko Upaccappui pada-pada Upaccappuna Sodom sibawa Gomora. Iya tuwoé mupa ri yelle'mu iyanaritu pada-padai appulu iya riyalaé polé ri apié. Namuni makkuwaro, dé'to mulisu lao ri Iyya.

AMOS 5:6

Lisuno lao ri Puwangnge, namutuwo matu. Rékko dé' mulisu lao ri Aléna, poléi matu pada-pada api iya makkalolo'é sibawa tunui gangka cappu tau Israélié. Ri Bétel dé' muwi séddi tau mulléi peddéiwi iyaro apié.

AMOS 7:1

Lolongekka séuwa pakkitang polé ri Puwang Iya Pommatanré. Uwitai pancaji séuwa konrong incalé battowaé wettunna tauwé pura massangki wella untu' arungngé, namammulasi tuwo paimeng wella barué.

AMOS 7:7

Lolongekka séuwa pakkitang laing polé ri Puwangnge. Uwitai tettong ri benrénna séddié témbo' iya ripatettongngé sibawa makkégunang tulu becci iya tettong lempué. Ri liman-Na Nakkatenningngi iyaro tulu becci'é untu' mitai malempuniga tettonna iyaro témbo'é iyaré'ga dé'.

MIKHA 1:4

Maccolo sining bulué ri yawana palakajé-Na pada-pada lilingngé ri laleng api iya malluwa'é; maili tanana muttama risining lompo'é, pada-pada uwai ri tompo'na bulu-bulu massolo liyawa.

NAHUM 1:6

Niga mulléi tahang narékko macayii Puwangnge? Dé'gaga mulléi leppe polé ri cai-Na? Napallessui cai-Na iya malluwa'é ancuru'i batué sibawa mancaji awu ri yolo-Na.

ABBILANGENG 16:35

Nainappa mappapolé Puwangnge api iya mangurengngéngngi iya 250 tau iya makkasuwiyangngéngngi dupaéro.

ULANGENG 32:22

Malluwa-luwa'i matu cai-Ku pada-pada apié iya makkanré lettu ri linona tau maté. Iyaro apié nanréi linoé sibawa sininna wassélé'na, sibawa sining bulué lettu ri ure-ure'na.

IBRANI 1:7

Passalenna sining malaéka'é, makkeda makkuwaiyé Allataala, “Naébbui Allataala sining malaéka'-Na mancaji anging, sibawa sining pattumanin-Na mancaji luwa' api.”

WAHYU 4:1

Purairo lolongessika pakkitang. Uwitai séddi tange' tattimpa' ri surugaé. Nainappa riyéngkalingasi sadda iya bunge'na pura mabbicara lao ri iyya pada-pada oni tarompé'é. Makkedai iyaro saddaé, “Enré'no kuwaé. Maélo-Ka mappaitangngi lao ri iko aga iya maéloé kajajiyang matti.”