AMOS 7:2 - KITTA KAREBA MADECENG

² Iyaro sining incalé céddé'i nanré maneng sininna tanet-tanengngé ri tanaé. Nainappaka makkeda, “Puwang Iya Pommatanré, addampengengngi umma'-Mu! Baiccu senna'i mennang sibawa malemma, pékkugi mennang makkullé mattahang?”

AMOS 7:2 ပူးပေါင်းရင်းမြစ်များ

MAZMUR 12:1

Untu' pamimping kor. Situru lagu iya maaruwaé. Mazmurna Daud.

ASSURENG 10:15

Sininna tompo'na tanaé natongkoni incalé angkanna malotong paita. Naanréi mennang agi-agi iya dé'é napaccappui iyaro bosi ése'é, muttama'ni buwa-buwaé ri ajué. Ri sininna Maséré dé'na gaga iya manyilaé iya nasésaé ri aju-kajungngé iyaré'ga ri tanet-tanengngé.

ASSURENG 34:9

Adanna, “Puwang, rékko tonget-tongekko Muwélorika, uwéllauwi, accowéni Puwang silaongekki. Iyaro bangsaé mémeng matedde atiwi, iyakiya addampengengngi jata sibawa dosata namutarimaki selaku umma'-Mu muto.”

YESAYA 37:4

Purai nasuro arung Asyur parawira tanréna untu' pakatunai Allataala iya tuwoé. Nigana missengngi purani naéngkalinga Puwang Allataala iyaro pappakatunaé sibawa hukkungngi mennang iya powadaéngngi! Rimakkuwannanaro assempajanno lao ri Allataala untu' sining tautta iya tuwoé mupa.”

YESAYA 51:19

Nakennako duwanrupa abala; addimonrinna musué ancuru binasai wanuwammu sibawa matéi alupureng ra'ya'mu. Dé'gaga iya mamasé sibawa saléworiko.

YEREMIA 14:7

Mangobbii umma'-Ku, ‘Puwang, namuni dosata tenre'ki iyakiya tulukki situru sibawa jancim-Mu. Purano risalai makkolik-koling; tongeng, madosaki lao ri Iko.

YEREMIA 42:2

ri iyya sibawa makkeda, “Pa', pada-pada iya alénaé Bapa' mitai, riyolo maégaki, makkekkuwangngé céddé mani monro. Riyéllauwi Bapa' maélo massempajangekki lao ri Puwang Allataala iya nasompaé Bapa'. Assempajangekki iya risésaéwé,

YEHEZKIEL 11:13

Ri wettu upowadana mupa iyaro adaé, tappa menrung muni Pélaca namaté. Nausuju'na sibawa mangobbi, “Aduh Puwang Iya Pommatanré! Aga sininna sésana Israéliéwé maélo-Ko mpunoi?”

YEHEZKIEL 9:8

Ri laleng napogau'na iyaro abbunowangngé, engkaka kuwaro alé-aléku. Suju'na sibawa mangobbi, “Puwang Iya Pommatanré, makkuwamaniga cai-Mu lao ri Yérusalém angkanna Muwunoi sininna tau iya engkaé mupa ri Israéliéwé?”

DANIEL 9:19

Puwang, éngkalingaki, addampengekki, jampangiki sibawa tinda'ni masitta! Aja'na taccana-cana, kuwammengngi naissengngi sininna tauwé makkedaé Iko ritu Allataala. Saba' Yérusalém sibawa umma'-Mu iyanaritu appunnangem-Mu iya dé'é padanna.”

YOEL 2:17

Suroi sining imang iya tumaningiyéngngi Puwangnge, teri ri pallawangenna mézbaé sibawa légo-légo ri yoloé, namakkedato, “Eloriwi umma'-Mu, oh Puwang; aja' taleppessangngi umma'-Mu mancaji matuna,” angkanna massindiri sibawa makkeda bangsa-bangsa laingngé, “Kégani Allataalana mennang?”

AMOS 4:9

Masseppungekka anging pella sibawa kiring pakkasolang iya solangiyéngngi tanet-tanemmu enrengngé palla-palla anggoro'mu. Sining pong araé sibawa sining pong zaitummu cappuni nanré incalé. Namuni makkuwaro dé'to mulisu lao ri Iyya.

AMOS 7:5

Makkedaka, “Oh Puwang Iya Pommatanré, tennapodo tapeddéiwi iyaro apié! Makkuwamani baiccu'na sibawa lemmana umma'-Mu, pékkugi makkullé naulléi tahang?”

WAHYU 9:4

Riyattéyangngi mennang solangiwi wellaé, iyaré'ga aju-kajungngé, iyaré'ga tanet-taneng laingngé. Banna mennang weddingngi nalurui sining tau iya dé'é tanrang ségélé' polé ri Allataala ri linrona.