AMOS 7:1 - KITTA KAREBA MADECENG

¹ Lolongekka séuwa pakkitang polé ri Puwang Iya Pommatanré. Uwitai pancaji séuwa konrong incalé battowaé wettunna tauwé pura massangki wella untu' arungngé, namammulasi tuwo paimeng wella barué.

AMOS 7:1 ပူးပေါင်းရင်းမြစ်များ

YESAYA 33:4

Pada-padai incalé makkonrongngé maggasai tauwé sibawa rampo'i waramparanna mennang.

YEREMIA 24:1

Séuwa wettu ritiwinana Yoyakhin ana' worowanéna Yoyakim arunna Yéhuda silaong sining pajaba pamaréntana Yéhuda, sining panré sibawa sining pajjama ahlié ri Nébukadnézar arung Babél, sibawa ritiwi selaku tawangeng polé ri Yérusalém lao ri Babél, mabbéréni Puwangnge séuwa pakkitang lao ri iyya. Uwitani duwa baka mallise buwa ara lenne ri yolona Bolana Puwangnge.

YEHEZKIEL 11:25

Nainappa ucuritang sining tau ripalié sininna iya nappaitangngé Puwangnge lao ri iyya.

YOEL 1:4

Incalé makkonrong iya dé'é naribilang jumellana, teppai risining dare'é sibawa manréi wassélé'na. Aga nasésa iyaé sikonrongngé, napaccappui konrong laingngé.

YOEL 2:25

Usulléiwi matu sininna arogimmu ri taut-taung wettunna incalé manréi wassélé éngngalammu. Saba' Iyya ritu kiringngi pasukang incaléro lao ri iko.

AMOS 4:9

Masseppungekka anging pella sibawa kiring pakkasolang iya solangiyéngngi tanet-tanemmu enrengngé palla-palla anggoro'mu. Sining pong araé sibawa sining pong zaitummu cappuni nanré incalé. Namuni makkuwaro dé'to mulisu lao ri Iyya.

AMOS 7:4

Lolongekka séuwa pakkitassi polé ri Puwang Iya Pommatanré. Uwitai mattengngang sadiya-sadiya untu' hukkungngi umma'-Na sibawa api. Iyaro apié nalépe'i gangka cappu dolangengngé ri yawana linoé sibawa mammula mangurengngi dare'é.

AMOS 7:7

Lolongekka séuwa pakkitang laing polé ri Puwangnge. Uwitai tettong ri benrénna séddié témbo' iya ripatettongngé sibawa makkégunang tulu becci iya tettong lempué. Ri liman-Na Nakkatenningngi iyaro tulu becci'é untu' mitai malempuniga tettonna iyaro témbo'é iyaré'ga dé'.

AMOS 8:1

Lolongekka séuwa pakkitassi polé ri Puwang Iya Pommatanré. Mitaka séddi baka mallise buwa iya matasa'é.

ZAKHARIA 1:20

Nainappa nappaitang Puwangnge lao ri iyya eppa tau panré bessi iya tiwié palu-palu.

MALEAKHI 3:11

Dé' uleppessangngi matu olokolo'é solangiwi wassélé tanamu; sara'i matu buwana sining pong anggoro'mu.