AMOS 5:8 - KITTA KAREBA MADECENG

⁸ Puwangnge ritu mébbui sining wéttowingngé ri bitaraé – wéttowing Belantik sibawa wéttowing Kartika. Napinrai pettangngé mancaji tajang sibawa essoé mancaji wenni; uwai polé ri tasi'é Natiri'i ri pottanangngé. Iya pogau' manengngéngngi iyaro asen-Na iyanaritu Puwang.

AMOS 5:8 ပူးပေါင်းရင်းမြစ်များ

AMOS 4:13

Bulu sibawa angingngé, Puwangnge ritu pancajiwi; napannessai rancana-Na lao ri tolinoé. Naébbui essoé sibawa wennié; joppai ri yasé'na coppo-coppo linoé. Puwang Allataala Iya Pommakuwasaé, iyanaro asen-Na.

AYUB 9:9

Napakkennai atuna wéttowing yattangngé ri bitaraé, makkuwatoro wéttowing Bidu'é, wéttowing Belantik sibawa wéttowing Kartika.

AMOS 9:6

Napatettongngi Bolana Puwangnge mabéla ri bitaraé, ri yasé'na linoé Napasangngi langié selaku kubba, sibawa Natiri'i uwai polé ri tasi'é lao ri pottanangngé, iya pogau' manengngéngngi iyaro asen-Na iyanaritu Puwang!

AMOS 8:9

Engka matu wettunna Uwébbui mata essoé labu ri tangassoé sibawa mapettangngi linoé ri essoé. Iyya, Puwang Iya Pommatanré, pura mabbicara.

MAZMUR 104:20

Rékko Mupateppai pettangngé, mancaji wennini essoé, namallamparenna sininna olokolo ale'é.

MAZMUR 105:28

namapato mennang lao ri parénta-Na. Nainappa napancaji Puwangnge iyaro wanuwaé mapettang kape.

AYUB 12:22

Natajangiwi onrong-ngonrong iya mapettangngé; Natappai wajo-wajo malotong-lotongngé.

LUKAS 1:79

Makkuwani ritu mabbéréyangngi tajan-Na lao ri sininna tauwé iya tuwoé ri laleng apettangengngé sibawa amétaurengngé. Napimpikki ri laleng iya mattujué ri adaméngengngé.”

MATIUS 4:16

Bangsa tuwoé ri laleng pettangngé naitani tajang mattappaé! Lao ri iya monroé ri laleng wanuwa apettangenna amaténgngé mompoi cahaya macakkaé!”

YESAYA 59:10

Maggarambakki pada-pada tau butaé; tabbuttuki ri tangassoé pada-pada ri tengnga bennié; ri tengngana tau tuwoé pada-padaki tau maté.

YESAYA 42:16

Bangsa-Ku iya butaé Urénréngngi matu molai laleng iya dé'é naissengngi mennang; Urénréngngi matu mennang risining laleng iya dé'é naissengngi mennang. Pettangngé Upancajiwi tajang untu' mennang, sibawa laleng iya makkalebbong-kalebbongngé Uparatai. Iyanaro Upogau' matu untu' mennang, napasti Upogau' matu.

AYUB 38:34

Mulléga gorangngi paréntaé lao ri ellungngé, sibawa suroi lémpekiko sibawa bosi?

AYUB 37:13

Nabbéréyangngi Allataala bosié untu' rica'i tanaé, iyaré'ga untu' hukkung towi rupa tauwé; naulléto untu' mappaitangngi lao ri mennang, pékkugi battowana pammasé-Na iya tette'é untu' mannennungeng.

YEREMIA 16:21

Nakkeda Puwangnge, “Rimakkuwannanaro, iyaé sisengngé maélo-Ka mébbui bangsa-bangsaé péneddingiwi akuwasak-Ku sibawa awatangek-Ku kuwammengngi naissengngi matu mennang untu' mannennungeng makkedaé Iyya ritu Puwang.”

YEREMIA 33:2

iya pancajiyéngngi linoé sibawa tappai nenniya taroi ri onronna. Makkedai,