AMOS 5:4 - KITTA KAREBA MADECENG

⁴ Makkedai Puwangnge lao ri umma Israélié, “Lisuno lao ri Iyya, namutuwo matu.

AMOS 5:4 ပူးပေါင်းရင်းမြစ်များ

2 ARUNG-NGARUNG 20:3

“Puwang, éngngerangngi makkedaé iyya'é purana mattumani ri Iko sibawa matinulu enrengngé malempu atikku. Tuli makkuragaka turusiwi élo-Mu.” Nainappa teri Hizkia sibawa masussa.

1 TAWARIKH 28:9

Nainappa lao ri Salomo, makkedai Daud, “Ana'ku, sitinajai Allataala iya nasompaé ambo'mu, muwakuiwi selaku Allataalamu. Harusu'ko mattumani lao ri Aléna sibawa matinulu nenniya macenning ati. Saba' Naisseng manengngi pikkirangngé sibawa cinnana atitta. Rékko musappai, muruntu'i matu, iyakiya rékko musalaiwi, Nasampéyakko matu lettu mannennungeng.

2 TAWARIKH 15:2

angkanna lao méwai sita Arung Asa, sibawa makkeda, “Eh Arung Asa, silaong sininna pabbanuwana Yéhuda nenniya Bényamin! Engkalingai! Macawé'i Puwangnge ri iko rékko macawé'ko ri Aléna. Rékko muwéllauwi panunju'na Puwangnge, Nawérékko matu. Iyakiya rékko dé' mubati-batiwi, dé'to nabati-batiko.

2 TAWARIKH 20:3

Namétauna Yosafat nainappa massempajang méllau panunju polé ri Puwangnge. Nainappa napparéntang kuwammengngi nappuwasa sininna ra'ya'é.

2 TAWARIKH 20:4

Polé ri tungke kota ri Yéhuda laoni tauwé ri Yérusalém untu' méllau tulung ri Puwangnge.

2 TAWARIKH 34:3

Genne'nana 8 taung mancaji arung, ri umuru iya malolo senna'é, mappammulani Yosia massompa ri Allataala iya nasompaé Arung Daud toriyolona. Patattaung rimunrinna mappammulani mancuru'i sining onrong assompang barahalaé, dato'-dato'na Déwi Asyéra, sibawa sining barahala laingngé.

MAZMUR 14:2

Polé ri surugaé naitai Puwangnge rupa tauwé untu' sappai tau mapanré iya sompaéngngi Aléna.

MAZMUR 22:26

Ri tengngana addeppungenna umma'é upoji-Ko, nasaba sininna iya puraé Mupogau'. Ri yolona umma iya mateppe'é uwakkasuwiyangengngi akkarobangeng iya uwajjanciyangngé.

MAZMUR 27:8

Makkeda-Ko, “Poléno sompa-Ka.” Ubaliwi, “Masitta'ka polé, oh Puwang;

MAZMUR 69:32

Lebbi naéloriwi Puwangnge iyaro naiya akkarobangeng sapingngé, akkarobangeng saping lai iya battowaé.

MAZMUR 69:33

Naitanaro, marennuni tau ritenre'é, tau iya sompaéngngi Allataala maloppoi atinna.

YESAYA 31:1

Cilakani tau iya laowé ri Maséré untu' méllau bantuwang! Nattuwangngi mennang awatangeng tentarana Maséré nasibawang pasukang pakkinnyaranna sibawa anyaranna iya mawatangngé enrengngé karétana iya maégaé. Iyakiya dé' namateppe mennang lao ri Puwangnge, Allataala mapaccinna Israélié sibawa dé' naéllauwi bantuwan-Na.

YESAYA 55:3

Engkalingai, éh bangsa-Ku, laono ri Iyya, Uwérékko matu atuwong mannennungengngé. Nasaba pammasé sibawa atinulureng iya Uwajjanciyangngé lao ri Daud, siyoka janci mannennungeng sibawa iko.

YEREMIA 38:20

Pappébalikku, “Dé', dé' nariyabbéréyang matu Datu lao ri mennang. Uwéllauwi sibawa masero kuwammengngi naturusiwi Datu pasenna Puwangnge; jaji manengngi matti, sibawa dé' nariyuno matu Datu.

YEHEZKIEL 18:9

Napatoiwi parénta-Ku sibawa naturusiwi hukkung-hukkuk-Ku. Tau makkuwaéro ritu malempu sibawa tette'i matu tuwo. Iyya, Puwang Iya Pommatanré pura mabbicara.

HOSEA 10:12

Makkedaka, ‘Eh Israél! Bukkano dare' baru untu' alému, amporini biné adélékeng, sibawa éngngalani barakka iya napowassélé'é attonget-tongengenna pappojimmu lao ri Iyya. Saba', wettunnana musappa-Ka, Puwam-mu. Maélo-Ka polé sibawa pabosingiko sibawa sining barakka'-Ku.’

AMOS 5:6

Lisuno lao ri Puwangnge, namutuwo matu. Rékko dé' mulisu lao ri Aléna, poléi matu pada-pada api iya makkalolo'é sibawa tunui gangka cappu tau Israélié. Ri Bétel dé' muwi séddi tau mulléi peddéiwi iyaro apié.

ZEFANYA 2:3

Lisuno lao ri Puwangnge, éh sininna tau iya mariyawa atié ri wanuwaéwé, sibawa sininna tau iya turusiyéngngi parénta-parénta-Na. Tinda'no situru élona Puwangnge, sibawa pakariyawai alému ri yolo-Na. Nigana missekko leppe'ko matu polé ri pahukkungengngé ri esso nappaitanna Puwangnge cai-Na.

MATIUS 7:8

Nasaba tau iya maréllauwé, natarimai matu; tau iya massappaé nalolongengngi matu; na tau iya maggettoé ritimpakengngi matu tange'.

ULANGENG 32:46

makkedani Musa, “Puriyatini sininna parénta iya uwéréngngékko essoéwé. Pagguruwangngi ana'-ana'mu, kuwammengngi namatinulu pogau'i sininna hukkunna Puwangnge.

ULANGENG 32:47

Iyaro pappagguruwangngé tenniya ada-ada kosong, sangadinna atuwommu. Turusiwi sininna paréntaéro, kuwammengngi mumalampé sunge ri wanuwa iya dé'énna namaitta mutudangiwi ri liwenna Salo Yordan.”

ULANGENG 4:29

Namusappai matu Puwang Allataalamu, narékko musappai sibawa sukku atimmu, muruntu'i matu.