AMOS 5:2 - KITTA KAREBA MADECENG

² Sempé'ni Israélié iya perawangngé mupa, dé'na natokkonna matu! Rileppessangngi ri yaséna tanana muto, dé'gaga bantui tettong.

AMOS 5:2 ပူးပေါင်းရင်းမြစ်များ

YEREMIA 14:17

Puwangnge suroka mappaissengengngi amessékku lao ri umma'-Na. Harusu'ka makkeda makkuwaé, “Leppessakka teri dé' pajana, esso wenni mabbarébé uwai matakku. Saba' malo senna'i bangsaku sibawa manrasa-rasa senna.

AMOS 9:11

Makkedai Puwangnge, “Narapi matu wettunna Upalisui akkarungenna Daud. Makkekkuwangngé iyaro akkarungengngé mancajini pada-pada bola iya maruttungngé. Iyakiya Upédécéngiwi matu sining témbo'na sibawa Upatettongngi paimeng angkanna mancaji pada-pada riyolo.

AMOS 8:14

Sining tau iya mattanroé nasabbing barahalana Samaria sibawa makkeda, ‘Nasabbing déwatana bangsa Dan’, iyaré'ga ‘Nasabbing Déwatana Bérsyéba’ – menrungngi matu sibawa dé'na natokkong paimeng.”

HOSEA 14:1

Harusu'i rihukkung Samaria nasaba maronta'i méwa-Ka. Matéi matu ra'ya'na ri laleng ammusurengngé; rilélui matu ana'-ana'lolona, sibawa sining makkunrai mattampu'é ripuwé'i babuwana.”

HOSEA 6:2

Ri laleng duwa iyaré'ga tellungngessoéwé napajjappaki matu, sibawa tuwoki matu ri laleng allinrungen-Na.

AWATINGENG 2:13

Oh Yérusalém, Kota Sion iya riyéloriyé, ruttungemmu silloppoi dolangengngé. Aga wedding upowada untu' mpéréngngi passaléwo? Saba', dé' naengka iya manrasa-rasaé pada-pada iko. Dé' tongeng gaga iya mullééngngi palisui keadaammu.

YEREMIA 51:64

namuwakkedato, ‘Makkuwaniyé kajajiyang matu sibawa Babél. Tallemme'i matu iyaé wanuwaé na dé'na naompona nasaba abala iya napatakkennaé Puwangnge ri yasé'na.’ ” Maccappuni ada-adanna Yérémia kuwaé.

YEREMIA 50:32

Tabbuttui matu bangsamu iya matanré atiro namenrung. Dé' muwi séddi tau tulukko matu untu' tokkong. Utunui matu kota-kotamu, sibawa sininna iya engkaé ri seddéna Upaccappui matu.”

YEREMIA 31:4

Upatarompoi matu bangsamu pada-pada riyolo. Siseppi malasiko matu rabana, nenniya séré sibawa marennu.

YEREMIA 18:13

Makkedai Puwangnge, “Tanaiwi tungke bangsa aga pura kajajiyang gau' pada-padaéwé. Purani napogau' umma Israélié séuwa iya mappakatau-taué!

YEREMIA 4:20

Poléi abalaé makkolik-koling mancuru'i sininna wanuwaé. Tappa nasolangiwi kémaku, nasapé-sapé'i sining kainna.

YEREMIA 2:27

Ripakasiriko matu, saba' sipolo aju muwobbi ambo' sibawa séddi batu muwobbi indo'. Mala dé' mulao ri Iyya, sangadinna musalai-Ka. Iyakiya rékko poléi asukkarakengngé, Iyya ritu muwobbi untu' polé passalama'ko.

YESAYA 43:17

Nasuroi tentaraé sibawa parawira-parawirana mammusu, sibawa mallurui mennang sibawa karéta makkinnyarang. Iyakiya menrungngi mennang, dé'na naulléi tokkonna, matéi mennang pada-pada sumbung iya peddé.

YESAYA 37:22

makkedai Puwangnge, “Kota Yérusalém cawa-cawaiko sibawa méllé-kéllé'ko, Sanhérib!

YESAYA 24:20

Tassulus-sulungngi matu linoé pada-pada tau mabo'é, sibawa goyang pada-pada bola-bolaé ri laleng anginrajaé. Maruttungngi linoé nasaba matane'i dosana. Ancuru'i sibawa dé'na naulléi tokkonna matu.

YESAYA 14:21

Abbunowangngé masitta'i ripammulai! Matéi matu ana'-ana' worowanému sibawa makkunraié nasaba dosana toriyolona mennang. Dé' muwi séddi tau polé ri mennang mapparénta matu ri linoé iyaré'ga patettong kota-kota.”

YESAYA 3:8

Tongeng, sempé'ni Yérusalém! Maruttunni Yéhuda! Saba' sininna ada-adanna sibawa pangkaukenna mennang naéwai Puwangnge sibawa naéwai akuwasan-Na.

2 ARUNG-NGARUNG 17:16

Najjalékkaiwi mennang sininna hukkunna Puwangnge, Allataalana, sibawa mébbu duwa saping polé ri bessié untu' nasompa. Mébbui mennang dato-dato Déwi Asyéra, massompai wéttowing sibawa massompai lao ri Déwata Baal.

2 ARUNG-NGARUNG 15:29

Ri wettu apparéntanna Pékah, Tiglat-Piléser arung Asyur sittaiwi kota Iyon, Abél-Bét-Maakha, Yanoah, Kédés, Hazor, daérana Giléad, Galiléa sibawa Naftali. Natiwi towi pabbanuwana selaku tawangeng lao ri Asyur.

YEREMIA 8:4

Nasuroka Puwangnge makkeda makkuwaé lao ri umma'-Na, “Rékko menrungngi tauwé, tentu tokkongngi matu paimeng, sibawa rékko pusai tauwé ri lalengngé, tentu lisui paimeng.

YEREMIA 9:9

Masa ri yasé'na bangsa makkuwaéwé dé' Upakennaiwi pahukkungeng iya sicoco'é? Uwale'i matu pangkaukenna mennang; Iyya, Puwang, pura mabbicara!”

YEREMIA 9:21

Muttama'ni amaténgngé lalo ri tellongengngé, nabettuni muttama ri laleng saorajaé; naluruini ana'-ana'é ri lalengngé enrengngé ana'-ana' maloloé ri tana lapangngé.