AMOS 4:9 - KITTA KAREBA MADECENG

⁹ Masseppungekka anging pella sibawa kiring pakkasolang iya solangiyéngngi tanet-tanemmu enrengngé palla-palla anggoro'mu. Sining pong araé sibawa sining pong zaitummu cappuni nanré incalé. Namuni makkuwaro dé'to mulisu lao ri Iyya.

AMOS 4:9 ပူးပေါင်းရင်းမြစ်များ

1 ARUNG-NGARUNG 8:37

Rékko nakennai akkadéreng iyaé wanuwaéwé iyaré'ga sai, sibawa tanet-tanengngé nasolangiwi anging pella, ule iyaré'ga incalé, iyaré'ga rékko umma'-Mu rigasai ri balié, iyaré'ga nakennai lasa,

2 TAWARIKH 6:28

Rékko nakennai akkadéreng iyaré'ga sai iyaé wanuwaé, iyaré'ga tanet-tanengngé nasolangiwi anging pella, ule' iyaré'ga incalé, iyaré'ga rékko umma'-Mu rigasai ri balié, iyaré'ga nakennai lasa,

YESAYA 1:5

Magi mumatteru bawang mabbanta? Maélokoga rihukkung lebbi tane'pa? Pennoni ulummu sibawa sining lettang mannanaé, ati sibawa pikkirammu mapeddini.

YESAYA 50:11

Eh iko maéloé cilakaiwi tau laingngé, ripabbinasako matu ri rancana riyalému. Puwangnge ritu mébbui iyaro kajajiyang, risissako matu sibawa masero.

YESAYA 9:12

Dé'topa namassessekalé bangsa Israélié, namuni purani rihukkung ri Puwang Iya Pommakuwasaé; dé'topa mennang natoba lao ri Aléna.

YEREMIA 3:10

Purana napogau' sininnaro, Yéhuda iya dé'é namatinuluro lisui ri Iyya iyakiya najjaimi, nasaba atinna dé' namalempu. Iyya, Puwang, pura mabbicara.”

YEREMIA 5:3

Sitongenna iya natuntu'é Puwangnge iyanaritu atinulureng. Puwangnge munruko, iyakiya dé' mupaduliwi. Nalolongekko, iyakiya dé' mumaélo ripagguru. Matedde atiko, sibawa dé' mumaélo toba' polé ri dosa-dosamu.

HOSEA 11:5

Iyaro sining tau Israélié dé' namaélo lisu ri Iyya, rimakkuwannanaro harusu'i lisu ri Maséré, na bangsa Asyur-é paréntai matu mennang.

YOEL 1:4

Incalé makkonrong iya dé'é naribilang jumellana, teppai risining dare'é sibawa manréi wassélé'na. Aga nasésa iyaé sikonrongngé, napaccappui konrong laingngé.

YOEL 1:7

Napaccappui mennang pong anggoro'ta, sibawa pong arata, banna monroi tona. Nalopéi mennang sining batanna, angkanna maputé carangé-carangéna.

YOEL 2:25

Usulléiwi matu sininna arogimmu ri taut-taung wettunna incalé manréi wassélé éngngalammu. Saba' Iyya ritu kiringngi pasukang incaléro lao ri iko.

AMOS 4:6

Iyya ritu patakkennai abala akkadérengngé ri yasé'na sininna kotamu, iyakiya dé' mulisu lao ri Iyya.

AMOS 4:8

Ri siyagangngaré kota, pabbanuwana iya malemmaénna adekkang, sappai uwai ri kota iya laingngé, iyakiya uwai kuwaro dé' nagenne. Namuni makkuwaro, dé'to mulisu lao ri Iyya.

HABAKUK 3:17

Namuni pong araé dé'gaga buwana sibawa pong anggoro'é dé'gaga anggoro'na, namuni buwa zaitungngé dé' najaji sibawa wassélé gandongngé ri dare'é mappakacélé, namuni maté maneng sining bimbala'é sibawa dé'gaga lise'na wakké olokolo'é,

HAGAI 2:17

Purana panonno anging pella sibawa bosi batu untu' mancuru'i sininna wassélé dare'mu, iyakiya dé'topa mumaélo lisu ri Iyya.

MALEAKHI 3:11

Dé' uleppessangngi matu olokolo'é solangiwi wassélé tanamu; sara'i matu buwana sining pong anggoro'mu.

ULANGENG 28:22

Puwangnge hukkukko matu sibawa sining lasa lélé-lélé, boro-boro sibawa semmeng. Papoléi matu timo sibawa anging iya paangurengngé angkanna masolang éngngalammu. Iyaro sining abalaé nakennaro matteru gangkammu binasa.

ULANGENG 28:42

Sininna ajukajummu sibawa tanet-tanemmu cappui matu nanré béré-béré.