AMOS 4:3 - KITTA KAREBA MADECENG

³ Riyassarénréngekko matu mattuju ri Hérmon sibawa riyaggenrungeng massu, tungke'-tungke' molai sebbo-sebbo témbo' iya kaminang macawé'é. Iyya Puwang pura mabbicara.”

AMOS 4:3 ပူးပေါင်းရင်းမြစ်များ

2 ARUNG-NGARUNG 25:4

nalepponi balié témbo'na kotaé. Iyaro wennié, namuni tau Babél-é mattengngang keppungngi kotaéro, sininna tentara Yéhudaé lariwi mattuju ri Lompo Yordan. Laloi mennang ri laleng tammeng saorajaé, nainappa massu lalo ri pintu gerbang iya pasisumpungngéngngi iya duwa témbo'é ri onrongngéro.

2 ARUNG-NGARUNG 7:15

Laoni mennang lettu ri Salo Yordan. Puppu laleng naitani mennang pakéyangngé sibawa paréwa-paréwaé tattale-tale. Iya manennaro naggenrungeng bawammi tau Siriaé wettunna mennang lari. Iyaro sining suroé lisuni sibawa laporo'i ri arungngé.

YESAYA 31:7

Narapii matu wettunna iko maneng muwabbéyangngi dato-dato barahala polé ri péra'é sibawa ulawengngé iya alémuwé mébbui sibawa penno dosa.

YEREMIA 52:7

nalepponi balié témbo'na kotaé. Iyaro wennié, namuni mattengngangngi tau Babél-é keppungngi kotaéro, sininna tentarana Yéhuda larini mattuju ri Lompo Yordan. Laloi mennang ri laleng tammeng saorajaé, nainappa massu lalo ri pintu gerbang iya pasisumpungngéngngi iya duwa témbo'é ri onrongngéro.

YEHEZKIEL 12:12

Ri laleng pettanna wennié naéssangngi matu arunna mennang paddokona ri salangkanna nanajoppa. Mébbui matu sebbo sining tauwé ri témbo'é kuwammengngi naulléi massu. Natongkoi matu matanna angkanna dé' naitai laleng iya naolaé.

AMOS 6:7

Rimakkuwannanaro iko ritu bunge'-bunge' ritiwi matu lao ri appalirengngé. Pésta-pésta sibawa perjamuwang-perjamuwammu pajai matu.

ZEFANYA 1:18

Ri esso iya maseroéro nappaitangngi matu Puwangnge cai-Na, na sininna ulawenna sibawa péra'na dé' naulléi passalama'i mennang. Ancuru'i matu maccolo sininna linoé ritunu ri api cai-Na. Tennasenna-senna ribébbui matu sininna nyawaé ri linoéwé.

MATIUS 16:26

Aga sarona lao riséddié tau, rékko sininna linoéwé mancajiwi appunnangenna iyakiya teddéngngi atuwonna? Weddigga atuwongngé risélé sibawa anu séuwaé?

HAKING-HAKING 5:17

Ri wettu maserona mammusu Zébulon sibawa Naftali ri ammusurengngé, suku Dan monroi ri kappala'é, sibawa suku Gad tette'i monro ri alauna Yordan, na suku Asyer tennang-tennangngi sibawa dé' namaélo manyingkiri polé ri onronna ri sillampé wiring tasi'é.