AMOS 1:3 - KITTA KAREBA MADECENG

³ Makkedai Puwangnge, “Makkolik-kolinni madosa pabbanuwana Damsyik, rimakkuwannanaro pasti Uhukkungngi matu mennang. Nagaukengngi mennang tau Giléad-é sibawa majapperu senna,

AMOS 1:3 ပူးပေါင်းရင်းမြစ်များ

1 ARUNG-NGARUNG 19:17

Nigi-nigi iya dé'é nariyuno ri Hazaél, riyunoi matu ri Yéhu, sibawa mennang iya leppe'é polé ri Yéhu riyunoi matu ri Elisa.

2 ARUNG-NGARUNG 13:3

Rimakkuwannanaro macayii Puwangnge lao ri Israélié angkanna Naleppessang Hazaél arung Siria sibawa Bénhadad ana'na, makkolik-koling caui Israél.

2 ARUNG-NGARUNG 13:7

Purani ripaccappu tentarana Israélié ri arung Siria angkanna Arung Yoahas banna mappunnai limappulo tentara makkinnyarang, seppulo karéta musu, sibawa seppulo sebbu prajuri.

2 ARUNG-NGARUNG 16:9

Natarimani Tiglat-Piléser paréllaunna Ahas, nanagasai sibawa nasittaiwi Damsyik. Natiwini pabbanuwana selaku tawangeng lao ri Kir silaong arunna, iyanaritu Arung Rézin, naunoi.

2 ARUNG-NGARUNG 8:12

Nakkutana Hazaél, “Magi Puwang nateri?” Nakkeda Elisa, “Nasaba uwisseng ja iya maéloé mupogau' matu lao ri tau Israélié. Mutunui matu sining kotana iya mabbénténgngé, mpunoi sining kallolona iya kaminang makessingngé, sibawa manrekké'i ana'-ana'loloé enrengngé puwé'i babuwana sining makkunrai iya mattampu'é.”

AYUB 19:3

Makkolik-kolinni mupakatunaka, sibawa temmasirimu mupanrasa-rasaka.

AYUB 5:19

Rékko mangancangngi bahayaé, tuli napassalama'ko.

AMSAL 6:16

Engka pitu parakara iya nacéccé Puwangnge sibawa dé' namakkullé Naleppessang: Kédo-kédo iya matempoé, tému iya mabbellé, lima iya mpunoéngngi tau iya dé'é napasala, ota' iya rancanaéngngi gau'-gau' majaé, ajé iya mapperi-periyé mattuju ri jaé, sabbi iya matteru-terué mabbellé, sibawa tau iya paompoé assimusureng ri yelle'na silaonna.

PAKKATOBBA 11:2

Tanengngi modala'mu ri maddupa-rupang dangkangeng; sappano usaha singngéga-égana. Saba' parellui tauwé jaga-jaga, ri wettu dé'napa napakenna abalaé.

YESAYA 28:27

Dé' napakéi paddése rigettengngé untu' rése'i jintang lotongngé iyaré'ga padati garoba' untu' lélui jintang puté. Untu' iyaro napaké pakkadang iya maringengngé.

YESAYA 41:15

Itani, Upancajiwi pada-pada pépeng paddése'é, iya barué, matareng sibawa makkisi duwabbarisi. Murése'i matu sining bulué sibawa mancuru'i; mupancajiwi bulu-bulué pada-pada awangngé.

YESAYA 7:16

Saba' ri wettu dé'napa narapii iyaro wettué, iya duwa manuwa iya naparéntaé arung-ngarung iya muwétauriyéro risalaiwi matu lobbang.

YESAYA 7:8

nasaba Siria dé' nalebbi watang naiya Damsyik ibukotana, sibawa Damsyik dé' nalebbi watang naiya Arung Rézin. Na ri laleng enneng pulona lima taung, tassiya-siyai matu Israélié angkanna dé' naulléi mattahang selaku bangsa.

YESAYA 8:4

Saba' ri wettu dé'napa nagenne loppona iyaro ana'é untu' makkeda ‘Ambo'’ sibawa ‘Indo'’, sininna asugirenna Damsyik sibawa sininna barang rappana Samaria ritiwii matu lao ri arung Asyur.”

AMOS 1:11

Makkedai Puwangnge, “Makkolik-kolinni madosa pabbanuwana Edom, rimakkuwannanaro pasti Uhukkungngi matu mennang. Purai mennang nagasa tau Israélié temmaddampeng, silessu-silessurenna mennang. Matterui mennang macai, sibawa tette'i maélo makkabale.

AMOS 1:13

Makkedai Puwangnge, “Makkolik-kolinni madosa bangsa Amongngé, rimakkuwannanaro pasti Uhukkungngi matu mennang. Wettunna mammusu untu' lowangiwi daérana, napuwé'i mennang babuwana sining makkunrai mattampu'é ri Giléad.

AMOS 1:6

Makkedai Puwangnge, “Makkolik-kolinni madosa pabbanuwana Gaza, rimakkuwannanaro pasti Uhukkungngi matu mennang. Purai mennang natiwi maneng séddié bangsa, nanabalu'i selaku ata lao ri tau Edongngé.

AMOS 1:9

Makkedai Puwangnge, “Makkolik-kolinni madosa pabbanuwana Tirus, rimakkuwannanaro pasti Uhukkungngi matu mennang. Purai mennang natiwi maneng séuwa bangsa lao ri appalirengngé, nanabbéréyangngi lao ri Edom; purai mennang najjalékkai assijancing assisellaongngé.

AMOS 2:1

Makedai Puwangnge, “Makkolik-kolinni madosa pabbanuwana Moab, rimakkuwannanaro pasti Uhukkungngi matu mennang. Napakatunai mennang arung Edom iya matéénnaro, sibawa nabongkara'na tampunna enrengngé malai buku-bukunna nanatunui mancaji awu.

AMOS 2:4

Makkedai Puwangnge, “Makkolik-kolinni Yéhuda madosa, rimakkuwannanaro pasti Uhukkungngi matu mennang. Najjalékkaiwi mennang sining parénta-Ku sibawa dé' nabati-batiwi sining pappagguruwak-Ku. Ripapusai mennang ri déwata-déwata laing iya nasompaé toriyolona.

AMOS 2:6

Makkedai Puwangnge, “Makkolik-kolinni madosa tau Israélié, rimakkuwannanaro pasti Uhukkungngi matu mennang. Tau malempu iya dé'é naulléi palisui inrenna, purani mennang nabalu mancaji ata. Makkuwatoro pangkaukenna mennang lao ri tau kasiyasi iya dé'é naulléi mpajai inrenna, namuni iyaro inrengngé banna singngangke sipasangngé lapikajé.

ZAKHARIA 9:1

Iyanaé pasenna Puwangnge. Purani Napettui untu' hukkungngi wanuwa Hadrakh sibawa kota Damsyik. Tenniya bawang suku-suku Israélié, iyakiya ibukotanato Siria iyanaritu appunnangenna Puwangnge.

ZAKHARIA 9:2

Hamat iya sipakkaséséngngé sibawa Hadrakh appunnangen-Nato, makkuwatoro kota-kota Tirus nenniya Sidon nasibawang sininna apanrénna pabbanuwana.