ABBILANGENG 7:9 - KITTA KAREBA MADECENG

⁹ Iyakiya sining tau Kéhat dé' natarima padati iyaré'ga saping polé ri Musa, saba' barab-barang iya mapaccingngé iya mancajiyé tanggung jawa'na mennang, harusu'i naéssang mennang ri salangkanna.

ABBILANGENG 7:9 ပူးပေါင်းရင်းမြစ်များ

2 SAMUEL 6:13

Wettunna sining tau iya makkaéngngi iyaro Petti Assijancingngé joppani enneng jongkana, nasuroi Daud mennang mappésau. Nainappa makkasuwiyangeng akkarobangeng lao ri Puwangnge, iyanaritu saping lai sibawa ana' saping iya ripakacommo'é.

2 SAMUEL 6:3

Iyaro Petti Assijancingngé nalai polé ri bolana Abinadab ri tompo bulu-bulué nanapaénré'i ri laleng padati barué. Nainappa Uza sibawa Ahio, ana'-ana'na Aminadab tinrosiwi iyaro padatié; Uza joppa ri bénrénna,

2 SAMUEL 6:6

Wettunna mennang lettu ri onrong addésekeng gandong appunnangenna Nakhon, saping iya gettengngéngngi iyaro padatié tabbuttui, nanaloro'ni Uza limanna nanakkatenningngi iyaro Petti Assijancingngé kuwammengngi aja nasempé.

1 ARUNG-NGARUNG 8:3

Maddeppungeng manennana pamimpingngé, nakkani sining imangngé iyaro Petti Assijancingngé,

1 TAWARIKH 15:13

Wettunna iyaro Pettié untu' bunge'-bunge'na ripalétté, dé'ko gaga kuwaro untu' tiwii. Rimakkuwannanaro Puwangnge, Allataalata, hukkukki saba' tasompai dé' nasituru élo-Na.”

1 TAWARIKH 15:3

Nanaobbini Daud sininna tau Israélié lao ri Yérusalém untu' palétté'i Petti Assijancinna Puwangnge lao ri onrong iya puraé napassadiya.

1 TAWARIKH 23:26

Rimakkuwannanaro, Kémana Puwangnge sibawa sininna paréwa iya ripaké untu' assompangngé dé'na naparelluna riyulé ri tau Léwié.”

ABBILANGENG 3:31

Mattanggung jawa'i mennang ri Petti Assijancingngé, méjangngé, ajé lampué, mézba-mézbaé, sining pakkakkasa iya napaké sining imangngé ri Bili' Mapaccingngé, sibawa kaing paddenring iya lawaéngngi Bili' Mapaccingngé. Mattanggung jawa'i mennang risininna jama-jamang iya engkaé assisumpungenna sibawa barab-barangngéro.