ABBILANGENG 7:1 - KITTA KAREBA MADECENG

¹ Puranana Musa napatettong Kémana Puwangnge, narésmikanni iyaro Kémaé nenniya sininna paréwanna sibawa sapui manengngi sibawa minnya upacara. Makkuwatoro naébbu ri mézbaé sibawa sininna paréwanna.

ABBILANGENG 7:1 ပူးပေါင်းရင်းမြစ်များ

KAJAJIYANG 2:3

Nanabarakkakiwi esso iya mapituéro sibawa napancajiwi esso iya ripallaingngé, nasaba ri essoéro mappésauwi Allataala puranana napattépu jama-jamanna.

1 ARUNG-NGARUNG 8:64

Iyatoro essoé narésmikangngi Salomo bagiyang tengngana seddé ri yolona Bolana Puwang-ngéro. Nainappa ri seddénaro makkasuwiyangengngi akkarobangeng ritunu, akkarobangeng gandong, sibawa lunra olokolo untu' akkarobangeng pappasidamé. Iya manennaro nakkasuwiyangengngi kuwaro nasaba baiccu senna mézba gessaé untu' sininna pakkasuwiyangngéro.

ASSURENG 13:2

“Akkasuwiyangengngi sininna ana' worowané macowaé lao ri Iyya. Tungke' ana' worowané macowana Israélié, sibawa tungke' olokolo lai iya bunge' jajiyé, iyanaritu appunnangek-Ku.”

ASSURENG 29:36

Esso-esso harusu'i riyakkasuwiyangeng sikaju saping lai untu' paddampengeng dosa. Nasibawang iyaro akkarobangengngé ripaccingiwi mézbaé. Nainappa iyaro mézbaé harusu'i muminnyaki sibawa minnya zaitun kuwammengngi naripallaing untu' Iyya.

ASSURENG 40:11

Ebbu towi makkuwaro kullang uwai sibawa pallanggana.

ABBILANGENG 17:2

“Suroi tau Israélié mpérékko seppulo duwa tekkeng, tungke' suku séddi tekkeng, iya harusu'é nabbéréyang pamimping sukué. Okii asenna tungke' pamimping sukuéro ri tekkenna,

ABBILANGENG 7:10

Sining tomariyoloé tiwi pakkasuwiyang untu' ramé-raméiwi upacara résmikangngi mézbaé. Wettunna sadiyani mennang untu' tiwii pabbéréna mennang ri yolona mézbaé,

ABBILANGENG 7:84

Pakkasuwiyang iya natiwié iya seppulo duwa pamimpingngé untu' résmikangngi iyaro mézbaé iya manenna jumellana: – seppulo duwa indo penné péra' sibawa seppulo duwa katowang péra' iya tane'naé iya maneng 27,6 kilo – seppulo duwa indo penné ulaweng iya tane'naé iya maneng 1,32 kilo, penno mallise dupa – seppulo duwa kajunna saping lai, seppulo duwa kajunna bimbala lai, sibawa seppulo duwa kajunna ana' bimbala iya makkéumuru'é sitaung, silaong akkarobangeng ripatala selaku pappésukkuna untu' akkarobangeng ritunué – seppulo duwa kajunna bémbé untu' akkarobangeng paddampengeng dosa – duwappulo eppa kajunna saping lai, enneppulona kajunna ana' bimbala lai, enneng pulona kajunna bémbé sibawa enneppulona kajunna ana' bimbala iya makkéumuru'é sitaung untu' akkarobangeng pappasidamé.

MATIUS 23:19

Anengka makkuwa butamu! Kéga lebbi penting? Pakkasuwiyammu iyaré'ga mézba iya pancajiyéngngi pakkasuwiyangngéro mapaccing?