ABBILANGENG 5:3 - KITTA KAREBA MADECENG

³ Harusu'i mennang risuro lao, kuwammengngi dé' napanajisi'i akkémangngé, iya Uwonroiyé silaong umma'-Ku.”

ABBILANGENG 5:3 ပူးပေါင်းရင်းမြစ်များ

MAZMUR 68:18

Nasibawang mappulo sebbu karéta mawatang mallurui Allataala ri yelle'na mennang ri laleng arajan-Na.

ASSURENG 25:8

Suroi iyaro bangsaé mébburek-Ka séddi kéma, kuwammengngi weddik-Ka monro ri tengngana mennang.

ASSURENG 29:45

Maélo-Ka monro ri tengnga-tengngana bangsa Israélié, sibawa mancaji Allataalana mennang.

YESAYA 12:6

Gora-gorano éh pabbanuwana Sion, akkélonno sibawa marennu. Allataala mapaccinna Israélié malebbi tongeng, monroi ri tengnga-tengngamu.”

ANGIMANGENG 14:8

Nainappa iyaro tauwé harusu'i nasessa pakéyanna, nacukkuru sininna gemme'na, sibawa cemmé. Namapaccinna, sibawa weddinni muttama ri laleng akkémangngé, iyakiya pitungngessopi ittana dé' nawedding muttama ri laleng kémana muto.

ANGIMANGENG 15:31

Puwangnge suroi Musa paréngngerangiwi bangsa Israélié kuwammengngi napuriyatiwi uppanna mennang najisi' sibawa uppanna dé', kuwammengngi mennang dé' napanajisi'i Kémana Puwangnge iya engkaé ri tengnga-tengngana akkémanna mennang. Rékko napanajisi'i mennang iyaro Kémaé, matéi matu.

ABBILANGENG 16:3

Silaongngi mennang lao mangolo ri Musa sibawa Harun enrengngé makkeda, “Cuku'ni iyaro Musa! Sininna tau Israélié ripallaingngi untu' Puwangnge. Sibawa engkai Puwangnge ri tengnga-tengngata maneng. Iyakiya magi muwangga'i alému lebbi matanré naiya umma'na Puwangnge?”

ABBILANGENG 19:22

Barab-barang iya nagéssaé iyaro tau najisi'é mancaji najisi'i, sibawa tau laing iya géssaéngngi mancaji najisi' towi narapi labu essoé.

ABBILANGENG 35:34

Aja' mucarépaiwi tana iya muwonroiyé, nasaba Iyya'na Puwang, na Iyya monro ri tengnga-tengngana bangsa Israélié.”

ABBILANGENG 5:4

Napogau'i tau Israélié iyaro paréntaé sibawa passui sininna tau iya pada-padaéro polé ri akkémangngé.

ULANGENG 23:14

Puwang Allataalamu sibawakko ri laleng akkémammu untu' linrungiko sibawa mpérékko apakalang lao risining balimmu. Rimakkuwannanaro jagaiwi kuwammengngi natette mapaccing akkémammu. Aja' narapii engka séuwa iya dé'é nasipato ri yelle'mu, kuwammengngi dé' nasalaiko Puwangnge.”

ULANGENG 23:15

“Rékko séddié ata lari polé ri puwanna nainappa lao ri iko méllau allinrungeng, aja' musuroi lisu.

2 TESALONIKA 3:6

Saudara-saudara, ri laleng akuwasanna Puwang Yésus Kristus, riparéntakko kuwammengngi muwabélaiwi sininna Saudara iya tuwoé makkuttu-kuttu, sibawa iya dé'é naturusiwi sining pappagguruwang iya riyabbéréyangngé lao ri mennang.

TITUS 3:10

Tau iya nassabariyé assisalang ri laleng jema'é, sitinajai muwampareng siseng iyaré'ga wékkaduwa; purairo aja'na musiwollompollong sibawa aléna.

WAHYU 21:27

Iyakiya sining tau iya pogau'éngngi gau'-gau' iya mappakaciddi-ciddi'é iyaré'ga tau iya mabbellé – rippe'na agi-agi iya najisi'é, dé' sises-siseng nauttama ri lalenna. Iya muttama'é matu banna sining tau iya asennaé taroki ri laleng Kitta'na Tau Tuwoé, kitta'na Ana' Bimbala'éro.

WAHYU 21:3

Nainappa uwéngkalinga sadda polé ri kadéra arajangngéro gora sibawa maloppo, “Makkekkuwangngé onronna Allataala iyanaritu silaongngi tolinoé! Tuwoi matu sibawa mennang, nancaji matu mennang umma'-Na. Aléna Allataala sionrong matu sibawa mennang enrengngé namancaji Allataalana mennang.