ABBILANGENG 32:3 - KITTA KAREBA MADECENG

^3-4 “Tanana kota-kota Atarot, Dibon, Yaézer, Nimra, Hésybon, Eléalé, Sébam, Nébo sibawa Béon iya natudangiyénna Israélié sibawa bantuwanna Puwangnge, makessing senna untu' appiyarang olokolo. Nasaba maéga senna olokolo'ta,

ABBILANGENG 32:3 ပူးပေါင်းရင်းမြစ်များ

NEHEMIA 9:22

Muwéréngngi mennang apakalang lao ri maéga akkarungeng sibawa bangsa ri pakkaséséng tanana mennang. Hésybon wanuwanna Arung Sihon, natudangiwi mennang; Basan wanuwanna Arung Og, naonroiwi mennang.

YESAYA 15:6

Marakkoni uwaina Salo Nimrim sibawa wella iya tuwoé ri wirinna, dé' gagana tanet-taneng iya manyilaé.

YEREMIA 48:1

Iyanaé napowada Puwang Iya Pommakuwasaé, Allatalana Israélié passalenna Moab, “Macilakani pabbanuwana Nébo, maruttunni kotana! Risittaini Kiryataim, sibawa bénténna iya masse'é riancuru'ni, angkanna mancaji masiri pabbanuwana;

YEREMIA 48:2

lennye'ni abangkakenna Moab. Nasittaini balié Hésybon nakkuwaniro narancana mennang untu' pallennye'i sininna bangsa Moab-é. Ripappajai matu oni-onié ri kota Madmén, nasaba nagasai matu tentara iyaro kotaé.

YEREMIA 48:32

Maélo-Ka lebbi teringiwi pabbanuwana Sibma naiya pabbanuwana Yaézer. Kota Sibma padai tanet-taneng anggoro iya makkalolo'é takké-takkéna lettu ri liweng Tasi Maté sibbéla Yaézer. Iyakiya makkekkuwangngé buwa-buwa wettu timona sibawa buwa anggoro'na purani riancuru.

YEREMIA 48:34

Teri tauwé ri Hésybon sibawa Eléalé napaéngkalinga terinna lettu ri Yahas, sibawa naéngkalingato sining tau polé ri Zoar lettu ri Horonaim sibawa Eglat-Selisia. Teriwi mennang nasaba uwai ri ana' Salo Nimrim marakko toni.

YEREMIA 48:45

Tau mangungsi iya dé'é pakkullénna laowi sappa allinrungeng ri Hésybon, iyakiya iyaro kotaé mattengngangngi ritunu sibawa muwi saorajana Arung Sihon nanréto api. Purani napaccappu api daéra pakkaséséngngé sibawa buluna Moab, wanuwanna sining tau iya pojiyéngngi mammusu.

YEHEZKIEL 25:9

Rimakkuwannanaro kota-kota iya mattahangengngéngngi sining pakkasésénna wanuwa Moab Uleppessangngi matu rigasa ri balié muttama'ni kota-kota iya kaminang magelloé, iyanaritu: Bét-Yésimot, Baal-Méon sibawa Kiryataim.

ABBILANGENG 21:28

Engka séuwa wettu polé ri kotaéwé mallurui pasukanna Sihon pada apié. Iya mancuru'éngngi kota Ar ri Moab, sibawa makuwasaiwi bulu-bulué sillampé Arnon.

ABBILANGENG 21:30

Iyakiya makkekkuwangngé binasani wija-wijanna mennang, puppu laleng polé ri Hésybon lao ri Dibon, polé ri Nasyum lao ri Nofah seddéna Medéba.”

ABBILANGENG 21:32

Nainappa Musa suroi sining tauwé lao sappa laleng iya kaminang makessingngé untu' gasai kota Yaézer. Nanasittaini tau Israélié iyaro kotaé enrengngé kota-kota baiccu'na ri seddéna sibawa paddésu'i tau Amorié iya monroé kuwaro.

ABBILANGENG 32:1

Suku-suku Rubén sibawa Gad mappunnaiwi maéga senna olokolo. Wettunna mennang naita temmaka kessinna tanana Yaézer sibawa tana Giléad untu' appiyarang olokolo,

ABBILANGENG 32:2

laoni mennang mangolo ri Musa, Imang Eléazar sibawa sining pamimping laingngé polé ri Israélié. Adanna mennang,

YOSUA 13:17

makkuwatoro Hésybon sibawa sininna kotaé ri tanété tanréro, iyanaritu: Dibon, Bamot-Baal, Bét-Baal-Méon,

YOSUA 13:19

Kiryataim, Sibma, Zérét-Hasahar iya monroé ri tompo'na bulu-bulué ri lompo'éro,

HAKING-HAKING 11:26

Tellu ratu taung ittana Israélié tudangiwi Hésybon sibawa Aroér nenniya désa-désaé ri seddéna, sibawa sininna kota-kotaé ri wirinna Salo Arnon. Namagi ri wettuéro dé' muwalai lisu?