ABBILANGENG 3:3 - KITTA KAREBA MADECENG

³ Rilanti'i mennang mancaji imang sibawa upacara tirikiwi minnya tompo ulunna.

ABBILANGENG 3:3 ပူးပေါင်းရင်းမြစ်များ

1 TAWARIKH 23:6

Nabagéni Daud sining tau Léwiéro ri laleng tellu kalompo situru appanna mennang, iyanaritu appang Gérson, Kéhat sibawa Mérari.

ASSURENG 28:41

Pasangngi iyaro pakéyangngé ri Harun silessuremmu sibawa ana'-ana'na. Minnyakiwi mennang sibawa minnya zaitun; nasibawang iyaro narilanti mennang sibawa ripallaing untu' tumaningi-Ka selaku imang.

ASSURENG 40:13

Pasangngi pakéyang imangngé ri Harun, sibawa minnyakiwi kuwammengngi ripallaingngi untu' tumaningi-Ka selaku imang.

ASSURENG 40:15

Nainappa muminnyaki mennang pada-pada muminnyakinna ambo'na, kuwammengngi naullé towi mennang tumaningi-Ka selaku imang. Nasibawang upacara minnya'éro, massossorengngi sukunna makkatenningngi jabatang imangngé.”

ANGIMANGENG 8:12

Purairo rilanti'ni Harun ri Musa sibawa tirikiwi céddé minnya upacara ri yasé'na ulunna.

ANGIMANGENG 8:30

Purairo malani Musa sibagiyang polé ri minnya upacaraé sibawa sibagiyang polé ri dara iya engkaé ri yasé'na mézbaé, nainappa nakkeppikeng lao ri Harun sibawa ana'-ana'na enrengngé lao ri pakéyanna mennang. Nasibawang caraéro, Musa pallaingngi mennang sibawa pakéyanna lao ri Puwangnge.

ABBILANGENG 3:4

Iyakiya Nadab sibawa Abihu matéi ri padang kessi Sinai, wettunna mennang mangolo ri Puwangnge sibawa api iya dé'é naadélé. Iya duwa dé' nappunnai ana'. Jaji ri wettu tuwona mupa Harun, Eléazar sibawa Itamar majjamai selaku imang.

IBRANI 7:28

Hukkunna agama Yahudié makkai sining tau iya dé'é nasukku mancaji sining imang lompo. Iyakiya rimunri polé ri hukkung-hukkungngéro, mébbui Allataala assijancingeng sibawa tanro makkedaé nakkai selaku Imang Lompo, Ana' iya puraé mancaji Pappassalama' iya sukkué lettu mannennungeng.