ABBILANGENG 27:3 - KITTA KAREBA MADECENG

³ “Maténi ambo'ta ri padang kessi'é nadé' nappunnai ana' worowané. Tenniyai ana' gurunna Kora iya maronta'é lao ri Puwangnge. Iyaro ambo'ta matéi nasaba dosana muto.

ABBILANGENG 27:3 ပူးပေါင်းရင်းမြစ်များ

YEHEZKIEL 18:4

Nyawana tungke tau iyanaritu appunnangek-Ku, muwi nyawana tomatowaé iyaré'ga nyawana ana'na. Tau iya madosaé, aléna ritu maté matu.

ABBILANGENG 14:35

Mattanroka makkedaé Upogau'i matu lao ri iko, sining tau maja iya sikongkolo'é untu' méwaka. Maté manekko matu ri padang kessi'éwé. Iyya, Puwang, pura mabbicara.’ ”

ABBILANGENG 16:19

Nanapaddeppungenni Kora sininna umma'é, natettong mennang siyolong Musa sibawa Harun ri sumpanna Kémana Puwangnge. Tappa naitani sininna umma'é cahaya pawilo-wilona Puwangnge.

ABBILANGENG 16:49

Iya maté wettuéro engka 14.700 tau, dé' nauttama mennang iya maté wettunna ronta'na Kora.

ABBILANGENG 26:33

Zélaféhad ana' Héfer dé' nappunnai ana' worowané, banna ana' makkunarai. Ana'na mennang iyanaritu Mahla, Noa, Hogla, Milka sibawa Tirza.

ABBILANGENG 27:2

Iya limaro ana'na Zélaféhad laowi mangolo ri Musa sibawa Imang Eléazar nenniya sining pamimpingngé enrengngé sininna umma iya mattengngangngé maddeppungeng ri seddéna sumpanna Kémana Puwangnge. Adanna mennang,

ABBILANGENG 27:4

Iyakiya magi naharusu teddéng asenna polé ri bangsa Israélié banna nasaba dé' nappunnai wija-wija worowané? Wérékki tana ammanareng silaong sumpulolona ambo'ta.”

YOHANES 8:21

Makkedasi Yésus lao ri mennang, “Maélo-Ka lao, namusappa-Ka matu, iyakiya matéko matu ri laleng dosa-dosamu. Ri onrong Ulaoiyé, dé' mulléi lao.”

YOHANES 8:24

Iyanaro saba'na Uwakkeda lao ri iko, makkedaé matéko matu ri laleng dosa-dosamu. Namémeng matéko matu ri laleng dosa-dosamu, rékko dé' mumateppe makkedaé ‘Iyya'na iya riteppué IYYA ENGKA.’ ”

ROMA 5:12

Muttama'i dosaé ri laleng linoé naolai séddi tau, na polé ri dosaéro momponi amaténgngé. Addimonrinna, iyaro amaténgngé nassanraiwi sininna rupa tauwé, saba' sininna tauwé madosani.

ROMA 5:21

Na, harusu'ki maté nasaba pogau'ki dosa, iyakiya Allataala mamaséiki sibawa mabbéréi laleng lao ri idi untu' simadécéngeng paimeng sibawa Aléna. Nasaba assisumpungetta sibawa Allataala madécéngi paimeng, nabbéréyang towi atuwong mannennungengngé lao ri idi naolai Yésus Kristus, Puwatta.

ROMA 6:23

Saba' amaténgngé iyanaritu saronai dosaé; iyakiya atuwong tongengngé iya mannennungengngé sibawa Kristus Yésus Puwatta iyanaritu pabbéré iya nabbéréyangngé Allataala sibawa cuma-cuma.