ABBILANGENG 26:53 - KITTA KAREBA MADECENG

⁵³ “Bagéngengngi iyaro tanaé lao ri suku-suku bangsa Israélié situru égana tungke'-tungke' suku.

ABBILANGENG 26:53 ပူးပေါင်းရင်းမြစ်များ

KAJAJIYANG 12:2

Maélo-Ka mpérékko wija iya maégaé sibawa mancajiwi matu bangsa iya battowaé. Maélo-Ka barakkakiko sibawa mébbui asemmu tarompo, angkammu mancaji matu barakka.

KAJAJIYANG 12:7

Nappaitanni aléna Puwangnge lao ri Abram sibawa makkeda lao ri aléna, “Iyanaé wanuwa iya maéloé Uwabbéréyang lao ri wija-wijammu.” Nainappa patettonni Abram séddi mézba kuwaro untu' Puwang iya puraé mappaitangngi aléna lao ri Abram.

1 TAWARIKH 16:18

Adan-Na, “Uwabbéréyangngi matu Tana Kanaan lao ri iko mancaji appunnangeng manamu.”

MAZMUR 105:44

Nabbéréyangngi lao ri mennang tanana bangsa-bangsaé, sining dare'na mennang napancajiwi appunnangenna umma'-Na,

MAZMUR 49:14

Makkuwaniro totona tau iya mattuwangngéngngi aléna, sibawa wettu mangolona tau iya masennangngénna sibawa ada-adanna.

YEHEZKIEL 47:22

na iyaro tanaé iyanaritu appunnangemmu untu' mannennungeng. Sining tau laing iya mattette'é ri tengnga-tengngamu, sibawa mappunnai ana'-ana' iya jajiyé kuwaro, harusu towi lolongeng tawa polé ri tanaéro. Harusu'i mennang riyangga warga sukku polé ri bangsa Israélié, sibawa harusu'i maccowé mennang riloteréi untu' lolongeng tana ri wettu ripakangkana attawang tanaé ri yelle'na suku-suku Israélié.

DANIEL 7:27

Akuwasang nenniya arajanna sininna akkarungengngé ri linoé nabbéréyangngi matu lao ri umma'na Allataala Iya Pommatanré. Akuwasan-Na mennang untu' mapparénta dé' matu naccappa sibawa sininna panguwasaé ri linoé mattumaniwi matu mennang sibawa mapato.”

ABBILANGENG 26:52

Makkedani Puwangnge lao ri Musa,

ABBILANGENG 26:54

Pogau'i iyaro sibawa cara loteréi. Lao ri suku iya battowaé harusu'i muwéréng bagéyang iya battowaé, sibawa lao ri suku iya baiccu'é, bagiyang iya baiccu'é.”

ABBILANGENG 33:54

Nainappa harusu'ko bagéngengngi mancaji appunnangeng manana sining appammu sibawa loteréiwi. Lao ri appang iya battowaé harusu'i muwéréng bagiyang iya battowaé, sibawa appang iya baiccu'é, bagiyang iya baiccu'é.

MATIUS 5:5

Masennangngi tau iya pakariyawaéngngi atinna; narupaiwi matu Allataala jancin-Na lao ri mennang!

YOSUA 1:6

Sitinajako mateppe sibawa barani, saba' mupimpingngi matu iyaé bangsaé wettunna mennang tudangiwi wanuwa iya Uwajjanciyangngé lao ri néné-nénéna mennang.

YOSUA 11:23

Sininna wanuwaéro nasittaiwi Yosua situru paréntana Puwangnge lao ri Musa, nainappa nawéréng bangsa Israélié mancaji appunnangenna mennang. Iyaro wanuwaé natawa-tawai, tungke suku lolongeng séddi bagiyang. Mappésau toni bangsa Israélié mammusu sibawa amanni wanuwanna.

YOSUA 14:1

Iyaé mangoloé iyanaritu curitana passalenna pékkugi wanuwa Kanaan seddé yajanna Salo Yordan riyabbagé-bagéyang ri yelle'na umma Israélié. Iya bagé-bagééngngi iyaro tanaé lao ri umma Israélié iyanaritu Imang Eléazar, Yosua ana' Nun, sibawa kapala-kapala kaluwargaé ri laleng suku-suku bangsa Israélié.

WAHYU 21:27

Iyakiya sining tau iya pogau'éngngi gau'-gau' iya mappakaciddi-ciddi'é iyaré'ga tau iya mabbellé – rippe'na agi-agi iya najisi'é, dé' sises-siseng nauttama ri lalenna. Iya muttama'é matu banna sining tau iya asennaé taroki ri laleng Kitta'na Tau Tuwoé, kitta'na Ana' Bimbala'éro.

WAHYU 5:10

Purani mupancaji mennang séuwa bangsa imang-ngimang iya ripallaingngé, kuwammengngi natumaniwi Allataalata, enrengngé mapparénta ri yasé'na linoé.”