ABBILANGENG 25:3 - KITTA KAREBA MADECENG

³ Nasaba nasompai Baal tau Israélié ri Péor, macaini Puwangnge lao ri mennang sibawa makkeda lao ri Musa,

ABBILANGENG 25:3 ပူးပေါင်းရင်းမြစ်များ

HOSEA 9:10

Makkedai Puwangnge, “Wettuk-Ku bunge' runtu'i Israélié, marennu-Ka pada-pada tau runtu'é buwa anggoro ri padang kessi'é. Wettuk-Ku bunge' mitai toriyolomu, masennak-Ka pada-pada tau mitaéngngi wassélé bunge'na buwa arana. Iyakiya, wettunna mennang lao ri Bulu Péor, mammulani mennang massompa Baal, angkanna mennang mancaji najisi' pada-pada déwata iya napojiyé mennanro.

YOSUA 22:17

Dé'ga muwéngngerangngi dosata ri Péor? Iyaro wettué nahukkukki Puwangnge sibawa séuwa sai, namuni idi'é umma'-Na muto! Lettu makkekkuwangngé tatanggung mupi addimonrinna. Aga iyaro dé'topa nagenne?

YEREMIA 17:4

Tarapassako matu mabbéréyangngi tana iya puraé Uwérékko, sibawa Uwébbuko matu mattumani lao ri balimmu ri wanuwa iya dé' sises-sisengngé muwissengngi. Upogau'i sininna iyaro nasaba cai-Ku mallalatunni pada-pada api iya malluwa'é sibawa dé' nariyullé peddéi.”

MAZMUR 90:11

Nigana missengngi aseronna cai-Mu, iyaré'ga maingekiwi matu addimonrinna cai-Mu?

HAKING-HAKING 2:20

Rimakkuwannanaro macai senna'ni Puwangnge lao ri umma Israélié, sibawa makkeda, “Purani Uparéntang néné-nénéna bangsaéwé kuwammengngi nakkatenningngi assijancingngé ri yelle'ta Iyya sibawa mennang. Iyakiya iyaé bangsaé napettuiwi passiyo janciéro; najjalékkaiwi mennang parénta-Ku.

ABBILANGENG 25:5

Nanakkedana Musa lao risining hakinna Israélié, “Iko tungke'-tungke' harusu mpunoi sininna tauwé ri laleng sukummu iya puraé sompai Baal ri Péor.”

ABBILANGENG 31:16

Tenniyaga iyaro sining makkunraié iya turusiyéngngi pangajana Biléam, angkanna napalécé umma Israélié ri Péor untu' salaiwi Puwangnge? Na iyanaro papolé abala ri yasé'na umma'na Puwangnge!

HAKING-HAKING 2:11

Namadosana tau Israélié lao ri Puwangnge. Dé'na mennang namassompa lao ri Puwangnge, Allataalana néné-nénéna mennang, iyanaritu Allataala iya puraé tiwii mennang massu polé ri Maséré. Mappammulani mennang sompai Baal sibawa Asytorét enrengngé déwata-déwata laing iya nasompaé bangsa-bangsa ri mattulilinna mennang. Namacaina Puwangnge lao ri mennang sibawa leppessangngi garembolangngé gasai sibawa rampo'i mennang. Dé' pakkullénna mennang moloiwi sining balinna ri mattulilinna.

HOSEA 4:14

Iyakiya dé' Uhukkungngi matu pangkaukenna mennanro, saba' muwi iko lao tokko ri cakkuribang-cakkuribang iya majjamaé ri bola-bola déwataé, sibawa silaong mennang makkasuwiyangekko akkarobangeng lao ri déwataé. Tongeng senna warékkadaéwé: ‘Bangsa iya dé'é nappunnai pappéjeppu passalenna Allataala maruttungngi matu.’