ABBILANGENG 24:9 - KITTA KAREBA MADECENG

⁹ Iyaro bangsaé pada-padai singa laié sibawa singa komba'é, iya makkanroppangngé sibawa léwu. Nigana barani teddui? Tennapodo tau iya barakkakiyéngngékko ribarakkakiwi, sibawa tau iya tanroiyéngngékko ritanroiwi.”

ABBILANGENG 24:9 ပူးပေါင်းရင်းမြစ်များ

KAJAJIYANG 12:3

Maélo-Ka barakkakiwi sining tau iya barakkakiyéngngékko sibawa tanroiwi sining tau iya tanroiyéngngékko. Nasaba iko maélo-Ka barakkakiwi sininna bangsaé ri linoé.”

KAJAJIYANG 27:29

Tennapodo bangsa-bangsaé mancaji atammu, sibawa suku-suku bangsaé tunru'i ri iko. Tennapodo mukuwasaiwi sininna sumpulolomu, sibawa wija-wijanna indo'mu suju'i ri yolomu. Tennapodo tattanroi sininna tau iya tanroiyékko sibawa ribarakkakiwi sininna tau iya barakkakiyéngngékko.”

KAJAJIYANG 49:9

Yéhuda pada-padai singa loloé; naunoi anréna, nainappa lisu ri saranna; makkailii nainappa léwu, nadé' séddi tau barani rukkai.

1 ARUNG-NGARUNG 10:20

Ri cappa abéyona sibawa cappa ataunna tungke' ana' addénéngngé engka dato-dato singa – iya manenna seppulo duwa. Dé' naengka kadéra akkarungeng pada-padaéro muwi ri akkarungeng niga.

2 TAWARIKH 9:18

Iyaro kadéraé engka taiyyana sibawa ri benrénna wali-wali engka dato'-dato' singa. Iyaro kadéraé mappunnai towi enneng ana' addénéng, sibawa séddi akkellareng ajé iya rilapiriyé sibawa ulaweng. Iyaro akkellareng ajé ripasséddiwi sibawa kadérana.

ESTER 6:13

Lao ri bainéna sibawa sininna sellaona nacuritani aga iya puraé napéneddingi. Nainappa bainéna sibawa sellao-sellaona iya mapanréro makkeda lao ri aléna, “Mappammulano ricau watang ri Mordékhai. Tau Yahudiwi nadé' muwulléi méwai. Pasti naulléi cauko matu.”

AYUB 41:10

Masekkangngi rékko ripaoto'i polé ri tinrona; dé' muwi séddi tau barani tettong ri yolona.

MAZMUR 122:6

Assempajanno untu' asaléwangenna Yérusalém: “Tennapodo sininna tau iya pojiyékko saléwangengngi.

MAZMUR 2:12

suju'no ri yolo-Na sibawa ténré, aja' narapii mancaji macai Puwangnge naripaccappuko silalona, saba' malluwa'i cai-Na tennasenna-senna. Masennangngi tau iya mallinrungngé ri Puwangnge!

ASSURENG 23:22

Rékko muturusiwi aléna sibawa pogau'i sininna iya Uwapparéntangngé, maélo-Ka mammusu méwai sininna balimmu.

YESAYA 31:4

Makkedai Puwangnge lao ri iyya, “Pada-pada singaé mangngaung untu' mattahangengngi anréna sibawa dé' namakkullé ripéttauri ri paggera'na sibawa kelli'na sirombongan pakkampi iya ripangaraé untu' méwai, makkuwatoniro umusui matu sibawa mattahangengngi Bulu Sion.

MIKHA 5:8

Nacaui matu Israélié sining balinna enrengngé mancuru manengngi mennang.

ABBILANGENG 22:12

Adanna Allataala lao ri Biléam, “Aja' mulao silaongengngi sining tauwéro, sibawa aja' mutanroiwi bangsaéro, nasaba purani Ubarakkaki.”

ABBILANGENG 22:6

Lebbi watangngi mennang naiya idi. Jaji, laoni mai! Tanrongekka mennang. Ajakké riyulléi caui mennang sibawa paddésu'i polé ri wanuwaéwé. Saba' mateppe'ka tau iya mubarakkakiyé lolongengngi matu barakka, sibawa tau iya mutanroiyé lolongengngi matu abusungeng.”

ABBILANGENG 23:24

Tokkongngi iyaro bangsaé pada-pada singa komba'é, sibawa tettong pada-pada singa laié. Dé' naléwu ri wettu dé'napa naemme'i inanréna sibawa naénung darana anré iya natikkengngé.”

ABBILANGENG 24:10

Namacaina Balak pamare'i pajjagguru'na namakkeda lao ri Biléam, “Uwobbiko untu' tanroiwi sining balikku, iyakiya mala mubarakkakiwi mennang narapi wékkatellu.

MATIUS 25:40

Nappébali matu iyaro Arungngé, ‘Issenni: wettunna mupogau' gau'éro, namuni lao risala séddinna polé ri silessu-silessurek-Ku iya kaminang matunaé, mupogau' tonitu lao ri Iyya!’

MATIUS 25:45

Nappébali matu iyaro arungngé, ‘Issenni: ri wettunna dé' mumaélo tulungngi sala séddinna tau iya kaminang matunaéwé, bettuwanna dé'totu mumaélo tuluk-Ka.’

RIWAYA'NA RASUL-RASUL-E 9:5

Nakkutana Saulus, “Niga Iko, Puwang?” Nappébali iyaro saddaé, “Iyya'na Yésus, iya mucallaé.

ULANGENG 30:7

Sininna tanroéro Napatakkennai matu ri yasé'na sining balimmu iya benciyéngngékko sibawa tenre'ko.