ABBILANGENG 24:8 - KITTA KAREBA MADECENG

⁸ Allatalala tiwii mennang massu polé ri Maséré, pada-pada banténg liyaé mammusurengngi mennang. Bangsa-banga balié cappu matu naemme, Naancuru'i buku-bukunna mennang, sibawa Napoloi pana-panana mennang.

ABBILANGENG 24:8 ပူးပေါင်းရင်းမြစ်များ

MAZMUR 45:5

Alluruno sibawa barani mattuju ri ataromporengngé méwaiwi atongengengngé sibawa adélékeng iya malemmaé; nasibawang awatangemmu sittaiwi apakalang iya battowaé!

YEREMIA 50:17

Makkedai Puwangnge, “Tau Israélié padai bimbala makkonrongngé iya rilellungngé sibawa ripassara-sarang ri singaé. Bunge-bunge'na rigasai mennang ri arung Asyur, nainappa Nébukadnézar arung Babél bibbi'i buku-bukunna mennang.

MAZMUR 2:9

Mupoloi matu mennang sibawa tekkeng bessi sibawa mureppa'i pada-pada oring tanaé.’ ”

ABBILANGENG 23:24

Tokkongngi iyaro bangsaé pada-pada singa komba'é, sibawa tettong pada-pada singa laié. Dé' naléwu ri wettu dé'napa naemme'i inanréna sibawa naénung darana anré iya natikkengngé.”

ABBILANGENG 23:22

Allataala tiwii mennang massu polé ri Maséré; pada-pada banténg liyaé mammusurengngi.

ABBILANGENG 14:9

Aja' muéwai Puwangnge, sibawa aja' mumétau lao risining tau iya monroé ri wanuwaéro, saba' magampakki caui matu mennang. Iya linrungiyéngngi mennang nasalaini, na Puwangnge sibawakki. Jaji, aja'na mumétau.”

YEREMIA 50:9

Upangarai matu sijumella bangsa iya mawatangngé polé ri manorang kuwammengngi nagasai mennang Babél. Naatoro'i matu mennang barisi'na untu' mammusu méwai Babél sibawa caui. Mennang iyanaritu pappana-pappana maccaé iya dé'é naengka naléssé panana.

YESAYA 38:13

Puppu benni kelli'ka nataro peddi, samanna buku-bukukku rireppo ri sikajué singa; uwasengngi Allataala maéloni paccappa'ni atuwokku.

DANIEL 6:24

Tenniya pato sennanna atinna arungngé nanapparéntangngi kuwammengngi naripassu Daniél polé ri gowaéro. Purana ripogau' paréntaéro, annessana makkedaé dé' narilolongeng lo muwi céddé ri Daniél, nasaba mateppe'i ri Allataalana.

MAZMUR 21:12

Rékko mébbui mennang rancana méwai arungngé, belléna mennang dé' nawwassélé matu.

ULANGENG 32:42

Pana-pana-Ku ripennoiwi matu ri darana mennang; sininna iya méwaékka Uwunoi sibawa peddak-Ku. Dé' Uleppessangngi muwi niga méwa-Ka; tau ritahangngé sibawa iya maloé harusu'i matéto.

ULANGENG 32:23

Matteru-teru Upapolé abalaé, Uwattémbakeng sininna pana-Ku lao ri mennang.

ULANGENG 7:1

“Puwang Allataalamu tiwiko matu ri wanuwa iya maéloé muwonroi, sibawa maéga bangsa ripaddésu matu polé kuwaro. Ri yolona matammu Napaddésu'i matu pitu bangsa iya lebbi battowaé sibawa lebbi mawatangngé naiya iko, iyanaritu sining tau Hét-é, Girgasié, Amorié, Kanaangngé, Féris-é, Héwié sibawa Yébus-é.

ABBILANGENG 21:5

namannoko-noko lao ri Allataala sibawa Musa. Makkedai mennang, “Magi mutiwiki massu polé ri Maséré? Aga untu' mpunoki ri padang kessi'éwé? Kuwaé dé' gaga inanré, sibawa dé'to gaga uwai. Majani pénedditta sibawa inanré iya makawaéwé!”

MATIUS 2:15

Monroni kuwaro mennang narapi maté Hérodés. Makkuwaniro nakajajiyang aga napowada Puwangngé naolai nabin-Na, makkuwaé, “Uwobbii Ana'-Ku polé ri Maséré'.”

YOSUA 2:10

Purani riyéngkalinga karéba passalenna pékkugi Puwangnge pamettiwi Tasi Gelaga ri yolomu, wettummu salaiwi Maséré. Pura toni riyéngkalinga pékkugiko mpunoi Sihon sibawa Og, iya duwa arung bangsa Amoriéro ri seddé alauna Salo Yordan.

ASSURENG 23:22

Rékko muturusiwi aléna sibawa pogau'i sininna iya Uwapparéntangngé, maélo-Ka mammusu méwai sininna balimmu.

MAZMUR 45:6

Panamu iya macéru'é bettui jantunna balimmu, menrungngi bangsa-bangsaé ri yolomu.