ABBILANGENG 21:9 - KITTA KAREBA MADECENG

⁹ Nanaébbuna Musa ula polé ri tembagaé nanataroi ri yasé'na séddié alliri. Tungke' tau iya napitto'é ula, wedding majjappa rékko makkitai lao ri ulaéro.

ABBILANGENG 21:9 ပူးပေါင်းရင်းမြစ်များ

IBRANI 12:2

Sitinajai pakkitatta mattuju lao ri Yésus, saba' Aléna ritu iya paoto'éngngi teppe'ta sibawa piyarai polé ri pammulanna lettu ri paccappurenna. Tahangngi Yésus manrasa-rasa ri aju sallié! Dé' Napaduliwi makkedaé maté ri aju salliéro iyanaritu séuwa gau' iya mappakasiri-sirié. Banna maréngngerangngi lao ri arennuwang iya Napérasaiyé matu ri munri. Makkekkuwangngé tudanni ri seddé ataunna akkarungenna Allataala, enrengngé mapparéntai silaong Aléna.

YOHANES 6:40

Mémeng iyanaé élona Ambo'-Ku: Kuwammengngi sininna iya mitaéngngi Ana'é sibawa mateppe' ri Aléna mappunnai atuwong mannennungeng, sibawa Upatuwoi paimeng ri Esso Kiyame'.”

2 ARUNG-NGARUNG 18:4

Naancuru'i onrong-ngonrong assompang déwataé, sibawa ruttungngi tugu-tugunna nenniya solangiwi dato-datona Déwi Asyéra. Naancuru towi ula gessa naébbué Musa iya riyasengngé Néhustan. Saba', lettu ri essoéro mattunu dupa mupi tau Israélié untu' pakalebbii ula gessaéro.

YOHANES 12:32

Iyakiya Iyya'é, rékko purana ripakatanré ri yasé'na linoé, maélo-Ka getteng manengngi tauwé lao ri Iyya.”

YESAYA 45:22

Eh, sininna pabbanuwana linoé, gilinno lao ri Iyya kuwammengngi naripassalama'ko, saba' banna Iyya Allataala, dé'gaga iya laingngé!

ROMA 8:3

Aga iya dé'é naulléi napogau' hukkung agamaé, nasaba idi tau malemmaki, iyaro pura napogau'ni Allataala. Allataala caui akuwasanna dosaé ri laleng sipa'na tolinoé sibawa kiringngi Ana'na, iya polé ri laleng keadaang iya padaé sibawa tolinoé iya madosaé, untu' leddai dosaé.

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

ROMA 1:17

Saba' nasibawang iyaro Karéba Madécéngngé, nappaitangngi pékkugi carana assisumpungenna rupa tauwé sibawa Allataala mancaji madécéng paimeng; carana iyanaritu mateppe' ri Allataala, mappammulai pammulanna lettu paccappureng. Iyaro pada-padai tarokié ri laleng Kitta'é, “Tau mateppe'é ri Allataala angkanna assisumpungenna sibawa Allataala madécéng paimeng, iyaro tauwé tuwoi matu!”

1 YOHANES 3:8

Iyakiya tau iya matteru-terué pogau' dosa, ana'nai iyanaritu Ibillisi', saba' Ibillisi' pammulanna mupa namadosa. Untu' iyanaé napolé Ana'na Allataala, iyanaritu untu' mancuru'i jama-jamanna Ibillisi'.

ZAKHARIA 12:10

Nainappa wija-wijanna Daud enrengngé pabbanuwana Yérusalém Uwéréngngi matu ati iya pojiyéngngi mamasé sibawa pojiyéngngi massempajang. Naitai matu mennang iya puraé nagajang mennang sibawa mpatingiwi pada-pada tau mpatingiyéngngi amaténna ana' tungke'na. Mpatingngi matu mennang sibawa mamasé, pada-pada tau iya ateddéngengngénna ana' macowa.

YOHANES 1:29

Pappa bajanana, naitani Yohanés, Yésus lao ri aléna. Nakkeda Yohanés, “Itai, iyanaro Ana' Bimbala'na Allataala iya leddaéngngi dosana linoé.