ABBILANGENG 21:8 - KITTA KAREBA MADECENG

⁸ Nainappa Puwangnge suroi Musa mébbu sikaju ula tembaga nanataroi ri yasé'na séddié alliri. Tungke' tau iya napitto'é ula, majjappai matu rékko naitai ula polé ri tembagaéro.

ABBILANGENG 21:8 ပူးပေါင်းရင်းမြစ်များ

2 ARUNG-NGARUNG 18:4

Naancuru'i onrong-ngonrong assompang déwataé, sibawa ruttungngi tugu-tugunna nenniya solangiwi dato-datona Déwi Asyéra. Naancuru towi ula gessa naébbué Musa iya riyasengngé Néhustan. Saba', lettu ri essoéro mattunu dupa mupi tau Israélié untu' pakalebbii ula gessaéro.

MAZMUR 145:8

Iyaro Puwangnge mamaséi sibawa makacuwa, matengnge macai sibawa tuli mamaséi.

YESAYA 14:29

Eh bangsa Filistin, tarasulu iya ripaké untu' tetté'ko mapoloni. Iyakiya aja' mumarennu, saba' rékko matéi sikajué ula, ula iya lebbi majaé polé sulléiwi, sibawa tello ulaé maddepparengngi naga makképannié.

YESAYA 30:6

Makkuwaniyé sining pasenna Puwangnge passalenna sining olokolo iya monroiyéngngi tana yattang, “Sining suroé patékériwi kaleddé'na nenniya untana mennang sibawa hadiya-hadiya, nainappa nalléttoi daéra iya pennoé abala iya naonroiyé singa, ula mamoso sibawa naga mappanni. Iyaro sining hadiyaé nakkasuwiyangengngi lao riséuwaé bangsa iya dé'é naulléi tulungngi mennang.

YESAYA 45:22

Eh, sininna pabbanuwana linoé, gilinno lao ri Iyya kuwammengngi naripassalama'ko, saba' banna Iyya Allataala, dé'gaga iya laingngé!

YOHANES 3:14

Pada-pada Musa paénré ula tembaga ri sibatangngé aju ri padang kessi'é, makkuwatoro Ana'na Tolinoé harusu' ripaénré,