ABBILANGENG 21:1 - KITTA KAREBA MADECENG

¹ Arad iyanaritu séddiwi kota ri bagiyang yattanna wanuwa Kanaan. Wettunna naéngkalinga arunna kotaéro makkedaé poléni tau Israélié lalo ri laleng Atarim, laoni gasai mennang sibawa tawangngi siyagangngaré tau ri yelle'na mennang.

ABBILANGENG 21:1 ပူးပေါင်းရင်းမြစ်များ

KAJAJIYANG 12:9

Nainappa napatterusi joppana polé ri séddié onrong lao ri onrong rappina, mattuju ri bagiyang yattanna tana Kanaan.

ABBILANGENG 14:45

Na tau Amalé'é sibawa tau Kanaangngé iya monroé kuwaro luruiwi sibawa caui sining tau Israélié enrengngé lellungngi mennang lettu ri Horma.

ABBILANGENG 33:40

Iyaro wettué arunna wanuwa Arad, ri Tana Négéb, Kanaan Yattang, lolongenni karéba makkedaé umma Israélié mattengnganni mattuju ri wanuwanna.

ULANGENG 2:32

Napoléna Sihon sibawa sininna pasukanna untu' musuki ri seddéna kota Yahas.

YOSUA 7:5

Sining tau Aié lellungngi mennang polé ri pintu gerbanna kota Ai lettu ri daéra attambangengngé, nainappa nauno kira-kira telluppulo enneng tau polé ri yelle'na mennang ri émpenna bulu-bulué. Nabata-batana sibawa métauni sining tau Israélié.

HAKING-HAKING 1:16

Wija-wijanna matuwanna Musa, iyanaritu sining tau Kénié, maccowériwi tau Yéhudaé massu polé ri Yérikho, kota karomaé, nalao ri daéra iya makarossaé ri seddé yattanna Arad ri Yéhuda. Kuwaniro mennang mattette ri tengnga-tengngana bangsa Amalé'.