ABBILANGENG 2:2 - KITTA KAREBA MADECENG

² “Wettunna tau Israélié patettong akkémang, tungke' tau harusu'i makkéma mattulilingiwi bandéra passéddiyanna mennang sibawa lambang appanna muto. Sininna akkémangngéro harusu'i ripatettong mattulilingiwi Kéma-Ku, iyakiya mabéla-béla céddé polé ri aléna.”

ABBILANGENG 2:2 ပူးပေါင်းရင်းမြစ်များ

MAZMUR 74:4

Gora-gorai sining balim-Mu ri Bola-Mu, sibawa patettongngi bandéra apakalanna kuwaro.

MAZMUR 76:11

Muwi sining tau kaminang masekkangngé poji tok-Ko, sibawa iya macaié mupa pakéi kaing karung tanrang mabbarata.

YESAYA 12:6

Gora-gorano éh pabbanuwana Sion, akkélonno sibawa marennu. Allataala mapaccinna Israélié malebbi tongeng, monroi ri tengnga-tengngamu.”

YESAYA 18:3

Eh, iko maneng iya monroiyéngngi linoé! Pénessaiwi rékko ripaénré'i bandérana ri tompo'na sining bulué! Engkalingai rékko ripaoniwi tarompé'é!

YEHEZKIEL 43:7

“Eh tolino dé'é namannennungeng, iyanaé kadéra arajak-Ku. Kuwaniyé maélo-Ka monro ri tengnga-tengngana umma'-Ku Israélié sibawa paréntai mennang mannennungeng. Muwi mennang, iyaré'ga arung-ngarunna, dé'na nacarépaiwi matu asek-Ku iya mapaccingngé sibawa massompa barahala iyaré'ga kuburu'i ujuna arung-ngarunna mennang ri onrongngéwé.

ZAKHARIA 9:16

Rékko narapini iyaro essoé, napassalama'i matu Puwangnge umma'-Na, pada-pada pakkampié passalama'i bimbala'na polé ri abalaé. Mattappai matu mennang ri tanana Puwangnge, pada-pada paramata passigera iya millakkillangngé.

ABBILANGENG 1:50

Suroi mennang murusu'i Kéma-Ku sibawa sininna paréwanna. Jamanna mennang iyanaritu méssangngi Kéma-Ku sibawa paréwanna enrengngé murusu'i. Harusu'i mennang makkéma mattulilingiwi.

ABBILANGENG 10:14

Kaminang riyolo joppai tentara iya maccinaungngé ri yawa bandéra passéddiyanna Yéhuda, tassipasukang-tassipasukang: Nahason, ana' Aminadab pimpingngi barisi'na suku Yéhuda,

ABBILANGENG 10:18

Nainappa joppa tentara iya maccinaungngé ri yawa bandéra passéddiyanna Rubén, tassipasukang-tassipasukang: Elizur ana' Syédéur pimpingngi barisi'na suku Rubén,

ABBILANGENG 10:22

Nainappa mancinrola tentara iya maccinaungngé ri yawa bandéra passéddiyanna suku Efraim, tassipasukang-tassipasukang: Elisama ana' Amihud pimpingngi barisi'na suku Efraingngé,

ABBILANGENG 10:25

Paccappurenna joppani tentara iya maccinaungngé ri yawa bandéra passéddiyanna suku Dan. Mennang iyanaritu pengawal rimunri sininna passéddiyangngé. Joppani mennang tassipasukang-tassipasukang: Ahiézer ana' Amisyadai pimpingngi barisi'na suku Dan.

ABBILANGENG 2:1

Makkedai Puwangnge lao ri Musa sibawa Harun:

ABBILANGENG 2:10

Ri seddé yattanna, tentara iya maccinaungngé ri yawa bandéra passéddiyanna Rubén, harusu'i makkéma situru pasukang sibawa pamimpinna tungke'-tungke' ri laleng susunangngéwé: Suku Pamimpinna Jumella taunna Rubén Elizur ana' Syédéur 46.500 Siméon Sélumiél ana' Zurisyadai 59.300 Gad Elyasaf ana' Réhuél 45.650 Iya manenna: 151.450 Passéddiyanna Rubén harusu' joppa selaku maduwaé.

ABBILANGENG 2:3

Ri seddé alauna, tentara iya maccinaungngé ri yawa bandéra passéddiyanna Yéhuda, harusu'i makkéma situru pasukang sibawa pamimpinna tungke'-tungke' ri laleng susunangngéwé: Suku Pamimpinna Jumella taunna Yéhuda Nahason ana' Aminadab 74.600 Isakhar Nétaneel ana' Zuar 54.400 Zébulon Eliab ana' Hélon 57.400 Iya manenna: 186.400 Passéddiyanna Yéhuda harusu joppa kaminang riyolo.

ABBILANGENG 24:2

sibawa mitai bangsa Israélié iya mattengngangngé makkéma makkonro-konrong situru suku-suku bangsana. Narikuwasaina Biléam ri Rohna Allataala,

1 KORINTUS 14:33

Allataala iyanaritu Allataala iya pojiyéngngi ataratorokengngé; tenniya Allataala iya pojiyéngngi akacaungengngé. Pada-pada ripakajajiyangngé ri laleng sininna jema'na Allataala,

1 KORINTUS 14:40

Iyakiya iya manenna harusu'i ripogau' sibawa makessing enrengngé taratoro'.

FILIPI 1:27

Iya pentingngé iyanaritu makkedaé tuwoko situru aga iya natuntu'é Karéba Madécéng passalenna iyaro Kristus. Rimakkuwannanaro, wedding mupaga siruntu'ka iko iyaré'ga dé', uwéngkalingai matu makkedaé masse'ko masséddi enrengngé massibawa méwa untu' banna séddi akkatta sibawa séddi pangéloreng; iyanaritu untu' ateppereng iya sicoco'é sibawa Karéba Madécéng polé ri Allataalaro.

KOLOSE 2:19

angkanna dé'na nakkatenning ri Kristus iya mancaji ulué. Ri yawa pappimpinna Kristus, sininna tubué ripiyarai enrengngé ripasséddiwi ri padduppa-duppanna, kuwaéttopa mpekke'i situru élona Allataala.

YOSUA 3:4

iyakiya aja' mujoppa macawé senna ri Pettiéro; accowéri polé ri munri pallawangenna séddi kilo. Nanallalengi muwissenni matu laleng iya harusu'é muwola, saba' dé'pa naengka mulao ri daéraéwé.”