ABBILANGENG 19:9 - KITTA KAREBA MADECENG

⁹ Nainappa séddié tau iya dé'é nanajisi' harusu'i paddeppungengngi awunna iyaro sapingngé nanataroi ri onrong iya mapaccingngé ri saliwenna akkémangngé. Iyaro awué nataroi kuwaro kuwammengngi weddingngi napaké tau Israélié untu' mébbu uwai upacara pappépaccing untu' palledda dosa.

ABBILANGENG 19:9 ပူးပေါင်းရင်းမြစ်များ

IBRANI 9:13

Dara bémbé sibawa saping laié enrengngé awunna akkarobangenna ana' sapingngé, ripakéi untu' meppikiwi sining tau iya najisi'é manuru hukkung agamaé; kuwammengngi namapaccing mennang.

ABBILANGENG 19:13

Tau iya nakennaé uju nadé' napépaccingiwi aléna iyanaritu najisi'i, nasaba dé'pa naribolo sibawa uwai upacara. Napanajsi'i Kémana Puwangnge, rimakkuwannanaro dé'na nariyangga anggota umma'na Allataala.

IBRANI 7:26

Jaji, Yésusnaro ritu Imang Lompo iya tapparelluwangngé. Mapaccingngi: ri Aléna dé'gaga asalang iyaré'ga muwi dosa aga. Ripallaingngi polé risining tau madosaé, sibawa ripaénré'i lettu ri onrong iya lebbi matanré polé ri sininna langié.

2 KORINTUS 7:1

Saudara-saudara iya upojiyé! Sininna iyaro jancié ripattujui lao ri idi. Rimakkuwannanaro sitinajaki pépaccingiwi alé polé ri sininna iya rota'iyéngngi tubu nyawata. Sitinajaki métau ri Allataala, kuwammengngi tasukku nataulléi tuwo banna untu' Allataala bawang.

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

ZAKHARIA 13:1

Makkedai Puwang Iya Pommakuwasaé, “Iyaro essoé jompii matu séddi mata uwai untu' paccingiwi wijanna Daud sibawa pabbanuwana Yérusalém polé ri dosana nenniya assompang barahala iya puraé napogau' mennang.

ABBILANGENG 19:18

Ri laleng passaleng mammulangngé, iyanaritu rékko engka tau maté ri laleng kémaé, tau iya dé'é nanajisi' harusu'i mala sitakké hisop, natellengengngi ri laleng uwaiéro, nainappa meppikiwi iyaro kémaé sibawa sininna séuwa-séuwaé iya engkaé ri lalenna, makkuwatoro sining tau iya engkaé kuwaro. Ri laleng passaleng maduwaé, iyanaritu rékko séddié tau nakenna uju, tampung iyaré'ga buku tau maté, tau iya dé'é nanajisi' harusu'i meppikiwi tau iya najisi'éro sibawa cara iya padaétto.

ABBILANGENG 9:13

Sibalé'na tau iya dé'é nanajisi' sibawa dé'to narilaleng allalengengngé, iyakiya dé' najampangiwi ramé-raméiwi Paskaé, dé'na Uwangga'i séddi tau polé ri umma'-Ku, nasaba dé' nakkasuwiyangeng akkarobangeng lao ri Iyya ri wettu iya ripattentué. Iyaro tauwé harusu'i natanggung addimonrinna dosana.

ABBILANGENG 8:7

sibawa caraéwé: eppikiwi mennang sibawa uwai untu' upacara pappépaccingngé sibawa suroi mennang cukkuru manengngi watakkaléna enrengngé sessa'i pakéyanna mennang. Nanallalengiro mapaccinni mennang.

ABBILANGENG 6:12

sibawa pakabaruiwi abbéréyang aléna selaku tau nazir. Wettu labe'énna dé' naribilanna nasaba mancaji najisi'ni. Selaku akkarobangeng passullé aroging harusu'i makkasuwiyangeng sikaju ana' bimbala iya makkéumuru' sitaungngé.

ANGIMANGENG 15:20

Agi-agi natudangi iyaré'ga natinroi makkunraié ri wettunna maddara mancaji najisi'i.

ABBILANGENG 19:3

Abbéréyangngi iyaro sapingngé lao ri Imang Eléazar. Iyaro olokolo'é harusu'i ritiwi ri saliwenna akkémangngé narigéré ri yolona imangngé.

ABBILANGENG 19:8

Tau iya tunuéngngi sapingngéro harusu towi nasessa pakéyanna sibawa cemmé; najisi' mutopi narapi labu essoé.

ABBILANGENG 19:17

Untu' pépaccingiwi tau iya najisi'éro, harusu'i riyala céddé awunna saping komba cella'é iya puraé ritunu untu' palledda dosa. Iyaro awué harusu'i riputtama ri laleng séddié oring, nainappa ritaroi uwai iya riyalaé polé ri uwai massolo'é.