ABBILANGENG 18:4 - KITTA KAREBA MADECENG

⁴ Harusu'i mennang majjama sibawakko enrengngé pogau'i sining jamang iya engkaé assisumpungenna sibawa sininna attumaningngé ri laleng Kéma-Ku, iyakiya iya dé'é nariwéréng ha' untu' iyaro, riyattéyang majjama silaong iko.

ABBILANGENG 18:4 ပူးပေါင်းရင်းမြစ်များ

1 SAMUEL 6:19

Iyakiya nasaba iyaro sining tau Bét-Sémes-é célléngngi muttama ri laleng Petti Assijancinna Puwangnge, pituppulo tau ri yelle'na mennang riyuno ri Puwangnge. Nanabbarata ra'ya'é nasaba Puwangnge pateppaiwi mennang abala iya makkuwaéro loppona.

ABBILANGENG 3:10

Iyakiya Harun sibawa ana'-ana'na harusu'i muwakka untu' pajoppai jamangngé selaku imang; rilainnaé mennang, nigi-nigi cobai pogau'i iyaro jamangngé harusu'i rihukkung maté.”

ABBILANGENG 1:51

Rékko létté'ko, iyaro sining tau Léwié harusu'i nabongkara Kéma-Ku, nainappa napasang paimeng ri tungke' onrong akkémang iya barué. Ri lainnaé mennang, nigi-nigi maddeppériwi iyaro Kémaé harusu'i rihukkung maté.

ABBILANGENG 18:3

Harusu'i napogau' kewajibanna suku Léwié lao ri iko sibawa jamai jamanna mennang ri Kéma-Ku, iyakiya dé' nawedding mennang maddeppériwi mézbaé iyaré'ga géssai barab-barang iya mapaccingngé ri Bili' Mapaccingngé. Rékko najjalékkaiwi paréntaéro, muwi mennang iyaré'ga iko matéko matu.

ABBILANGENG 18:5

Banna iko, Harun sibawa ana'-ana'mu ritu iya harusu'é pogau'i jamangngé ri Bili' Mapaccingngé sibawa ri mézbaé, kuwammengngi aja'na Umacaisi lao ri bangsa Israélié.

ABBILANGENG 31:30

Polé ri bagiyang iya riwéréngngéngngi umma Israélié, harusu'i muwala séddi polé ri tungke' limappulona, muwi polé risining tau tawanangngé, iyaré'ga sapingngé, kaleddé'é, bimbala'é sibawa bémbé'é. Abbéréyangngi iya manennaro lao ri tau Léwié iya murusu'éngngi Kéma-Ku.”

YEHEZKIEL 44:14

Makkekkuwangngé Usuroi mennang untu' pogau' jama-jamang makassara iya parellué ripogau' ri Bola-Ku.”

ABBILANGENG 1:53

Iyakiya sining tau Léwié harusu'i makkéma mattulilingiwi Kéma-Ku. Harusu'i mennang jagaiwi kuwammengngi nadé' tau maddeppériwi, angkanna nassabari-Ka macai sibawa hukkungngi umma Israélié.”

ABBILANGENG 8:26

Purairo weddinni nabantu tau Léwi laingngé iya majjamaé ri laleng Kéma-Ku, iyakiya dé'na nappunnai tugas mattette. Makkuwaniro carana matoro'i jama-jamanna sining tau Léwié.”