ABBILANGENG 17:8 - KITTA KAREBA MADECENG

⁸ Pappa bajanana, wettunna Musa muttama ri laleng Kémana Puwangnge, naitani makkedaé tekkenna Harun iyanaritu tekkenna suku Léwié, cura'ni. Iyaro tekkengngé mpuce'ni, mpunga sibawa powassélé buwa atapang iya macowaénna!

ABBILANGENG 17:8 ပူးပေါင်းရင်းမြစ်များ

KAJAJIYANG 40:10

Iyaro pongngé mattakké tellui. Silalona takké-takkéna maddaung, tabbakkani unga-unganna, namatasa'na buwana.

MAZMUR 110:2

Polé ri Sion nalowangiwi matu Puwangnge akkarungemmu; akuwasaini sining balimmu!

ELONG MARAJA 2:3

Pada-pada pong apél-é ri tengngana ajukajungngé ri ale'é, makkuwaniro canrikku ri yelle'na worowané. Masennakka maccinaung ri yawana, sining buwana macenning rasana.

YESAYA 4:2

Narapii matu wettunna naébbui Puwangnge tungke tanet-tanengngé sibawa ajué tuwo mancaji battowa sibawa magello ri wanuwaéwé. Iyaro essoé tau Israél iya salama'é marennui matu sibawa mabangka'i nasaba wassélé éngngalangngé.

YEHEZKIEL 17:24

Napahangngi matu sininna ajué ri wanuwaé makkedaé Iyya'na Puwang. Utubbangngi aju iya matanré; aju iya mapancé'é Uwébbui tuwo maccaloli. Aju iya manyilaé Uwébbui marakko; sibawa aju iya marakkoé Uwéréngngi cura' sibawa unga. Iyya, Puwang, pura mabbicara, sininna ada-adak-Ku kajajiyangngi matu.”

YEHEZKIEL 19:12

Iyakiya rireddu'i ri sining lima iya macaié, nainappa riyaggeppuwang ri tanaé. Mangirii anging Alaué, rakkoiwi buwana iya manyilaé. Poloi takkéna, mancaji marakko nainappa ritunu.

YEHEZKIEL 19:14

Iyaro pong anggoro'é nalépe'i api makkalolo'é; takké sibawa buwana cappu ritunu. Takkéna makkekkuwangngé dé'na awatangenna; dé'na namakkullé ripancaji tekkeng akkarungeng. Iyanaro mpating iya makkolik-kolingngé napuwélong umma'é.

ABBILANGENG 16:5

Nainappa makkeda lao ri Kora enrengngé sining maccowériyéngngi, “Baja éléé maéloi Puwangnge mappaitangngi lao ri idi niga appunnangen-Na, sibawa niga iya napallaingngé untu' alé-Na. Tau iya Napilé napalaloi matu maddeppériwi.

ABBILANGENG 17:5

Tekkenna tau iya Upilé, cura'i matu. Nasibawang caraéro Upajjappai matu addarékénna sining tau iya matteru-terué mannoko-noko lao ri iko.”

ABBILANGENG 17:9

Nalani Musa sininna tekkengngéro nainappa nappaitang lao ri tau Israélié. Naitani mennang aga iya puraé kajajiyang, nainappa tungke' pamimping malai tekkenna paimeng.

IBRANI 9:4

Ri laleng bili'éro engka mézba iya riyébbué polé ri ulawengngé untu' mattunu dupa, sibawa engkato Petti Assijancingeng iya rilapiri manengngé sibawa ulaweng. Ri laleng Pettiéro engka oring ulaweng mallise' manna, tekkenna Harun iya cura'énna, sibawa duwa pépeng batu iya riyarokiriyé seppulo parénta polé ri Allataala.