ABBILANGENG 17:5 - KITTA KAREBA MADECENG

⁵ Tekkenna tau iya Upilé, cura'i matu. Nasibawang caraéro Upajjappai matu addarékénna sining tau iya matteru-terué mannoko-noko lao ri iko.”

ABBILANGENG 17:5 ပူးပေါင်းရင်းမြစ်များ

2 TAWARIKH 26:16

Mawatannana Arung Uzia, mancaji matemponi, na iyaro gau'é nassabariwi ancurukenna. Najjalékkaiwi paréntana Puwang Allataalana nasaba nauttamakiwi Bolana Puwangnge untu' mattunu dupa ri yasé'na mézba dupaé.

MAZMUR 105:26

Nainappa nasuro Musa atan-Na sibawa Harun tau Napiléna.

ASSURENG 16:7

Baja éléé muwitai matu cahaya ahadérékenna Puwangnge. Naéngkalingako Puwangnge macai lao ri Aléna; ya, lao ri Puwangnge, saba' idi'é banna ripogau'i aga iya Napparéntangngé.

YESAYA 11:1

Akkarungenna Arung Daud pada-padai aju iya puraénna ritubbang. Iyakiya pékkugi polé ri tona tuwoi cura' baru, makkuwatoro polé ri wija-wijanna Daud mompoi matu séddi arung.

YESAYA 13:11

Makkedai Puwangnge, “Maélo-Ka hukkungngi linoé nasaba jana, sibawa sining tau majaé nasaba dosa-dosana mennang. Tungke tau matempoé Upakariyawai matu, tau maboroé sibawa mabecco'é Uhukkungngi matu.

YESAYA 27:6

Ri wettu iya mangoloé, pada-padai matu bangsa Israélié aju iya makkure'é sibawa mabbija, enrengngé pennoiwi tompo'na linoé sibawa buwa-buwana.

YESAYA 5:24

Purani musampéyang pappagguruwanna Puwang Iya Pommakuwasaé, sibawa pakatunai paréntana Allataala mapaccinna Israélié. Rimakkuwannanaro, pada-pada daramé sibawa wella rakkoé cappu ritunu ri laleng apié, makkuwatoro ure-ure'mu mancaji makebbongngi matu, unga-ungammu mancaji marakkoi sibawa cappu nairi anging.

YEHEZKIEL 16:41

Natunui matu mennang sining bolamu sibawa suroi sining makkunraié sabbingngi pahukkungemmu. Makkuwaniro Upappaja matu alawengemmu. Dé'na mubagé-bagéi matu hadiyaé lao risining canrimmu.

YEHEZKIEL 23:27

Makkuwaniro Upappésau matu napessu cintamu sibawa sininna alawengeng iya mupogau'é sipongenna engkako ri Maséré. Dé'na mumamménasa matu lao ri barahalaé muwi kégi iyaré'ga maréngngerang lao ri Maséré.”

HOSEA 14:5

Makkedai Puwangnge, “Umma'-Ku iya lésséé, Uwalai paimeng na-Uwamaséiwi sibawa sissukku ati; dé'na matu Uwacairiwi.

ABBILANGENG 1:51

Rékko létté'ko, iyaro sining tau Léwié harusu'i nabongkara Kéma-Ku, nainappa napasang paimeng ri tungke' onrong akkémang iya barué. Ri lainnaé mennang, nigi-nigi maddeppériwi iyaro Kémaé harusu'i rihukkung maté.

ABBILANGENG 11:1

Riséuwaé esso mammulani maddaréké iyaro bangsaé lao ri Puwangnge passalenna sining asukkarakenna mennang. Naéngkalingana iyaro sining addarékéngngé, macaini Puwangnge sibawa papolé api ri yasé'na mennang. Iyaro apié makkalolo'i ri yelle'na mennang sibawa mangurengngi sibagiyang polé ri akkémangngé.

ABBILANGENG 16:11

Rékko iko sibawa sining tau iya maccowériyékko mannoko'-noko'i lao ri Harun, sitongenna muéwai Puwangnge!”

ABBILANGENG 16:5

Nainappa makkeda lao ri Kora enrengngé sining maccowériyéngngi, “Baja éléé maéloi Puwangnge mappaitangngi lao ri idi niga appunnangen-Na, sibawa niga iya napallaingngé untu' alé-Na. Tau iya Napilé napalaloi matu maddeppériwi.

ABBILANGENG 17:10

Namakkeda Puwangnge lao ri Musa, “Palénne'ni tekekenna Harun paimeng ri yolona Petti Assijancingngé. Iyaro tekkengngé harusu'i ritaro selaku papparéngngerang lao ri tau Israélié iya pojiyéngngi maronta'ro makkedaé matéi matu mennang rékko dé' nappésau mannoko-noko.”

ABBILANGENG 17:6

Iyaro gau'é napalettu'ni Musa lao ri tau Israélié. Nainappa sining pamimpinna mennang mabbéréyangngi lao ri Musa séddi tekkeng untu' tungke' pamimping suku. Iya manenna engka seppulo duwa peppa'na, na tekkenna Harun engkai ri yelle'na.

ABBILANGENG 17:8

Pappa bajanana, wettunna Musa muttama ri laleng Kémana Puwangnge, naitani makkedaé tekkenna Harun iyanaritu tekkenna suku Léwié, cura'ni. Iyaro tekkengngé mpuce'ni, mpunga sibawa powassélé buwa atapang iya macowaénna!

1 KORINTUS 10:10

Dé'to naweddikki mannoko'-noko'; pada-pada iya napogau'é sibagiyang polé ri mennang riyolo, angkanna riyunoi mennang ri Malaéka' Amaténgngé.

YOSUA 4:7

sitinajako paissengiwi mennang makkedaé uwaina Salo Yordan pettui wettunna Petti Assijancinna Puwangnge ritiwi malléttoiwi saloéro. Iyaro batu-batué tuli naparéngngerangiwi matu bangsa Israélié lao ri aga iya kajajiyangngé kuwaé.”