ABBILANGENG 13:3 - KITTA KAREBA MADECENG

^3-15 Situru sibawa paréntana Allataalaro, Musa suroi mennang polé ri padang kessi Paran. Iya manenna tauwéro iyanaritu sining pamimping ri yelle'na tau Israélié: Suku Pamimpinna Rubén Syamua ana' Zakur Siméon Safat ana' Hori Yéhuda Kaléb ana' Yéfune Isakhar Yigal ana' Yusuf Efraim Hoséa ana' Nun Bényamin Palti ana' Rafu Zébulon Gadiél ana' Sodi Manasyé Gadi ana' Susi Dan Amiél ana' Gemali Asyér Sétur ana' Mikhaél Naftali Nahbi ana' Wofsi Gad Guél ana' Makhi

ABBILANGENG 13:3 ပူးပေါင်းရင်းမြစ်များ

ABBILANGENG 10:12

Nanajoppana tau Israélié matturu-turuseng salaiwi padang kessi Sinai, nanappésauna iyaro ellungngé wettunna lettu ri padang kessi Paran.

ABBILANGENG 12:16

Nainappa mennang nasalai Hazérot namakkéma ri padang kessi Paran.

ABBILANGENG 13:2

“Polé ri yelle'na sining pamimping seppuloé duwa suku bangsaro, piléi séddi tau polé ritungke' suku. Suroi mennang lao salidikiwi tana Kanaan iya maéloé Uwabbéréyang lao ri tau Israélié, selaku mata-mata.”

ABBILANGENG 13:26

sibawa laporo'i lao ri Musa, Harun sibawa sininna umma Israélié iya maddeppungengngé ri Kadés, ri padang kessi Paran. Nacuritani mennang aga iya puraé naita sibawa majjellokengngi buwa-buwa iya natiwié mennang.

ABBILANGENG 32:8

Sining ambo'mu pogau' towi makkuwaéro, wettukku suroi mennang polé ri Kadés-Barnéa untu' jalajja'i wanuwaéro.

ABBILANGENG 34:17

“Iya harusu'é bagéi iyaro tanaé ri yelle'mu iyanaritu Imang Eléazar sibawa Yosua ana' Nun.

ULANGENG 1:19

“Nainappa situru sibawa paréntana Puwang Allataala, risalaini Bulu Sinai natajoppa molai padang kessi iya malowangngé sibawa maseroé mattuju ri daéra buluna tau Amorié. Wettutta lettu ri Kadés-Barnéa,

ULANGENG 1:23

Usitujuiwi iyaro tangngaé, iyanaro saba'na upiléi seppulo duwa tau, séddi tau polé ri tungke' suku.

ULANGENG 9:23

Nainappa wettummu nasuro Puwangnge salaiwi Kadés-Barnéa untu' maju sibawa tudangiwi tana iya maéloé Nawérékko, muéwai paréntana Puwang Allataalamu; dé' mumaélo mateppe iyaré'ga mapato ri Aléna.

1 SAMUEL 25:1

Dé' namaitta rimunrinna maténi Samuél. Maddeppungeng manenni Israélié untu' maccowériwi upacara abbaratangngé. Nainappa rikuburu ri bolana ri Rama. Purairo laoni Daud ri padang kessi Paran.