ABBILANGENG 13:2 - KITTA KAREBA MADECENG

² “Polé ri yelle'na sining pamimping seppuloé duwa suku bangsaro, piléi séddi tau polé ritungke' suku. Suroi mennang lao salidikiwi tana Kanaan iya maéloé Uwabbéréyang lao ri tau Israélié, selaku mata-mata.”

ABBILANGENG 13:2 ပူးပေါင်းရင်းမြစ်များ

ASSURENG 18:25

sibawa piléi sining tau iya mapanré ri yelle'na bangsa Israélié. Najello'ni mennang mancaji pamimping ri yasé'na sisebbu tau, sératu tau, limappulo tau, sibawa seppulo tau.

ABBILANGENG 1:4

Polé ri tungke' suku, éllauno séddi pamimping appang untu' duwakko.”

ABBILANGENG 11:16

Nanakkedana Puwangnge lao ri Musa, “Paddeppungengngi polé ri yelle'na bangsa Israélié pituppulo tomacowa-cowa iya riyangakuiyé selaku pamimping bangsa. Tiwii mennang ri yolo-Ku ri laleng Kéma-Ku, namusuroi mennang tettong kuwaro ri benrémmu.

ABBILANGENG 13:16

Iyanaro mata-mata iya nasuroé Musa untu' mitai iyaro wanuwaé. Hoséa ana' Nun risulléi asenna ri Musa mancaji Yosua.

ABBILANGENG 13:3

Situru sibawa paréntana Allataalaro, Musa suroi mennang polé ri padang kessi Paran. Iya manenna tauwéro iyanaritu sining pamimping ri yelle'na tau Israélié: Suku Pamimpinna Rubén Syamua ana' Zakur Siméon Safat ana' Hori Yéhuda Kaléb ana' Yéfune Isakhar Yigal ana' Yusuf Efraim Hoséa ana' Nun Bényamin Palti ana' Rafu Zébulon Gadiél ana' Sodi Manasyé Gadi ana' Susi Dan Amiél ana' Gemali Asyér Sétur ana' Mikhaél Naftali Nahbi ana' Wofsi Gad Guél ana' Makhi

ABBILANGENG 32:8

Sining ambo'mu pogau' towi makkuwaéro, wettukku suroi mennang polé ri Kadés-Barnéa untu' jalajja'i wanuwaéro.

ABBILANGENG 34:18

Jello tokko séddi pamimping polé ri tungke' suku untu' bantui Eléazar sibawa Yosua bagéi iyaro tanaé.”

ULANGENG 1:15

Rimakkuwannanaro ri yelle'na sining pamimping iya mupilé, siyagangngaré tau iya mapanré sibawa maégaé pengalamanna uwalai sibawa uwakkai untu' kapalaiko. Siyagangngaré ripancaji pamimping sisebbu tau, iya laingngé sératu tau, limappulo tau sibawa seppulo tau. Makka towi pamimping-pamimping laing untu' murusu'i suku-sukummu.

ULANGENG 9:23

Nainappa wettummu nasuro Puwangnge salaiwi Kadés-Barnéa untu' maju sibawa tudangiwi tana iya maéloé Nawérékko, muéwai paréntana Puwang Allataalamu; dé' mumaélo mateppe iyaré'ga mapato ri Aléna.

YOSUA 3:12

Makkekkuwangngé sitinajako pilé seppulo duwa tau – séddi tau polé ri tungke suku bangsa Israélié.