ABBILANGENG 12:2 - KITTA KAREBA MADECENG

² Adanna mennang, “Naolaiga Musa bawang Puwangnge mabbicara? Dé'ga nabbicara naola towi idi?” Naéngkalingani Puwangnge aga iya napowadaé mennang.

ABBILANGENG 12:2 ပူးပေါင်းရင်းမြစ်များ

ABBILANGENG 16:3

Silaongngi mennang lao mangolo ri Musa sibawa Harun enrengngé makkeda, “Cuku'ni iyaro Musa! Sininna tau Israélié ripallaingngi untu' Puwangnge. Sibawa engkai Puwangnge ri tengnga-tengngata maneng. Iyakiya magi muwangga'i alému lebbi matanré naiya umma'na Puwangnge?”

FILIPI 2:14

Jamai sini-sininnaé sibawa dé' muwannoko'-noko' iyaré'ga massasa.

FILIPI 2:3

Aja' mupogau'i séuwaé nasaba risorokko ri apentingeng ri alé, iyaré'ga untu' mattempowangngi alé. Sibalé'na sitinajako tungke'-tungke' sibawa ati mariyawa mangga'i tau laingngé lebbi makessing naiya aléna.

MIKHA 6:4

Purano Utiwi massu polé ri Maséré, sibawa Upaleppe polé ri angatangengngé; purani Usuro Musa, Harun, sibawa Miryam untu' pimpikko.

YESAYA 37:4

Purai nasuro arung Asyur parawira tanréna untu' pakatunai Allataala iya tuwoé. Nigana missengngi purani naéngkalinga Puwang Allataala iyaro pappakatunaé sibawa hukkungngi mennang iya powadaéngngi! Rimakkuwannanaro assempajanno lao ri Allataala untu' sining tautta iya tuwoé mupa.”

ROMA 12:10

Sitinajai Saudara-saudara siyamaséi séddié lao ri laingngé sibawa siyélori pada-pada tau iya massilessurengngé ri laleng séddié kaluwarga, sibawa sitinajako sipoddiyoloi sipakaraja.

2 ARUNG-NGARUNG 19:4

Purani nasuro arung Asyur séddi parawira tanréna untu' pakatunai Allataala iya tuwoé. Niga missengngi Puwang Allataalamu méngkalingai pappakatunaéro, sibawa hukkungngi matu iya powadaéngngi! Rimakkuwannanaro assempajanno lao ri Allataala untu' sining tautta iya tuwoé mupa.”

ABBILANGENG 11:1

Riséuwaé esso mammulani maddaréké iyaro bangsaé lao ri Puwangnge passalenna sining asukkarakenna mennang. Naéngkalingana iyaro sining addarékéngngé, macaini Puwangnge sibawa papolé api ri yasé'na mennang. Iyaro apié makkalolo'i ri yelle'na mennang sibawa mangurengngi sibagiyang polé ri akkémangngé.

1 PETRUS 5:5

Makkuwatoro Saudara, sining tau maloloé. Tunru'no lao ri sining tau iya macowaé. Harusu manekko pakariyawai alému sibawa sisullé situmaningi sibawa mariyawa ati. Saba' ri laleng Kitta'é tarokii makkuwaé, “Naéwai Allataala tau iya matempoé, iyakiya namaséiwi tau iya pakariyawaéngngi atinna.”

2 SAMUEL 11:27

Nainappa leppe'nana wettu abbaratanna, nassuro mobbini Daud iyaro makkunraié lao ri saorajaé sibawa mancajini bainéna. Siyagangngaré uleng rimunrinna jajiyanni séddi ana' worowané. Iyakiya dé' namasennang Puwangnge sibawa pangkaukenna Daudro.

ABBILANGENG 11:29

Nappébali Musa, “Magi mupikkiri'ka? Mala mamménasaka kuwammengngi nabbéréyangngi Puwangnge Roh-Na lao risininna bangsa-Na, sibawa mébbu manengngi mennang mancaji nabi!”

ROMA 12:3

Allataala pura mabbéré pammasé lao ri iyya. Iyanaro saba'na upangajari manengngi Saudara-saudara: Aja' muwasengngi alému lebbi matanré naiya sitongennaé. Sitinajako mangke'i keadaammu sibawa ati mariyawa; tungke'-tungke' mangke'i aléna situru pakkulléng iya nabbéréyangngé Allataala lao ri aléna nasaba mateppe'i lao ri Yésus.

AMSAL 13:10

Atempongngé banna powassélé'i assasang; tau iya mapanré maéloi tarima pappagguruwang.

ASSURENG 7:10

Nanalaona Musa sibawa Harun mangolo ri arungngé nanapogau'i mennang aga iya napparéntangngé Allataala. Nappéyanni Harun tekkenna ri tanaé ri yolona arungngé sibawa sining pegawénna, natappinrana iyaro tekkengngé mancaji ula.

ASSURENG 5:1

Nanalaona Musa sibawa Harun mangolo ri arung Maséré sibawa makkeda, “Makkuwaiyé paréntana Puwang, Allataalana Israélié, ‘Palaloi bangsa-Ku lao kuwammengngi weddingngi mennang massompa lao ri Iyya ri padang kessi'é.’ ”

KAJAJIYANG 29:33

Mattampu'si Léa nanajajiyang séddi ana' worowané. Adanna Léa, “Purana nawéréssi Puwangnge iyaé ana'é nasaba naéngkalingai makkedaé dé' naripojika.” Nanasenni iyaro ana'na Siméon.

ASSURENG 4:30

Napalettu'ni Harun lao ri mennang sininna iya napowadaé Puwangnge lao ri Musa, nanapogau'ni Musa sininna anu makalallaingngé ri yolona sining tauwéro.

ABBILANGENG 12:3

Musa iyanaritu tau iya mariyawa ati senna'é, napakacauriwi sininna tau iya tuwoé ri linoéwé.

ASSURENG 4:14

Namacaina Puwangnge lao ri Musa sibawa makkeda, “Dé'ga muwappunnai silessureng iya riyasengngé Harun? Uwisseng maccai mabbicara. Sitongenna, engkai ri laleng allalengengngé lao kuwaé, namasennangngi matu méwako sita.