ABBILANGENG 11:2 - KITTA KAREBA MADECENG

² Iyaro sining tau'we kelli-kelli'ni méllau tulung lao ri Musa. Nanassempajanna Musa lao ri Puwangnge, napeddé iyaro apié.

ABBILANGENG 11:2 ပူးပေါင်းရင်းမြစ်များ

MAZMUR 106:23

Namanniya'na Allataala paccappui mennang, iyakiya ripésangkaiwi ri Musa, tau napilé-Na. Mancajini Musa pappallalanna mennang, angkanna soro cai-Na Allataala.

ASSURENG 10:18

Nasalaini Musa arungngé sibawa massempajang lao ri Puwangnge.

ASSURENG 34:9

Adanna, “Puwang, rékko tonget-tongekko Muwélorika, uwéllauwi, accowéni Puwang silaongekki. Iyaro bangsaé mémeng matedde atiwi, iyakiya addampengengngi jata sibawa dosata namutarimaki selaku umma'-Mu muto.”

YESAYA 37:4

Purai nasuro arung Asyur parawira tanréna untu' pakatunai Allataala iya tuwoé. Nigana missengngi purani naéngkalinga Puwang Allataala iyaro pappakatunaé sibawa hukkungngi mennang iya powadaéngngi! Rimakkuwannanaro assempajanno lao ri Allataala untu' sining tautta iya tuwoé mupa.”

YEREMIA 15:1

Makkedai Puwangnge lao ri iyya, “Dé' Umaélo mamaséiwi bangsaéwé, namuni Musa sibawa Samuél tettongngi kuwaé untu' méllauwi paressé babuwa-Ku untu' mennang. Suroi iyaé bangsaé lao, dé' Umaélo mitai mennang!

YEREMIA 37:3

Arung Zédékia suroi Yukhal ana' Sélémya, sibawa Imang Zéfanya ana' Maaséya untu' méllauwi kuwammengngi umassempajang lao ri Puwang Allataala untu' apentingenna bangsaé.

YEREMIA 42:2

ri iyya sibawa makkeda, “Pa', pada-pada iya alénaé Bapa' mitai, riyolo maégaki, makkekkuwangngé céddé mani monro. Riyéllauwi Bapa' maélo massempajangekki lao ri Puwang Allataala iya nasompaé Bapa'. Assempajangekki iya risésaéwé,

ABBILANGENG 12:11

makkedani lao ri Musa, “Tulungngi, Puwakku, aja' taleppessakki risissa nasaba dosa iya riyébbué ri laleng adonggotta.

ABBILANGENG 12:13

Namangobbina Musa lao ri Puwangnge, “Oh Allataala, uwéllauwi, pajjappai!”

ABBILANGENG 21:7

Nanapoléna iyaro bangsaé mangolo ri Musa sibawa makkeda, “Madosani nasaba mannoko'-noko'ki lao ri Puwangnge sibawa iko. Assempajanno lao ri Puwangnge kuwammengngi naripabélai iyaé sining ulaé polé ri idi.” Nanassempajangenni Musa iyaro bangsaé.

RIWAYA'NA RASUL-RASUL-E 8:24

Nakkeda Simon lao ri Pétrus sibawa Yohanés, “Tulukka muwéllauwi ri Puwangngé kuwammengngi nadé' séddi polé ri mupowadaéro saudara-saudara kajajiyang ri iyya.”

IBRANI 7:26

Jaji, Yésusnaro ritu Imang Lompo iya tapparelluwangngé. Mapaccingngi: ri Aléna dé'gaga asalang iyaré'ga muwi dosa aga. Ripallaingngi polé risining tau madosaé, sibawa ripaénré'i lettu ri onrong iya lebbi matanré polé ri sininna langié.

YAKOBUS 5:16

Rimakkuwannanaro, sitinajako sisullé siyangakui asalang sibawa sisullé siyassempajangeng, kuwammengngi napajjappako. Sempajanna tau iya turusiyéngngi élona Allataala, mappunnaiwi akuwasang iya battowaé.

1 YOHANES 5:16

Rékko muwitai sala séddinna pada-padammu tau Kristéng pogau' dosa iya dé'é nassabariwi ateddéngeng atuwong tongengngé sibawa mannennungengngé, sitinajako massempajang lao ri Allataala; na Allataala mabbéréyangngi matu iyaro atuwongngé lao ri aléna. Iyaé nakennai mennang iya dosanaé dé' nassabariwi mennang ateddéngeng iyaro atuwongngé. Iyakiya engka dosa iya nassabariyé naateddéngeng tauwé iyaro atuwongngé. Passalenna iyaro gau'é dé' uwakkeda makkedaé harusu'ko massempajang lao ri Allataala.