ABBILANGENG 11:1 - KITTA KAREBA MADECENG

¹ Riséuwaé esso mammulani maddaréké iyaro bangsaé lao ri Puwangnge passalenna sining asukkarakenna mennang. Naéngkalingana iyaro sining addarékéngngé, macaini Puwangnge sibawa papolé api ri yasé'na mennang. Iyaro apié makkalolo'i ri yelle'na mennang sibawa mangurengngi sibagiyang polé ri akkémangngé.

ABBILANGENG 11:1 ပူးပေါင်းရင်းမြစ်များ

KAJAJIYANG 38:10

Iyaro pangkaukenna naébbui Puwangnge macai, nariyuno towi ri Puwangnge.

2 SAMUEL 11:27

Nainappa leppe'nana wettu abbaratanna, nassuro mobbini Daud iyaro makkunraié lao ri saorajaé sibawa mancajini bainéna. Siyagangngaré uleng rimunrinna jajiyanni séddi ana' worowané. Iyakiya dé' namasennang Puwangnge sibawa pangkaukenna Daudro.

2 ARUNG-NGARUNG 1:12

Nappébali Elia, “Rékko atannaka Allataala, sitinajai nonno apié polé ri langié sibawa tunuko gangka cappu silaong sininna ana' buwamu!” Iyatoro wettué nanonno apié polé ri Allataala sibawa tunui iyaro parawiraé gangka cappu sibawa iya limappulo ana' buwana.

AYUB 1:16

Wettunna mabbicara mupa, poléni ata maduwaé makkeda, “Sining bimbala'na Puwang sibawa sining pakkampié nakennai letté angkanna maté maneng. Banna atatta bawang leppe angkanna weddingngi laporo'i ri Puwang.”

MAZMUR 106:18

Nonnoi apié manréi kalompo'na mennang, mangureng manengngi iya puraé madoraka.

MAZMUR 78:21

Naéngkalinganaro, macaini Allataala nanagasai umma'-Na sibawa api; cai-Na lao ri mennang pédé mancajiwi,

MAZMUR 78:63

Kallolo-kallolona mennang nanréi api; dé'na gaga kawingiwi ana'-ana'darana mennang.

ASSURENG 16:7

Baja éléé muwitai matu cahaya ahadérékenna Puwangnge. Naéngkalingako Puwangnge macai lao ri Aléna; ya, lao ri Puwangnge, saba' idi'é banna ripogau'i aga iya Napparéntangngé.

ASSURENG 16:9

Nainappa makkeda Musa lao ri Harun, “Suro manenni mennang polé mangolo ri Puwangnge, saba' Naéngkalingani annoko-nokokenna mennang.”

YESAYA 10:17

Allataala iya mapaccingngé, Cahayana Israélié, mancajiwi matu pada-pada luwa api iya ri laleng siessoé tunui gangka cappu sininna séuwa-séuwaé, mala alekale maddorié.

YESAYA 30:33

Riyilopa napura napassadiya onrong attunung untu' arung Asyur. Iyaro onrongngé maliyung sibawa malowang, mallise aju tunung iya maggoppo-goppoé. Puwangnge palluwa'i matu sibawa masseppungengngi nappase'-Na pada-pada salo belérangngé.

YESAYA 33:14

Ténréi nataro tau sining tau madosaé ri Sion. Adanna mennang, “Apettunna Allataala pada-padai api malluwa'é untu' mannennungeng. Naulléga engka wedding tahang ri laleng api iya mappaccappuéro?”

AWATINGENG 3:39

Magi naharusu tauwé maddaréké rékko rihukkungngi nasaba dosa-dosana?

YEHEZKIEL 20:36

pada-pada iya puraé Upogau' lao ri néné-nénému ri Padang kessi Sinai. Iyya Puwang Iya Pommatanré pura mabbicara.

ANGIMANGENG 10:2

Napapoléna Puwangnge api iya tunuéngngi mennang angkanna maté ri Kémana Puwangnge.

NAHUM 1:5

Ténréi sining bulué ri yolo-Na; sibawa bulu-bulué mancaji maccolo manengngi. Rékko mallurui Puwangnge, tatténréng linoé, ténré linoé sibawa sininna pabbanuwana.

HABAKUK 3:5

Musuroi lasaé joppa ri yolo-Mu sibawa maccowéi amaténgngé ri monrim-Mu.

ABBILANGENG 10:33

Nasalainnana bangsa Israélié Sinai, bulu naonroiyé Puwangnge, joppani mennang tellungngesso ittana. Petti Assijancinna Puwangnge tuli ritiwii poddiyoloiwi mennang untu' sappa onrong makkéma untu' mennang.

ABBILANGENG 11:18

Makkekkuwangngé powadani iyaé lao ri bangsaéro: Pépaccingini alému untu' baja; manréko matu juku. Naéngkalino Puwangnge teri sibawa maddaréké makkedaé macinnako manré juku, sibawa makkedaé lebbi makessingngi totomu wettummu ri Maséré. Makkekkuwangngé Puwangnge maélo mpérékko juku, naweddikko manréi.

ABBILANGENG 12:2

Adanna mennang, “Naolaiga Musa bawang Puwangnge mabbicara? Dé'ga nabbicara naola towi idi?” Naéngkalingani Puwangnge aga iya napowadaé mennang.

ABBILANGENG 14:2

Mannoko-noko'ni mennang lao ri Musa nenniya Harun sibawa makkeda, “Lebbi kessing muwi matéki ri Maséré iyaré'ga ri padang kessi'éwé! Leppessang bawanni matéki!

ABBILANGENG 14:22

makkedaé polé risining tauwéwé dé' muwi séddi tau tuwo mupa untu' muttamakiwi wanuwa iya puraé Uwajjanciyang lao ri néné-nénéna mennang. Saba' dé' namaélo mapato ri Iyya, sibawa matteru-teruna cobaika. Padahal purani naita cahaya-Ku iya pawilo-wiloé, sibawa sining anu makalallaing iya Upogau'é ri Maséré sibawa ri padang kessi'é.

ABBILANGENG 14:27

“Gangka kégi iyaro sining tau majaé mannoko-noko lao ri Iyya? Sininna addarékénna mennang Uwéngkalingani.

ABBILANGENG 14:28

Harusu'ko baliwi mennang makkuwaé: Makkedai Puwangnge, ‘Mattanro-Ka ri alé-Ku iya tuwoé makkedaé maélo-Ka gaukekko pada-pada iya mupowadaé ri yolo-Ku. Iyya, Puwang, pura mabbicara.

ABBILANGENG 16:11

Rékko iko sibawa sining tau iya maccowériyékko mannoko'-noko'i lao ri Harun, sitongenna muéwai Puwangnge!”

ABBILANGENG 16:35

Nainappa mappapolé Puwangnge api iya mangurengngéngngi iya 250 tau iya makkasuwiyangngéngngi dupaéro.

ABBILANGENG 17:5

Tekkenna tau iya Upilé, cura'i matu. Nasibawang caraéro Upajjappai matu addarékénna sining tau iya matteru-terué mannoko-noko lao ri iko.”

ABBILANGENG 21:5

namannoko-noko lao ri Allataala sibawa Musa. Makkedai mennang, “Magi mutiwiki massu polé ri Maséré? Aga untu' mpunoki ri padang kessi'éwé? Kuwaé dé' gaga inanré, sibawa dé'to gaga uwai. Majani pénedditta sibawa inanré iya makawaéwé!”

1 KORINTUS 10:10

Dé'to naweddikki mannoko'-noko'; pada-pada iya napogau'é sibagiyang polé ri mennang riyolo, angkanna riyunoi mennang ri Malaéka' Amaténgngé.

ULANGENG 25:18

Dé' namétau mennang ri Allataala sibawa gasako polé ri munri wettummu mattengngang poso sibawa acappureng pakkulléng, nainappa nauno sininna taummu iya sipanrasa-rasaé joppa ri munri.

ULANGENG 32:22

Malluwa-luwa'i matu cai-Ku pada-pada apié iya makkanré lettu ri linona tau maté. Iyaro apié nanréi linoé sibawa sininna wassélé'na, sibawa sining bulué lettu ri ure-ure'na.

ULANGENG 9:22

Makkuwatoro ri Tabéra, Masa sibawa Kibrot-Taawa, muwébbui Puwangnge macai.

IBRANI 12:29

Saba' Allataalata pada-padai api iya paangurengngé.

YAKOBUS 5:4

Dé' muwajai sarona sining tau iya majjamaé ri dare'mu. Engkalingani makkekkuwangngé addarékénna mennang! Sining tau iya paddeppungengngéngngi wassélé dare'na, gora méllau tulung nagorana mennang lettu'ni ri daucculinna Allataala, Puwang Iya Pommakuwasaé.

YUDAS 1:16

Iyaro sining tauwé tuli mannoko'-noko' bawang sibawa passalai tau laingngé. Tuwoi mennang situru sining cinnana iya madosaé. Mabboroi mennang passalenna aléna, enrengngé leppe'i tauwé kuwammengngi nalolongeng alabang.