2 TIMOTIUS 4:3 - KITTA KAREBA MADECENG

³ Saba' narapii matu wettunna dé'na namaélo tauwé tarima pappagguruwang iya tongengngé. Sibalé'na, naturusiwi matu mennang cinnana muto, sibawa paddeppungeng maéga guru untu' ripagguru gau'-gau' iya malunra'é naéngkalinga ri daucculinna.

2 TIMOTIUS 4:3 ပူးပေါင်းရင်းမြစ်များ

1 ARUNG-NGARUNG 18:22

Nainappa makkeda Elia, “Ri yelle'na nabi-nabinna Puwangnge banna iyya bawang monro, padahal kuwaé engka 450 nabi Baal.

1 ARUNG-NGARUNG 22:18

Namakkeda Ahab lao ri Yosafat, “Tongetto adakku? Dé' naengka nabotongekka iya makessingngé! Tuli iya majaé bawang!”

1 ARUNG-NGARUNG 22:8

Nappébali Ahab, “Engka mupa séddi, Mikha ana' Yimla. Iyakiya ubenciwi, nasaba dé' naengka nabotoi séuwa iya makessingngé untu' iyya; tuli iya dé'é namakessing.” Nametté Yosafat, “Ah, aja' muwakkeda makkuwatu!”

ASSURENG 32:33

Nappébali Puwangnge, “Banna sining tau iya puraé madosa lao ri Iyya Uledda matu asenna polé ri kittaéro.

YESAYA 28:12

Nappéddarangngi Puwangnge onrong appésaungengngé lao ri iko maneng, iyakiya dé' mumaélo méngkalingai Aléna.

YESAYA 30:10

Makkedai mennang lao risining nabié, “Tutu'i témummu! Aja' mupowadai lao ri idi aga iya tongengngé, iyakiya aga iya macinnaé riyéngkalinga. Leppessakki tette mannawa-nawa.

YEREMIA 18:18

Makkedai tauwé, “Laono mai tasikongkolo méwai Yérémia. Tenniya bawang aléna iya weddingngé mabicara untu' Allataala. Tuli engka matu imang iya weddingngé mappagguru, engka tau mapanré iya weddingngé mappangaja; sibawa engka nabi iya weddingngé palettukekki sining paseng polé ri Allataala. Laono mai tappissengengngi ri pengadilangngé sibawa aja'na taéngkalingai ada-adanna.”

YEREMIA 27:9

Aja' muwéngkalingai nabi-nabié iyaré'ga muwi nigi-nigi iya mattéyangngékko tunru lao ri arung Babél, namuni mangakui mennang purani tarima panunju polé ri nippié, roh-roh alusu'é, iyaré'ga pakéi awatangeng iya mappallajangngé.

YEREMIA 29:8

Iyya Puwang, Iya Pommakuwasaé, Allataalana Israélié, paréngngerangiko kuwammengngi aja' muleppessangngi alému ribengnguwang ri nabi-nabi iya monroé ri tengnga-tengngamu iyaré'ga muwi niga iya powadaéngngi makkedaé naulléi mennang botoi wettu mangoloé. Aja' mujampangiwi nippi-nippinna mennang.

YEREMIA 5:31

mabbelléi nabi-nabié, mattumaniwi imang-ngimangngé situru élona na iko umma'-Ku mupoji gau'éro. Iyakiya aga mupogau' matu rékko narapini esso paccappurengngé?”

MIKHA 2:11

Mupuwéloi nabi iya pojiyéngngi mabbellé sibawa pabengnguwang enrengngé botoi makkedaé mappunnaiko matu anggoro sibawa énungeng maseri iya maonaé.”

LUKAS 20:19

Naissenni guru-guru agamaé sibawa kapala-kapala imangngé makkedaé iyaro pakkalarapangengngé napattujui Yésus lao ri mennang. Rimakkuwannanaro macinnani mennang tikkengngi Yésus iyaro wettué, iyakiya métaui lao ri tau maégaé.

LUKAS 6:26

Cilakano rékko sininna tauwé pojiko; saba' makkuwatoro néné-nénéna mennang pojiwi nabi-nabi palsué riyolo.”

YOHANES 8:45

Iyakiya Upowadai atongengengngé, narimakkuwannanaro dé' mumateppe ri Iyya.

RIWAYA'NA RASUL-RASUL-E 17:21

Saba' sininna tau Aténaé sibawa sining tau polé-polé iya monroé kuwaro napoji senna' paccappui wettu appésau-pésaungenna mennang untu' méngkalingai sibawa mabbicara passalenna gau'-gau' iya kaminang barué.)

1 KORINTUS 2:1

Saudara-saudara! Wettukku lao ri iko sibawa mabbirittangngi ri iko passalenna rancanana Allataala iya dé'éppa naissengngi linoé, dé' upakéi apanrénna linoéwé iyaré'ga mabbicara iya héba'-héba'é.

1 KORINTUS 2:4

Karéba iya upalettu'é ri iko dé' upalettu'i sibawa ada-ada iya mappangarué situru apanrénna rupa tauwé. Upalettu'i iyaro sibawa cara iya pabuttiyéngngi makkedaé makuwasai Rohna Allataala.

GALATIA 4:16

Muwangga'na'ga makkekkuwangngé selaku bali, nasaba upannessai iya tongengngé lao ri iko?

1 TIMOTIUS 1:10

lao ri tau pappangaddié, sionrongngé pada-padanna worowané, pacculi'é, pabbelléngngé, sabbi-sabbi bellé, sibawa nigi-nigi pogau' gau'-gau' iya siéwaé sibawa pappagguruwang iya tongengngé.

2 TIMOTIUS 1:13

Accowériwi tonget-tongeng pappagguruwang tongengngé iya puraé uwérékko. Sibawa sitinajako tette' makkatenning ri teppe'é sibawa pammasé iya mancajiyé appunnangetta nasaba masséddiki sibawa Kristus Yésus.

YUDAS 1:18

Nappaddissengengngi mennang lebbi riyolo lao ri iko makkedaé nacawékiwi paccappurenna linoé mompoi matu sining tau iya méllékéllé'ékko matu, iyanaritu sining tau iya tuwoé situru sining cinnana mennang iya madosaé.