2 SAMUEL 9:11 - KITTA KAREBA MADECENG

¹¹ Nappébali Ziba lao ri arungngé, “Sininna paréntana Datu maéloi atatta pogau'i.” Jaji sisamani manré Méfibosét sibawa arungngé, pada-pada ana'na Arung Daud.

2 SAMUEL 9:11 ပူးပေါင်းရင်းမြစ်များ

2 SAMUEL 15:15

Nappébali mennang, “Makessinni, Datu. Sadiyaki pogau'i muwi aga napuwélo Datu.”

2 SAMUEL 19:24

Makkuwatoro Méfibosét eppona Saul, poléni untu' duppaiwi arungngé. Dé' nabissaiwi ajéna, dé' narette'i janggo'na, sibawa dé' nasessa'i pakéyanna sipongenna Arung Daud salaiwi Yérusalém narapi lisu sibawa salama.

2 SAMUEL 19:26

Nappébali, “Iya Malebbié, naisseng Datu képpangngi atattaé. Nasuroi atatta pattumaninna atatta passadiya kaleddé iya weddingngé natonangi atatta untu' maccowériwi Datu. Iyakiya ribali'bellariwi atatta ri pattumaniéro.

2 SAMUEL 9:10

Iko sibawa ana'-ana'mu enrengngé pabbantummu harusu jamai tanaéro untu' kaluwargana puwammu Saul, namuwéréngngi wassélé tanaéro lao ri mennang untu' paggenne'i apparelluwanna. Iyakiya Méfibosét weddingngi manré ri saorajaé mannennungeng.” (Ziba mappunnai 15 ana' worowané sibawa 20 ata.)

2 SAMUEL 9:12

Méfibosét mappunnai ana' worowané iya riyasengngé Mikha. Sininna anggota kaluwargana Ziba mancajini ata-atanna Méfibosét.

2 SAMUEL 9:13

Makkuwaniro Méfibosét iya sala-salangngé ri iya duwa ajénaro monroi ri Yérusalém sibawa tuli manré ri saorajaé.