2 SAMUEL 8:14 - KITTA KAREBA MADECENG

¹⁴ Patettonni akkémang-akkémang tentara risininna Edom, sibawa iyaro sining tau Edongngé tunru'ni ri aléna. Puwangnge mpéréngngi apakalang Daud kégi-kégi mammusu.

2 SAMUEL 8:14 ပူးပေါင်းရင်းမြစ်များ

KAJAJIYANG 25:23

Makkedai Puwangnge ri aléna, “Duwa bangsa engka ri laleng parémmanammu; jajiyakko matu duwa bangsa iya simusué anrinna lebbi mawatangngi naiya kakana iya macowaé tumaningiwi iya maloloé.”

KAJAJIYANG 27:29

Tennapodo bangsa-bangsaé mancaji atammu, sibawa suku-suku bangsaé tunru'i ri iko. Tennapodo mukuwasaiwi sininna sumpulolomu, sibawa wija-wijanna indo'mu suju'i ri yolomu. Tennapodo tattanroi sininna tau iya tanroiyékko sibawa ribarakkakiwi sininna tau iya barakkakiyéngngékko.”

2 SAMUEL 5:10

Pédé maitta Daud pédé mawatang, nasaba Puwang, Allataala Iya Pommakuwasaé tulungngi.

2 SAMUEL 7:9

Purano Usibawang kégi-kégiko lao, sibawa sininna balimmu purani Upaccappu ri wettummu mammusu. Uwébbuko matu tarompo pada-pada sining pamimping iya kaminang battowaé ri linoé.

2 SAMUEL 8:15

Makkuwaniro Daud paréntai sininna Israélié sibawa jagaiwi kuwammengngi ra'ya'na tuli rigaukengngi adélé enrengngé makessing.

2 SAMUEL 8:6

Nainappa Daud patettong akkémang-akkémang tentara ri laleng daérana mennang, natunru'na mennang sibawa makkamaja pakkasuwiyang lao ri aléna. Puwangnge mpéréngngi apakalang Daud kégi-kégi mammusu.

1 ARUNG-NGARUNG 11:15

Maitta ri wettu dé'naparo, purana Arung Daud patunru'i Edom, Yoab, pallima tentarana Arung Daud, lao ri Edom untu' kuburu'i sining taunna iya maté. Enneng uleng ittana aléna sibawa ana' buwana monro ri Edom. Na ri laleng wettuéro nauno manengngi mennang tau worowané kuwaro.

2 ARUNG-NGARUNG 14:7

Ri laleng séuwaé ammusureng, naunoi Amazia 10.000 prajuri Edom ri Lompo Pejjé, sibawa nasittaiwi kota Séla. Iyaro kotaé nasengngi Yokteel.

2 ARUNG-NGARUNG 18:7

Iyanaro saba'na natette Puwangnge tulungngi angkanna mallolongengngi ri laleng sininna usahana. Maronta'i lao ri arung Asyur, sibawa dé' namaélo tunru' lao ri aléna.

1 TAWARIKH 18:13

nainappa patettong akkémang-akkémang tentarana ri sininna Edom. Nanatunru'na sining tau Edongngé lao ri Arung Daud. Puwangnge mpéréngngi apakalang lao ri Daud kégi-kégi mammusu.

MAZMUR 60:1

Untu' pamimping kor. Situru lagunna: Bunga bakung assabbiyangngé. Mazmur pappagguruwang polé ri Daud,