2 SAMUEL 7:8 - KITTA KAREBA MADECENG

⁸ Rimakkuwannanaro, Natan, paissengiwi atak-Ku Daud, makkedaé Iyya, Puwang Iya Pommakuwasaé, makkeda lao ri aléna, ‘Purano Uwala polé ri jama-jamammu makkampi bimbala ri padangngé sibawa Uwakka mancaji arung ri umma'-Ku Israélié.

2 SAMUEL 7:8 ပူးပေါင်းရင်းမြစ်များ

2 SAMUEL 12:7

Nakkeda Natan lao ri Daud, “Datu ritu iyaro tauwé! Na iyanaé napowada Puwangnge, Allataalana Israélié, ‘Purano Uwakka mancaji arung ri Israélié sibawa Upassalama polé ri Saul.

2 SAMUEL 14:13

Nakkeda iyaro makkunraié, “Ri laleng adanna Puwakkuro, mangakui Puwakku makkedaé aléna Puwakku pasala nasaba dé' napalaloi ana' worowanéna Puwakku lisu polé ri appalirengngé. Magi Puwakku napogau'i asalang pada-padaéro lao ri umma'na Allataala?

2 SAMUEL 23:1

Daud ana' Isai ripiléi mancaji arung sibawa riyébbui mancaji tau maraja ri Allataalana Yakub. Alénato ritu karangngi élokkélongngé untu' Israélié. Iyanaé ada-adanna Daud paccappurengngé:

2 SAMUEL 24:17

Naitani Daud malaéka' iya mattengngangngé mpunoi iyaro ra'ya'é, namakkedana lao ri Puwangnge, “Iyya ritu madosa saba' iyya mébbui iyaro asalangngé. Iyakiya aga asalanna bangsa iya macilakaéro? Hukkunna iyya sibawa kaluwargaku!”

2 SAMUEL 5:2

Riyolopa nariyolo, mala wettunna mupa Saul paréntaki, Datuto pimpingngi tentara Israélié tungke' mennang maju mammusu, nainappani pura majjanciwi Puwangnge lao ri Datu makkedaé Datu ritu iya pimpingngéngngi matu umma'na sibawa mancaji arunna mennang.”

2 SAMUEL 6:21

Nappébali Daud, “Séré-séréka untu' pakalebbii Puwangnge, iya puraé sampéyangngi ambo'mu nenniya kaluwargana, nainappa napiléka mancaji pamimpinna Israélié, umma'-Na. Rimakkuwannanaro maéloka matteru séré-séré untu' pakalebbii Puwangnge.

1 ARUNG-NGARUNG 3:6

Nappébali Salomo, “Puwang, purani Muwappaitang makkedaé muwamaséi senna'i ambo'ku Daud, atammuro. Makessingngi, malempui sibawa matinului ri Iko. Naselaku boro' makkedaé untu' matteru tette'-Ko mamaséiwi, muwéréngngi séddi tau ana' worowané iya mapparéntaé makkekkuwangngé sulléiwi.

1 TAWARIKH 17:7

Rimakkuwannanaro, Natan, powadanni atak-Ku Daud makkedaé Iyya, Puwang Iya Pommakuwasaé, makkeda lao ri aléna, ‘Purano uwala polé ri jama-jamammu makkampi bimbala'é ri padangngé, sibawa Upancaji arung ri umma'-Ku Israélié.

1 TAWARIKH 21:17

Nassempajanna Daud, adanna, “Oh Allataala, iyya ritu pasala. Iyya ritu massurowangngi pakangkai iyaro abbilangengngé. Iyaé bangsaé dé' sises-siseng napasala! Oh Puwang, Allataalaku, hukkukka sibawa kaluwargaku, iyakiya pabélaiwi iyaé abalaé polé ri umma'-Mu.”

AMOS 7:15

Iyakiya Puwangnge malaka polé ri jama-jamakku, nanasuroka palettu'i pasen-Na lao ri tau Israélié.

RIWAYA'NA RASUL-RASUL-E 7:46

Napésennangiwi Daud atinna Allataala sibawa naéllauwi ri Aléna kuwammengngi naripalalo mébbu séddi bola untu' Allataala iya nasompaé Yakub.

1 SAMUEL 10:1

Nainappa nala Samuél kendi mallise'é minnya zaitun, nanatiri'i iyaro minnya'é ri tompo ulunna Saul, sibawa bauwi Saul nakkedato, “Puwangnge pura lanti'ko mancaji arunna Israélié umma'-Na. Muparéntai matu umma'-Na sibawa linrungiwi mennang polé risining balinna. Iyanaé tanranna lao ri iko makkedaé Puwangnge pura piléko mancaji arunna umma'-Na:

1 SAMUEL 2:8

Polé ri apeddirengngé Naakkai tau dé'é angke'na, polé ri anrasa-rasangngé Napaleppe'i tau iya matunaé. Ripancajiwi mennang sellaona sining arungngé, sibawa riwéréng jabatang malebbi. Pallanggana linoé nappunnaiwi Puwangnge, ri yasé'na Napatettongngi linoé.

1 SAMUEL 9:16

“Baja éléé kira-kira wettu makkuwaéwé, maélo-Ka suro séddi tau polé ri suku Bényamin méwako sita. Lanti'i sibawa upacara amminnyakeng untu' mancaji arung ri umma'-Ku Israélié. Napassalama'i matu umma'-Ku polé ri tau Filistingngé. Uwitani anrasa-rasanna umma'-Ku sibawa méngkalingai terinna mennang méllau tulung.”