2 SAMUEL 7:7 - KITTA KAREBA MADECENG

⁷ Ri laleng sollérekkuro silaong bangsa Israélié, dé'pa naengka Uwakkutana lao risining pamimping iya puraé Upilé, aga saba'na mennang dé' napatettongek-Ka bola polé ri aju camara Libanongngé.’

2 SAMUEL 7:7 ပူးပေါင်းရင်းမြစ်များ

2 SAMUEL 5:2

Riyolopa nariyolo, mala wettunna mupa Saul paréntaki, Datuto pimpingngi tentara Israélié tungke' mennang maju mammusu, nainappani pura majjanciwi Puwangnge lao ri Datu makkedaé Datu ritu iya pimpingngéngngi matu umma'na sibawa mancaji arunna mennang.”

1 TAWARIKH 11:2

Riyolopa nariyolo, mala wettunna mupa Saul paréntaki, Datu ritu pimpingngi tentara Israélié sises-siseng mennang maju mammusu. Nainappa Puwang Allataalana Datu pura majjanci makkedaé Datu ritu iya maéloé pimpingngi umma'-Na sibawa mancaji arunna mennang.”

1 TAWARIKH 17:6

Sipongek-Ku sollé silaong bangsa Israélié dé'pa naengka Umakkutana ri pamimping-pamimping iya puraé Upilé, aga saba'na nadé' mennang napatettongek-Ka séddi bola polé ri aju camara Libanongngé.’

YESAYA 40:11

Pada-padai séddié pakkampi Napiyarai ampi-Na; Aléna paddeppungengngi mennang. Nakokkongngi ana'-ana' bimbala'é, nasibawang alemmang Natinrosiwi sining indo'-Na.

YESAYA 66:1

Makkedai Puwangnge, “Langié iyanaritu kadéra arajak-Ku, sibawa linoé attuppungeng ajé-Ku. Jaji bola maragaénna maélo mupatettongek-Ka, sibawa onrong agana maélo mupancaji onrok-Ku?

YEREMIA 23:4

Makkaka matu pamimping untu' piyarai mennang. Dé'na namétau umma'-Ku iyaré'ga namaséleng; dé' muwi séddi tau polé ri mennang teddéng matu. Iyya, Puwang, pura mabbicara.”

YEREMIA 3:15

Maélo-Ka mpérékko pamimping-pamimping iya mapatoé lao ri Iyya. Napimpikko matu sibawa mapanré nenniya penno pappéjeppu.

YEHEZKIEL 34:15

Aléku mancaji matu pakkampina sining bimbala'-Ku sibawa passadiyangengngi onrong mappésau untu' mennang; Iyya, Puwang Iya Pommatanré pura mabbicara.

YEHEZKIEL 34:2

“Eh tolino dé'é namannennungeng, bantani arung-ngarung Israélié, sibawa palettu'i aga Iyya, Puwang Iya Pommatanré upowada lao ri mennang, ‘Macilakano iko, éh pakkampi-pakkampina Israélié. Banna mupikkiri'i apentingenna alému, tenniya apentingenna sining bimbala'mu.

YEHEZKIEL 34:23

Makka-Ka matu séddi arung iya pada-padaé atak-Ku Daud, untu' mancaji alé-aléna pakkampina mennang, na aléna piyarai matu mennang.

MIKHA 5:4

sibawa mabbéréi matu adaméngeng. Narékko nagasai tentara Asyur-é wanuwatta sibawa rumpa'i attahangetta, ripangarai matu sining pamimpitta iya kaminang mawatangngé untu' musui mennang. Iyaro sining pamimpitta nacaui matu Asyur sibawa awatangeng senjata, nenniya passalama'ki polé ri limanna mennang.

MATIUS 2:6

‘Iko Bétléhém, ri wanuwa Yéhuda, sitonget-tongenna tenniyako kaminang baiccu ri yelle'na kota-kota mapongngé ri Yéhuda. Nasaba polé ri iko poléi matu séddi pamimping iya pimpingngéngngi umma'-Ku Israélié.’ ”

RIWAYA'NA RASUL-RASUL-E 20:28

Sitinajako jagaiwi aléna sibawa jagai towi sininna jema'é iya puraé nabbéréyang Rohna Allataala lao ri iko untu' rijagai, saba' pura riyakkako mancaji jennang ri jema'éro. Sitinajako jagaiwi iyaro jema'na Allataala pada-pada pakkampié jagaiwi bimbala'na, nasaba Allataala pura pancajiwi iyaro jema'é appunnangeng ri Aléna naolai amaténna Ana'-Na.

RIWAYA'NA RASUL-RASUL-E 21:28

nagora-gorato, “Eh sining tau Israélié, tulungngi! Iyanaé taunna iya laowé kégi-kégi mappagguru ri sininna tauwé sining pappagguruwang iya méwaéngngi bangsa Israélié, naéwai hukkunna Musa enrengngé naéwai iyaé Bolana Puwangngé. Na makkekkuwangngé mala natiwii sining tau tenniyaé Yahudi muttama' ri laleng Bolana Puwangngé nanapanajisi'i onrong mapaccingngéwé!” (

ULANGENG 23:14

Puwang Allataalamu sibawakko ri laleng akkémammu untu' linrungiko sibawa mpérékko apakalang lao risining balimmu. Rimakkuwannanaro jagaiwi kuwammengngi natette mapaccing akkémammu. Aja' narapii engka séuwa iya dé'é nasipato ri yelle'mu, kuwammengngi dé' nasalaiko Puwangnge.”

1 PETRUS 5:1

Uwéllauwi napuriyati sining pamimpinna jema'mu. Uwokii iyaé selaku sellao pamimping enrengngé selaku tau iya alénaé pura sabbingngi anrasa-rasanna Kristus, sibawa iya turu'étto matu ripakaraja, rékko arajanna Kristus riyappaitangngi lao ri rupa tauwé. Uwéllauwi sibawa masero