2 SAMUEL 7:6 - KITTA KAREBA MADECENG

⁶ Sipongenna Upaleppe bangsa Israélié polé ri Maséré lettu makkekkuwangngé, dé'pa naéngka Uwonro ri laleng séddié bola, sangadinna tuli sollé sibawa monro riséddié kéma.

2 SAMUEL 7:6 ပူးပေါင်းရင်းမြစ်များ

2 SAMUEL 11:11

Nappébali Uria, “Tentara Israélié sibawa Yéhuda mattengngang mammusu na Petti Assijancinna Puwangnge sibawangngi mennang; Yoab pallimata sibawa sining parawirana makkémai ri padangngé. Masa atattaé lisu ri bolaé, sibawa manré ménung enrengngé matinro sibawa bainéna atattaé? Nasabbing nyawana Datu sibawa nyawana atatta, dé' namaélo atatta pogau'i iyaro!”

RIWAYA'NA RASUL-RASUL-E 7:44

Kéma naonroiyé Allataala lao ri rupa tauwé rilolongengngi ri néné-nénéta ri padang kessi'é. Iyaro kémaé riyébbui nasaba paréntana Allataala lao ri Musa sibawa situru conto nappaitangngé Allataala lao ri Musa.

2 KORINTUS 6:16

Aga assisumpungenna Bolana Puwangngé sibawa bolana barahalaé? Idi'é Bolana Puwangngé, Allataala iya tuwoé. Allataala muto makkeda, “Maélo-Ka monro ri tengnga-tengngana mennang, sibawa tuwo silaong mennang. Mancaji-Ka matu Allataalana mennang, sibawa mennang mancaji matu umma'-Ku.

ULANGENG 23:14

Puwang Allataalamu sibawakko ri laleng akkémammu untu' linrungiko sibawa mpérékko apakalang lao risining balimmu. Rimakkuwannanaro jagaiwi kuwammengngi natette mapaccing akkémammu. Aja' narapii engka séuwa iya dé'é nasipato ri yelle'mu, kuwammengngi dé' nasalaiko Puwangnge.”

YOSUA 18:1

Nacaunana wanuwa iya najjanciyangngé Puwangnge, maddeppungeng manenni umma Israélié ri Silo, nainappa patettong mennang Kéma Ahadérékenna Puwangnge.

WAHYU 2:1

“Lao ri malaéka'na jema'é ri Efésus, okii makkuwaéwé: Iyanaé paseng polé ri Aléna makkatenningngé pitu wéttowing ri lima ataun-Na, enrengngé joppa ri yelle'na iya pitu ajé lampu ulawengngéro.

HAKING-HAKING 20:27

Iyaro wettué Petti Assijancinna Allataala engkai ri Bétel, sibawa Pinéhas ana'na Eléazar, eppona Harun, mancaji imang. Nanakkutana umma Israélié lao ri Puwangnge, “Puwang, harusu'ki'ga laosi gasai saudara-saudarata tau Bényamingngéro, iyaré'ga harusu'ki'ga pappésauwi iyaé ammusurengngé?” Nappébli Puwangnge, “Gasai mennang! Baja maélo-Ka mpérékko apakalang.”