2 SAMUEL 7:27 - KITTA KAREBA MADECENG

²⁷ Puwang Iya Pommakuwasaé! Uwabbaraniyangngi aléku paénré'i iyaé sempajangngéwé ri Iko, saba' alé-Mu muto pura paissengika makkedaé ana' eppoku massossoreng Mupancajiwi arung ri bangsaéwé.

2 SAMUEL 7:27 ပူးပေါင်းရင်းမြစ်များ

1 ARUNG-NGARUNG 11:38

Rékko iko, pada-pada atak-Ku Daud, sukku matinulu lao ri Iyya enrengngé tuwo manuru hukkung-hukkuk-Ku, sibawa pésennangiwi atik-Ku ri laleng pogau'i sininna iya Uwapparéntangngé lao ri iko, tuli Usibawakko matu. Maélo-Ka pancajiko arung ri Israélié. Utanggung matu makkedaé wija-wijammu mancajiwi matu arunna Israélié sulléiko, pada-pada iya puraé Upogau' sibawa Daud.

MAZMUR 10:17

Puwang, Muwéngkalingai sempajanna tau matunaé sibawa péwatangiwi atinna mennang.

MAZMUR 40:6

Puwang, pékkugi égana winru-Mu untu' aléta, oh Puwang, Allataalaku, dé'gaga padam-Mu! Maéga rancana-Mu iya mappabengngaé untu' idi, dé' namakkullé ricurita maneng.

RUT 4:4

Nauwasengngi harusu'ko missengngi passalenna gau'éro. Rékko maéloko melliwi, powadani ri yolona sining tauwé iya tudangngé kuwaé. Rékko dé', powadani terus terang, saba banna idi sipadduwa iya mappunnaiyé ha' ri passalengngéro; iko pammulang, nappa iyya.” Nappébali iyaro tauwé, “Ya, maéloka melliwi.”

1 SAMUEL 2:35

Nainappa piléka matu imang iya matinulué ri Iyya sibawa iya pogau'éngngi aga iya Uparéntangngéngngi. Uwéréngngi matu wija-wijanna iya tuli majjamaé matu selaku imang ri yolona arung-ngarung iya Upilé.

1 SAMUEL 9:15

Siesso riyolonaro mappasengngi Puwangnge ri Samuél makkuwaé,