2 SAMUEL 7:23 - KITTA KAREBA MADECENG

²³ Ri sininna linoé dé' gaga bangsa pada-padanna Israélié. Israélié alé-aléna bangsa iya puraé Mupaleppe polé ri angatangengngé untu' mancaji umma'-Mu. Sininna pangkaukeng battowaé sibawa makalallaing iya Mupogau'é untu' mennang, mébbui asem-Mu kalabba ri sininna linoé. Bangsa-bangsa laingngé silaong déwata-déwatana purani Mupaddésu wettunna umma'-Mu maju mammusu.

2 SAMUEL 7:23 ပူးပေါင်းရင်းမြစ်များ

2 SAMUEL 7:24

Purani Mupancaji bangsa Israélié umma'-Mu untu' mannennungeng, sibawa Iko oh Puwang, mancaji Allataalana mennang.

1 TAWARIKH 17:21

Ri sininna linoé dé' gaga bangsa pada-pada Israél. Israél iyanaritu alé-aléna bangsa iya Mupaleppe'é polé ri angatangengngé untu' mancaji umma'-Mu muto. Sininna pangkaukeng battowaé namakalallaing iya Mupogau'é lao ri mennang mébbui asem-Mu tarompo ri sininna linoé. Mupaleppe'i umma'-Mu polé ri Maséré, sibawa panyingkiri'i bangsa-bangsa laingngé wettunna maju umma'-Mu mammusu.

NEHEMIA 1:10

Puwang, idi'é ata-atam-Mu, umma ri alé-Mu iya puraé Mupassalama sibawa akuwasang nenniya awatangem-Mu iya maseroé.

MAZMUR 106:22

Masero tongeng sining pangkauken-Na ri wanuwaéro, mappabengnga tindakan-Na ri Tasi Gelagah.

MAZMUR 111:9

Napaleppe'i umma'-Na, sibawa pakangka assijancing mannennungengngé sibawa mennang. Aléna ritu Puwang iya mapaccingngé sibawa poré!

MAZMUR 145:6

Nabbirittangngi matu mennang sining pangkaukem-Mu iya maseroé, arajam-Mu uwappallebbangengngi matu.

MAZMUR 147:20

Dé' napogau'i makkuwaéro lao ri bangsa-bangsa laingngé, dé' naissengngi mennang hukkung-hukkun-Na. Pojiwi Puwangnge!

MAZMUR 40:5

Masennangngi tau iya mateppe'é lao ri Puwangnge, iya dé'é naccowé massompa déwata-déwata, iyaré'ga méllau tulung lao ri tau matempoé.

MAZMUR 44:3

Iko muto paddésu'i bangsa-bangsaé kuwammengngi nattette umma'-Mu ri wanuwanna mennang. Mucilakaiwi bangsa-bangsa laingngé, iyakiya umma'-Mu Muleppessangngi mabbija-bija.

MAZMUR 65:5

Masennangngi tau iya Mupilé, sibawa iya Muwobbié untu' monro ri Bola-Mu. Ripasipoléngekki matu sibawa sininna iya makessingngé ri Bola-Mu, onrom-Mu iya mapaccingngé.

MAZMUR 66:3

Powadani lao ri Allataala, “Mappabengnga tongeng pangkaukem-Mu! Tunru'i balié ri Iko penno amétaureng, saba' battowa senna akuwasam-Mu.

ASSURENG 12:12

Iyaro wennié maélo-Ka jalajja'i sininna tana Maséré, sibawa mpunoi tungke' ana' worowané macowaé, muwi tolino, iyaré'ga olokolo. Maélo-Ka hukkungngi sininna déwataé ri Maséré, nasaba Iyya'na Puwang.

ASSURENG 33:16

Pékkugi naissengngi matu tauwé makkedaé Muwélorika sibawa bangsaéwé rékko dé' Mutulukki? Ahadérékenna Puwangnge ri tengnga-tengngata pasilaingekki matu polé ri bangsa-bangsa laingngé ri linoé.”

ASSURENG 6:7

Utiwiko matu ri wanuwa iya Uwajjanciyangngé sibawa tanro lao ri Abraham, Ishak sibawa Yakub; iyaro tanaé Uwérékko mancaji appunnangeng ri alému. Iyya'na Puwang.”

ASSURENG 9:15

Akkalarapanna maélo-Ka hukkukko silaong ra'ya'mu sibawa lasa, mattentuni cappu manenno.

ASSURENG 9:16

Iyakiya Uleppessakko tuwo kuwammengngi weddik-Ka mappaitangngi akuwasak-Ku lao ri iko, angkanna tarompo asek-Ku ri sininna linoé.

YEREMIA 32:20

Riyolo Mupogau'i makalallaingngé sibawa gau'-gau' dé'é padanna ri Maséré, na muwi lettu makkekkuwangngé matteru Mupo pogau'i, muwi ri yelle'na tau Israélié iyaré'ga ri yelle'na sininna bangsa laingngé. Rimakkuwannanaro Mutarompono makkekkuwangngé kégi-kégi.

YEREMIA 32:21

Nasibawang akuwasam-Mu nenniya awatangem-Mu iya battowaé Mutiwii umma Israélié massu polé ri Maséré. Pogau'ko sining anu dé'é padanna nenniya sining makalallaingngé enrengngé kajajiyang-kajajiyang iya sélengiyéngngi balié.

YEHEZKIEL 20:9

Iyakiya dé' Upogau'i, kuwammengngi aja' naripakatuna asek-Ku ri bangsa-bangsaé ri onronna mennang engka. Saba' ri yolona bangsa-bangsaéro, purani Uwappallebbangeng makkedaé Utiwii matu bangsa Israélié massu polé ri Maséré.

ABBILANGENG 6:27

Nanakkeda Puwangnge, “Rékko nateppui mennang asekku selaku barakka lao ri bangsa Israélié, maélo-Ka barakkakiwi mennang.”

EFESUS 1:6

Ripojiwi Allataala iya marajaé nasaba naolai Ana'-Na iya naéloriyé, Nanamaséi senna'ki.

ULANGENG 10:21

Pojiwi nasaba Aléna Allataalamu. Mata ulummu pura mitai pangkaukeng-pangkaukeng héba'é sibawa maseroé iya napogaukengngékko.

ULANGENG 15:15

Engngerangngi makkedaé iko riyolo ata ri Maséré nainappa ripamaradéka ri Puwang Allataalamu; iyanaro saba'na uwérékko paréntaéwé.

ULANGENG 33:29

Masennakko, éh Israélié! Dé' gaga bangsa iya pada-padaé iko ripassalama ri Puwangnge. Puwangnge pada-padai peddangngé sibawa kaliyawoé lao ri iko; untu' méwaiko sibawa mpérékko apakalang. Sining balimmu poléi matu méllau paressé babuwa, namuléjja-léjja'i matu mennang.”

ULANGENG 9:26

sibawa massempajang makkuwaé: Oh Puwang Iya Pommatanré, aja' Mupaccappui umma appunnangem-Mué, bangsa iya Mupaleppe'é sibawa Muwantara massu polé ri Maséré nasibawang awatangeng sibawa akuwasam-Mu iya battowaé.

TITUS 2:14

Purani nakkarobangeng Aléna untu' idi untu' paleppe'ki polé ri sininna jaé, sibawa pancajiki séddi umma' iya leppe'é polé ri dosaé, iya mancajiyé appunnangen-Na bawang, enrengngé mapato pogau'i makessingngé.

YOSUA 7:9

Naéngkalingai matu tau Kanaangngé sibawa sininna tau laingngé ri daéraéwé passalenna gau'éro. Nakeppukki matu mennang sibawa nauno manekki! Na agana harusu Upogau' matu untu' mattahangengngi alebbirem-Mu?”

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.

WAHYU 5:9

Napuwélonni mennang séddi élong iya barué: “Sipato'-Ko malai iyaro kitta'é enrengngé reppa'i sining ségélé'na. Saba' pura-No riyuno, nanallalengiwi amatén-Na, rupa tauwé polé ri sininna sukué, basaé, wanuwaé enrengngé bangsaé purani muwelli untu' Allataala.