2 SAMUEL 7:22 - KITTA KAREBA MADECENG

²² Battowa tongekko, oh Puwang Allataala! Banna Iko ritu Allataala, dé'gaga iya padaé sibawa Iko. Riissengngi gau'éro saba' purani riyappaissengeng riyolopa nariyolo.

2 SAMUEL 7:22 ပူးပေါင်းရင်းမြစ်များ

2 SAMUEL 22:32

Saba' banna Puwangnge ritu Allataala; Allataalata bawang pangéwaingetta.

1 ARUNG-NGARUNG 8:23

namassempajang, “Puwang, Allataalana Israélié! Ri langié iyaré'ga ri linoé dé'gaga iya pada-padangngék-Ko! Murupaiwi jancim-Mu sibawa mappaitangngi pammasé-Mu lao ri umma'-Mu iya matinulué sibawa mapatoé sukku atinna lao ri Iko.

1 TAWARIKH 16:25

Saba' battowai Puwangnge sibawa maseroi ripoji; harusu'i riyétauri lebbi nasininna déwataé.

2 TAWARIKH 2:5

Macinnaka kuwammengngi Bolana Puwangnge iya maéloé ripatettonro sinrupai bola iya marajaé, saba' lebbi marajai Allataala naiya muwi déwata aga.

MAZMUR 135:5

Saba' uwissengngi battowa tongengngi Puwangnge, marajai napakacauriwi sininna déwataé.

MAZMUR 145:3

Saba' marajai Puwangnge sibawa masero ripoji, aloppongen-Na dé' nariwellungi.

MAZMUR 44:1

Mazmurna appang Korah. Elong pappagguruwang. Untu' pamimping kor.

MAZMUR 48:1

Mazmurna appang Korah.

MAZMUR 86:10

Saba' poré-Ko sibawa pogau'i sining anu makalallaingngé, banna Iko ritu Allataala.

MAZMUR 86:8

Oh Puwang, dé'gaga puwang pada-padam-Mu, dé'gaga pogau'i aga iya Mupogau'é.

MAZMUR 89:6

Addeppungeng surugaé pojiwi sining pangkaukem-Mu iya makalallaingngé, sibawa makkélongengngi atinulurem-Mu, Puwang.

MAZMUR 89:8

Ripakalebbi-Ko ri yelle'na sining mapaccingngé, riyétauri lebbi naiya sininna ri mattulilim-Mu.

MAZMUR 96:4

Saba' battowai Puwangnge, sibawa ripoji senna, harusu'i riyétauri lebbi naiya seninna déwataé.

ASSURENG 10:2

sibawa kuwammengngi weddikko curitai lao ri ana' eppomu pékkugi-Ka macculé-culéiwi bangsa Maséré'é sibawa sining anu makalallaingngéro. Namuwisseng manengngi matu makkedaé Iyya'na ritu Puwang.”

ASSURENG 15:11

Allataala nigana mulléi tandingiko, oh Puwang Iya Pommalebbié sibawa mapaccingngé? Nigana mulléi mébbu anu makalallaing sibawa pangkaukeng battowaé pada-pada Puwangnge?

ASSURENG 8:10

Nappébali iyaro arungngé, “Assempajanno untu' aléku baja.” Nakkeda Musa, “Maéloka pogau'i aga iya naéllauwé Puwakku. Nanaissengngi matu Puwakku makkedaé dé'gaga Allataala laingngé pada-padanna Puwangnge, Allataalata.

ASSURENG 8:6

Nanakkajuwanni Harun tekkenna ri yasé'na sininna uwai, nanacumpana sining cuppangngé pennoiwi sininna wanuwaé.

ASSURENG 9:14

Iyaé sisengngé Upapoléi matu abalaé tenniya banna risining pejaba'é sibawa ra'ya'é bawang, iyakiya laoto ri iko, kuwammengngi muwissengngi makkedaé dé'gaga padak-Ku ri sininna linoé.

YESAYA 40:18

Jaji nasibawang niga maéloko pappadaiwi Allataala? Niga muwangga sinrupa sibawa Aléna?

YESAYA 40:25

Niga muwangga sippada sibawa Allataala Iya Pommapaccingngé? Nasibawang niga maéloko pappadaiwi Aléna?

YESAYA 45:18

Puwangnge ritu iya pancajiyéngngi langié, Aléna ritu Allataala! Aléna ritu mappancaji sibawa mébbui linoé, mébbui masse sibawa tette tettong. Dé' napancajiwi onrong iya masino-sinoé, iyakiya onrong untu' rionroi. Aléna ritu iya makkedaé, “Iyya'na Puwang, na dé'gaga laingngé.

YESAYA 45:22

Eh, sininna pabbanuwana linoé, gilinno lao ri Iyya kuwammengngi naripassalama'ko, saba' banna Iyya Allataala, dé'gaga iya laingngé!

YESAYA 45:5

Iyya ritu Puwang, dé'gaga laingngé, Iyya Allataala Iya Posséuwaé. Purano Upassenjatai, namuni dé' muwissek-Ka.

YEHEZKIEL 36:22

Narimakkuwannanaro, palettu'i aga Iyya Puwang Iya Pommatanré upowada lao ri bangsa Israélié, ‘Aga iya maéloé Upogau' matti tenniya nasaba iko, éh sining tau Israélié, sangadinna nasaba asek-Ku iya mapaccingngé, iya puraé mucarépai kégi-kégiko lao.

YEHEZKIEL 36:32

Engngerangngi éh Israélié, makkedaé iya manennaro Upogau'i tenniya nasaba iko. Harusu'ko masiri sibawa matuna nasaba ampé-ampému. Iyya Puwang Iya Pommatanré pura mabbicara.’ ”

DANIEL 2:45

Dé'ga napura naitai Puwakku makkedaé tenrigéssa ri tauwé, séuwa batu leppe polé ri peppingngé nanageppai sibawa nareppo'i dato'-dato' bessié, tembagaé, tana litaé, péra'é sibawa ulawengngéro? Allataala iya marajaé pannessai lao ri Puwakku aga kajajiyang matti. Iyaro nippié wedding riyatepperi sibawa pappakatajanna atatta dé' nasala.”

MIKHA 7:18

Dé'gaga Allataala pada-padam-Mu, oh Puwang, iya maddampengengngéngngi dosana umma Mupilé iya risésaé. Dé' na untu' mannennungeng macai-Ko; sibalé'na, masennak-Ko mappaitangngi pappojim-Mu iya dé'é gaga paggangkannaro.

ULANGENG 3:24

Oh, Puwang Iya Pommatanré, uwisseng makkedaé iya Mujellokengngékkaé nappai maddupa pammulang polé ri pangkaukeng-pangkaukem-Mu iya battowaé sibawa makalallaingngé. Dé' gaga déwata laing ri langié muwi ri linoé iya pada-padaé Iko mullééngngi pogau'i gau'-gau' iya maseroé.

ULANGENG 32:39

Itani, Iyya Allataala Iya Séuwaé, dé'gaga Allataala sangadinna Iyya. Paunoka sibawa mappatuwo, loi sibawa mappajjappa. Rékko tinda'ka, dé' muwi séddi tau mulléi méwa.

ULANGENG 4:35

Iya manennaro najellokekko Puwangnge untu' pabuttiwi makkedaé banna iyaro Puwangnge Allataala, sibawa dé'gaga laingngé.

ULANGENG 4:39

Rimakkuwannanaro amaingekini iyaé essoé sibawa aja' muwallupaiwi: Puwangnge alé-aléna Allataala ri langié sibawa ri linoé; dé'gaga laingngé.

1 SAMUEL 2:2

Dé' gaga iya mapaccingngé pada-pada Puwangnge! Banna aléna iya mullé mabbéré allinrungeng.