2 SAMUEL 7:21 - KITTA KAREBA MADECENG

²¹ Nasaba jancim-Mu sibawa nasaba élomu muto mupogau'i pangkaukeng-pangkaukeng battowaéro untu' paggurui atammué.

2 SAMUEL 7:21 ပူးပေါင်းရင်းမြစ်များ

1 TAWARIKH 17:19

Nasaba élo-Mu muto sibawa untu' apentingekku Mupogau'i sininna pangkaukeng battowaéwé sibawa mannessa-nessa.

MAZMUR 115:1

Tenniya idi, oh Puwang, tenniya idi, iyakiya Iko bawang harusu ripoji, saba' matinulu-Ko sibawa tette mamasé.

MAZMUR 138:2

Suju'ka mattuju ri Bola-Mu iya mapaccingngé naupoji towi asem-Mu, saba' matinulu-Ko sibawa tuli mamasé. Lebbi Mupentingkangngi jancim-Mu naiya pallolongenna tauwé passalenna alé-Mu.

ABBILANGENG 23:19

Allataala dé' napada-pada tolinoé iya magampangngé massesse kalé sibawa napoji mabbellé. Rékko majjanciwi Allataala, pasti Narupai! Rékko mabbicarai, tentu kajajiyangngi!

MATIUS 11:26

Iyanaro pésennangiwi atinna Ambo'.”

MATIUS 24:35

Lennye'i matu langié sibawa linoé, iyakiya ada-adak-Ku tette'i mannennungeng.”

LUKAS 1:72

Untu' mappaitangngi asémpowatin-Na lao ri toriyolota, jancin-Na iya mapaccingngéro Narupaiwi matu.

LUKAS 10:21

Iyatoro wettué namarennu Yésus nasaba rikuwasaiwi ri Rohna Allataala. Makkedai Yésus, “Ambo', Puwang iya makuwasaiyéngngi langié sibawa linoé! Mattarima kasi'ka ri Iko nasaba iya manennaro Murahasiyakangngi polé ri tau iya maccaé sibawa mappangissengengngé, iyakiya Muwajjellokengngi lao risining tau iya dé'é namacca. Iyanaro pésennangiwi atinna Ambo'.

LUKAS 12:32

“Iko iya céddé'mi jumellamu, aja' mumétau! Saba' masennang Ambo'mu mpérékko barakka polé ri Apparéntan-Na.

1 KORINTUS 1:1

Saudara-saudara jema'na Allataala ri Korintus! Purani Saudara riyobbi ri Allataala untu' mancaji umma'-Na nasaba Saudara appunnangennai Kristus Yésus, silaong sining tauwé muwi kégi-kégi iya sompaéngngi Puwatta Yésus Kristus, iyanaritu Puwanna mennang sibawa Puwattato. Iyya, Paulus, sibawa saudarata Sosténés, mamménasai tennapodo Allataala Ambo'ta sibawa Puwang Yésus Kristus mabbéré barakka enrengngé asaléwangeng lao ri iko. Uwokii iyaé sure'é selaku rasulna Kristus Yésus, iya nakkaé Allataala sibawa élo-Na muto.

EFESUS 1:9

Manuru élo-Na muto, Allataala mappaddissengengngi lao ri idi rahasiya-Na rancana-Na; purani Napettui makkedaé iyaro rancana-Na napattépui matu naolai Kristus.

EFESUS 3:11

Napogau'i Allataala iyaro situru sibawa rancana-Na iya mannennungengngé, iya napajoppaé sibawa naolai Kristus Yésus Puwatta.

EFESUS 4:32

Sibalé'na, sitinajako makessing ati sibawa mapparessé babuwa séddié lao ri laingngé, sibawa sisullé siyaddampengeng pada-padato Allataala maddampengekko naolai Kristus.