2 SAMUEL 7:2 - KITTA KAREBA MADECENG

² Namakkedana arungngé lao ri Nabi Natan, “Itani, iyya'é monroka ri saoraja iya riyébbué polé ri aju camara Libanon, padahal Petti Assijancinna Allataala banna ritaroi ri laleng kémaé bawang!”

2 SAMUEL 7:2 ပူးပေါင်းရင်းမြစ်များ

2 SAMUEL 11:11

Nappébali Uria, “Tentara Israélié sibawa Yéhuda mattengngang mammusu na Petti Assijancinna Puwangnge sibawangngi mennang; Yoab pallimata sibawa sining parawirana makkémai ri padangngé. Masa atattaé lisu ri bolaé, sibawa manré ménung enrengngé matinro sibawa bainéna atattaé? Nasabbing nyawana Datu sibawa nyawana atatta, dé' namaélo atatta pogau'i iyaro!”

2 SAMUEL 12:1

Purairo nasuroni Puwangnge Nabi Natan méwai sita Daud. Laoni Natan ri aléna sibawa makkeda, “Engka duwa tau iya monroé ri laleng séddi kota; iya séddié sugii sibawa iya séddiéssi kasiyasi.

2 SAMUEL 5:11

Arung Hiram polé ri wanuwa Tarsus kiringngi duta-dutana lao ri Daud, makkuwatoro aju camara Libanon sibawa sining tukang kajué enrengngé sining tukang batué untu' patettong saoraja.

2 SAMUEL 6:17

Iyaro Petti Assijancingngé napalénne'i ri onronna ri laleng kéma iya puraé napasang Daud untu' Pettiéro. Nainappa makkasuwiyang Daud akkarobangeng ritunu sibawa akkarobangeng pappasidamé lao ri Puwangnge.

2 SAMUEL 7:17

Nainappa Natan paissengiwi Daud sininna iya puraé ripannessangengngi ri Allataala.

1 ARUNG-NGARUNG 1:22

Ri wettu mabbicarana mupa Batsyéba, lettu'ni Nabi Natan ri saorajaé.

1 ARUNG-NGARUNG 1:8

Iyakiya Imang Zadok, Bénaya ana' Yoyada, Nabi Natan, Siméi, Réi sibawa pengawal paribadinna Arung Daud dé' naccowé lao ri Adonia.

1 ARUNG-NGARUNG 8:17

Nakkeda Salomo patterui adanna, “Ambo'ku Daud pura rancanai untu' patettong bola onrong assompang lao ri Puwang Allataalana Israélié.

1 TAWARIKH 14:1

Nakirinni Arung Hiram polé ri wanuwa Tirus duta-dutana lao ri Daud, sibawato aju camara Libanon enrengngé panré-panré aju sibawa tukang batu untu' patettong saoraja.

1 TAWARIKH 16:1

Iyaro Petti Assijancingngé napalénne'i ri laleng kéma iya puraé napassadiya Daud untu' Pettiéro. Nainappa makkasuwiyang mennang lao ri Allataala akkarobangeng ritunu sibawa akkarobangeng pappasidamé.

1 TAWARIKH 22:7

Nakkeda Daud lao ri Salomo, “Ana'ku, maittani uwanniya' patettong séddi bola untu' pakalebbii Puwang Allataalaku.

1 TAWARIKH 29:29

Riwaya'na Arung Daud polé ri pammulanna lettu ri paccappurenna purani riyoki ri laleng kitta'na Nabi Samuél, Nabi Natan sibawa Nabi Gad.

2 TAWARIKH 1:4

Iyakiya Petti Assijancinna Puwangnge engkai ri Yérusalém ri laleng kéma iya napasangngé Arung Daud untu' Pettiéro wettunna napalétté polé ri Kiryat-Yéarim.)

2 TAWARIKH 29:25

Situru sibawa panunju-panunju iya nabbéréyangngé Puwangnge lao ri Daud naolai Nabi Gad, iya majjamaé untu' arungngé sibawa naolai Nabi Natan, arungngé taroi sining tau Léwié ri Bolana Puwangnge macculé kacapi sibawa gambusu,

2 TAWARIKH 9:29

Curita laingngé passalenna Salomo polé ri pammulanna lettu ri paccappurenna purani riyoki ri laleng kitta Riwaya'na Nabi Natan sibawa ri laleng kitta Botona Ahia tau Siloé, sibawa ri laleng kitta Wahyunna Nabi Ido, iya curitaé towi apparéntanna Yérobéam arunna Israélié.

MAZMUR 132:2

Aja' tallupaiwi assompanna lao ri Iko Puwang, jancinna lao ri Iko Iya Pommawatangngé, Allataalana Yakub.

MAZMUR 132:5

ri wettu dé'na upassadiya bola untu' Allataalana Yakub, onrong naonroi untu' Puwang Iya Pommawatangngé.”

ASSURENG 40:21

Nainappa nataro iyaro Pettié ri laleng Kémaé sibawa gattungngi kaing passampona ri yolona, pada-pada iya napparéntangngé Puwangnge lao ri aléna.

HAGAI 1:4

“Eh umma'-Ku, wettunnanaga monroko ri lalempola iya masse'é namawatang, na Bola-Ku maddupa mupi ruttungeng?

YOHANES 2:17

Nanaéngngeranni sining ana' gurun-Na aya'na Kitta'éwé, “Pappojik-Ku lao ri Bola-Mu oh Allataala, natunui atik-Ku.”

RIWAYA'NA RASUL-RASUL-E 7:46

Napésennangiwi Daud atinna Allataala sibawa naéllauwi ri Aléna kuwammengngi naripalalo mébbu séddi bola untu' Allataala iya nasompaé Yakub.