2 SAMUEL 7:16 - KITTA KAREBA MADECENG

¹⁶ Tuli mappunnaiko matu wija-wijanna, sibawa Uwébbui matu akkarungemmu mattahang mannennungeng. Untu' mannennungeng séddi polé ri wija-wija, mapparéntai matu selaku arung.’ ”

2 SAMUEL 7:16 ပူးပေါင်းရင်းမြစ်များ

KAJAJIYANG 49:10

Nakkatenningngi matu Yéhuda tekkeng akkarungengngé, mapparéntai matu wija-wijanna mannennungeng. Tiwii matu bangsa-bangsaé pakkasuwiyang, enrengngé suju' sibawa tunru ri yolona.

2 SAMUEL 22:51

Allataala mabbéré apakalang battowa lao ri arun-Na, tette'i namaséi tau napilé-Na, iyanaritu Daud sibawa wija-wijanna untu' mannennungeng.

2 SAMUEL 7:17

Nainappa Natan paissengiwi Daud sininna iya puraé ripannessangengngi ri Allataala.

1 ARUNG-NGARUNG 2:4

Rékko mapatoko lao ri Puwang, narupaiwi matu jancin-Na makkedaé wija-wijakku paréntai matu Israélié, assaleng sukkui atinna mennang sibawa sukku nyawana tuli matinulu turusi parénta-parénta-Na.

1 ARUNG-NGARUNG 9:5

Urupaiwi matu jancik-Ku lao ri ambo'mu Daud makkedaé ana' eppomu massossoreng tuli naparéntai matu Israélié.

2 ARUNG-NGARUNG 19:34

Uwéwaiwi kota Yérusalém sibawa Ulinrungiwi nasaba alebbirek-Ku muto sibawa nasaba assijancik-Ku sibawa atak-Ku Daud.’ ”

2 ARUNG-NGARUNG 8:19

Iyakiya dé' namaélo Puwangnge pabbinasai Yéhuda nasaba purai majjanci lao ri Daud atan-Na, makkedaé tette'i matu wija-wijanna mancaji arung.

2 TAWARIKH 6:16

Pura tono majjanci lao ri ambo'ku makkedaé rékko tonget-tongengngi wija-wijanna mapato lao ri hukkum-Mu pada-pada aléna, na untu' mannennungeng séddi polé ri wija-wijanna mapparéntai matu selaku arung ri Israélié. Makkekkuwangngé, oh Puwang Allataalana Israélié, rupai maneng towi iya puraé Muwajjanciyang lao ri ambo'ku Daud, atam-Muro.

AYUB 36:7

Napénessaiwi sining tau malempué, Naébbui mennang makuwasa pada arung-ngarungngé, angkanna ripakalebbii mannennungeng.

MAZMUR 45:6

Panamu iya macéru'é bettui jantunna balimmu, menrungngi bangsa-bangsaé ri yolomu.

MAZMUR 72:5

Tennapodo tette'i mattahang massossoreng ri wettu engkana mupa mata esso sibawa kéteng.

MAZMUR 89:4

Makkedako, “Purana mébbu assijancing sibawa tau ripilé-Ku; pura-Ka mattanro lao ri Daud, atak-Ku:

YESAYA 9:6

Mapparéntai selaku arung wija-wijanna Daud, akuwasanna battowa senna. Wanuwanna tuli daméi nasaléwangeng; apparéntanna napatettongngi ri yaséna hukkungngé sibawa adélékengngé makkekkuwangngé sibawa mannennungeng. Puwang Iya Pommakuwasaé pasti napogau'i.

YESAYA 9:7

Puwangnge pura pateppai pahukkungengngé ri yasé'na akkarungenna Israélié.

YEREMIA 17:25

Rékko tonget-tongekko pajoppai iyaro parénta-parénta-Ku, arung-ngarung sibawa pajaba-pajaba iya mapparéntaé pada-pada Daud nauttamakiwi matu gerbang-gerbanna kota Yérusalém. Silaongngi mennang tau Yéhudaé sibawa pabbanuwana Yérusalém, tonangiwi matu karéta anyarang, angkanna kota Yérusalém mancaji marowa senna.

YEREMIA 33:17

Iyya, Puwang, majjanci makkedaé tuli engka matu séddi tau polé ri wija-wijanna Daud iya mancaji arunnaé Israélié;

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

DANIEL 7:14

Riwéréngngi alebbireng sibawa akuwasang selaku arung, angkanna sining tau polé ri sininna bangsaé, suku bangsaé sibawa basaé mattumaniwi lao ri aléna. Mattahangngi matu akuwasanna lettu mannennungeng, apparéntanna dé' matu naripalésso.

MATIUS 16:18

Rimakkuwannanaro issenni, ikona iyanaritu Pétrus, batu masse'é. Na ri yasé'na pallangga batuéwé maélo Upatettong garéja-Ku, iya dé'é nawedding ricau; namuni amaténgngé!

YOHANES 12:34

Nakkeda tau maégaéro lao ri Aléna, “Manuru' Kitta Hukkutta, Arung Pappassalama'é tuwoi matu mannennungeng. Pékkugi-Ko wedding makkeda makkedaé Ana'na Tolinoé harusu'i ripakatanré ri yasé'na linoé? Niga iyaro Ana'na Tolinoé?”

IBRANI 1:8

Iyakiya lao ri Ana'éro, makkedai Allataala, “Kadéra arajam-Mu, oh Allataala, mannennungengngi matu! Apparéntangem-Mu iyanaritu apparéntang iya adélé'é.

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”

1 SAMUEL 25:28

Taddampengengngi atakkalupanna atatta. Pasti Puwangnge pancajiwi matu Puwakku enrengngé wija-wijanna Puwakku arung ri Israélié, saba' mammusui Puwakku untu' Puwangnge, sibawa dé' namaélo Puwakku pogau'i majaé gangka tuwona.