2 SAMUEL 7:12 - KITTA KAREBA MADECENG

^12-13 Matti, rékko narapini ajjalemmu, narikuburu'ko ri tampunna toriyolomu, séddi polé ri ana' worowanému Uwakka matu mancaji arung. Aléna ritu matu patettongek-Ka bola. Upakkasse'i matu akkarungenna sibawa untu' mannennungeng séddi polé ri wija-wijanna mapparéntai matu selaku arung.

2 SAMUEL 7:12 ပူးပေါင်းရင်းမြစ်များ

KAJAJIYANG 15:4

Nainappa naéngkalingani Abram Puwangnge makkedasi lao ri aléna, “Tenniya atammu iya mancajiyé matu ahli warisi'mu, sangadinna ana' worowanému muto.”

2 SAMUEL 22:51

Allataala mabbéré apakalang battowa lao ri arun-Na, tette'i namaséi tau napilé-Na, iyanaritu Daud sibawa wija-wijanna untu' mannennungeng.

1 ARUNG-NGARUNG 1:21

Rékko dé' nabbéréyangngi Datu iyaro apettungngé, pasti maténa muwa Datu, iyya sibawa ana' worowanéku rigaukengngi matu selaku tobali'bella.”

1 ARUNG-NGARUNG 1:48

sibawa massempajang, ‘Ripojiko, oh Puwang, Allataala iya nasompaé umma Israélié. Iyaé essoé séddi polé ri wija-wijakku uwakkani mancaji arung sulléika. Sibawa purana Mupalalo tuwo untu' sabbingngi!’ ”

1 ARUNG-NGARUNG 2:1

Wettunna macawé'ni ajjalenna, naobbini Daud Salomo, ana' worowanéna, sibawa mabbéréyangngi pasenna iya paccappurengngé. Makkedani Daud,

1 ARUNG-NGARUNG 2:10

Nainappa maténi Daud naritampung ri Kota Daud.

1 ARUNG-NGARUNG 2:4

Rékko mapatoko lao ri Puwang, narupaiwi matu jancin-Na makkedaé wija-wijakku paréntai matu Israélié, assaleng sukkui atinna mennang sibawa sukku nyawana tuli matinulu turusi parénta-parénta-Na.

1 ARUNG-NGARUNG 5:5

Puwangnge pura majjanci makkuwaé lao ri ambo'ku Daud, ‘Ana' worowanému iya uwakkaé matu mancaji arung sulléiko patettong matu bola onrong assompang lao ri iyya.’ Rimakkuwannanaro, Puwang Hiram Iya Malebbié, iyya, Salomo, pura pettuiwi patettongngi iyaro bolaé.

1 ARUNG-NGARUNG 8:15

Makkedani, “Riyolo purai majjanci Puwangnge ri ambo'ku Daud makkuwaé, ‘Sipongenna Utiwi umma'-Ku massu polé ri Maséré, ri sininna wanuwa Israélié dé'gaga muwi séddi kota iya Upilé mancaji onrong kégi harusu ripatettongekka bola untu' onrong assompang lao ri Iyya. Iyakiya iko, Daud, Upilé untu' paréntai umma'-Ku.’ Ripojiwi Puwang Allataalana Israélié iya puraé rupaiwi jancin-Naro!”

1 ARUNG-NGARUNG 8:19

Iyakiya, tenniya iko, sangadinna ana'mu ritu iya patettongngéngngi matu iyaro bola-Ku.’

1 ARUNG-NGARUNG 8:20

Makkekkuwangngé narupaini Puwangnge jancin-Na. Mancaji arunnana Israélié sulléiwi ambo'ku, sibawa purana patettong bola untu' onrong assompang lao ri Puwangnge, Allataalana Israélié.

1 ARUNG-NGARUNG 9:5

Urupaiwi matu jancik-Ku lao ri ambo'mu Daud makkedaé ana' eppomu massossoreng tuli naparéntai matu Israélié.

2 ARUNG-NGARUNG 8:19

Iyakiya dé' namaélo Puwangnge pabbinasai Yéhuda nasaba purai majjanci lao ri Daud atan-Na, makkedaé tette'i matu wija-wijanna mancaji arung.

1 TAWARIKH 17:11

Matti, rékko narapini ajjalemmu sibawa rikuburu'ko ri tampunna toriloyomu, séddi polé ri ana' worowanému Uwakka matu mancaji arung. Aléna ritu matu patettongek-Ka bola. Upakkasse'i matu akkarungenna, sibawa untu' mannennungeng séddi polé ri wija-wijanna mapparéntai matu selaku arung.

2 TAWARIKH 1:9

Makkekkuwangngé oh Puwang Allataala, tennapodo Murupaiwi jancim-Mu ri ambo'ku. Purani Muwakkaka mancaji arung ri bangsa battowaéwé iya dé'é naribilang jumellana.

2 TAWARIKH 13:5

Muwisseng makkedaé Puwangnge, Allataalana Israélié, pura siyo assijancing sibawa Daud makkedaé aléna sibawa wija-wijanna naparéntai matu Israélié untu' mannennungeng. Iyaro jancié dé' nawedding risampéyang.

2 TAWARIKH 21:7

iyakiya dé' namaélo Puwangnge pabbinasai arungngé polé ri wija-wijanna Daud nasaba purai majjanci makkedaé wija-wijanna Daud tette'i matu mapparénta.

2 TAWARIKH 23:3

Maddeppungenni mennang ri Bolana Puwangnge, sibawa mébbu assijancing sibawa Yoas, ana' worowanéna arungngéro. Makkedani Yoyada lao ri mennang, “Iyanaé ana' worowanéna Arung Ahazia! Harusu'i makkekkuwangngé mancaji arung, saba' purai majjanci Puwangnge makkedaé tette'i matu mapparénta wija-wijanna Daud.

2 TAWARIKH 6:15

Purani murupai jancim-Mu lao ri ambo'ku Daud. Aga iya Muwajjanciyangngéro purani Mupogau' iyaé essoé.

2 TAWARIKH 6:9

Iyakiya tenniya iko, sangadinna ana'mu ritu patettongngi matu iyaro Bola-Ku!’

MAZMUR 89:29

Tette'i matu Uwamaséi lettu mannennungeng, assijancik-Ku sibawa aléna tette'i masse.

YESAYA 11:10

Narapii matu wettunna séddi arung wija-wijanna Daud mancaji poko' perhatiyanna bangsa-bangsaé. Poléi matu mennang ri aléna, sibawa onrong naonroiyé ripoji-pojiwi matu.

YESAYA 9:7

Puwangnge pura pateppai pahukkungengngé ri yasé'na akkarungenna Israélié.

YEREMIA 33:17

Iyya, Puwang, majjanci makkedaé tuli engka matu séddi tau polé ri wija-wijanna Daud iya mancaji arunnaé Israélié;

DANIEL 12:2

Maéga ri yelle'na mennang iya matéénna tuwoi matu paimeng; sibagiyang péneddingiwi matu atuwong mannennungengngé, na sibagiyassi péneddingiwi matu atunangngé sibawa appakatau-taureng iya mannennungengngétto.

MATIUS 1:1

Iyanaé assossorenna néné-nénéna Yésus Kristus, wijanna Daud, wijanna Abraham. Polé ri Abraham lettu ri Daud tarokii aseng-ngaseng makkuwaéwé:

LUKAS 1:32

Mancajiwi matu maraja nariyaseng Ana'na Allataala Iya Pommatanré. Napancajiwi matu Puwang Allataala arung pada-pada Arung Daud, néné-nénéna.

LUKAS 24:27

Nainappa napakatajang Yésus lao ri mennang aga tarokié ri laleng sininna Kitta'é passalenna Aléna, mappammulai ri Kitta'-kitta'na Musa enrengngé Kitta'na sining Nabié.

RIWAYA'NA RASUL-RASUL-E 13:36

Maténi Daud sibawa purana tona ritampung silaong néné-nénéna, puranana napogau' aga iya nassurowangngé Allataala ripogau'. Ancuru'ni cappu maneng ujuna Daud.

RIWAYA'NA RASUL-RASUL-E 2:30

Pura majjanciwi Allataala lao ri Daud, sibawa mattanro, makkedaé sala séddinna polé ri wijanna Daud nakkai matu Allataala mancaji arung. Nasaba naissengngi Daud iyaro jancié, nasaba séddi towi nabi,

1 KORINTUS 15:51

Pénessaini iyaé rahasiyaé: Dé' tamaté maneng matu, iyakiya tappinra manekki matu.

ULANGENG 31:16

Adanna Puwangnge lao ri Musa, “Macawé'ni ajjalemmu. Matémuna, bangsa Israélié dé' namatinuluna ri Iyya sibawa massakkarengngi assijancing iya Uwébbué sibawa mennang. Nasalaika matu untu' massompa ri déwata-déwataé iya risompaé ri wanuwa iya dé'énna namaitta nauttamakiwi mennang.

1 TESALONIKA 4:14

Mateppe'ki makkedaé purai maté Yésus sibawa tuwoi paimeng. Iyanaro saba'na tamateppe'to makkedaé Allataala patuwoi matu paimeng sininna tau iya mateppe'é ri Yésus iya matéénna, kuwammengngi natuwo mennang sibawa Aléna.