2 SAMUEL 6:7 - KITTA KAREBA MADECENG

⁷ Iyatoro wettué namacai Puwang Allataala lao ri Uza, nasaba iyaro pangkaukenna sinrupai pappakatuna lao ri Puwangnge. Naunoi Uza ri onrongngéro, ri seddéna Petti Assijancingngé.

2 SAMUEL 6:7 ပူးပေါင်းရင်းမြစ်များ

2 SAMUEL 6:8

Nappammula wettuéro nariyaseng iyaro onrongngé Pérés-Uza. Macaini Daud nasaba Puwangnge mpunoi Uza.

1 TAWARIKH 13:10

Iyatoro wettué namacai Puwangnge lao ri Uza nasaba iyaro pangkaukenna sinrupai séuwa pappakatuna lao ri Puwangnge. Nanaunoi Uza kuwaro. Nappammula wettuéro iyaro onrongngé riyasenni “Pérés-Uza”. Macaini Daud nasaba Puwangnge pabbinasai Uza.

1 TAWARIKH 15:13

Wettunna iyaro Pettié untu' bunge'-bunge'na ripalétté, dé'ko gaga kuwaro untu' tiwii. Rimakkuwannanaro Puwangnge, Allataalata, hukkukki saba' tasompai dé' nasituru élo-Na.”

1 TAWARIKH 15:2

Makkedai Daud, “Banna tau Léwié wedding makkai Petti Assijancinna Puwangnge, saba' mennang ritu napilé Puwangnge untu' mpuléi iyaro Pettié sibawa mattumani ri Aléna untu' mannennungeng.”

ABBILANGENG 1:51

Rékko létté'ko, iyaro sining tau Léwié harusu'i nabongkara Kéma-Ku, nainappa napasang paimeng ri tungke' onrong akkémang iya barué. Ri lainnaé mennang, nigi-nigi maddeppériwi iyaro Kémaé harusu'i rihukkung maté.

ABBILANGENG 4:15

Makkedai Puwangnge lao ri Musa sibawa Harun, “Wettummu bongkara'i akkémangngé, Harun sibawa ana'-ana'na harusu'i muttama ri laleng Kéma-Ku sibawa tongkoi sininna barangngé sibawa paréwanna iya engkaé kuwaro. Purairo nappa sining tau Kéhat-é wedding polé untu' méssangngi. Iyakiya dé' nawedding mennang naita, maddeppériwi iyaré'ga géssai iyaro barab-barangngé, nasaba purani ripallaing untu' aléku. Rékko to napogau'i mennang, matéi matu. Jaji, kuwammengngi iyaro sining tau Kéhat-é aja' nalennye polé ri suku Léwié, Harun sibawa ana'-ana'na harusu tugaskangngi tungke'-tungke' ri yelle'na mennang aga iya harusu'é mennang natiwi. Iyanaro tugasna tau Kéhat-é wettunna Kéma-Ku ripalétté. Eléazar, ana' Harun tanggung jawakiwi sininna Kéma-Ku, minnya lampué, dupa, akkarobang gandongngé untu' pappatala iya tette'é, minnya upacaraé sibawa sininna iya engkaé ri laleng Kéma-Ku.”

1 SAMUEL 25:38

Kira-kira seppulo esso rimunrinna lolongessi Nabal serangang jantung polé ri Puwangnge angkanna maté.

1 SAMUEL 6:19

Iyakiya nasaba iyaro sining tau Bét-Sémes-é célléngngi muttama ri laleng Petti Assijancinna Puwangnge, pituppulo tau ri yelle'na mennang riyuno ri Puwangnge. Nanabbarata ra'ya'é nasaba Puwangnge pateppaiwi mennang abala iya makkuwaéro loppona.